Lucas 12:11 - Qullan Arunaka DC

¹¹ “Kunapachatix sinagoganakaru, jan ukax taripirinak nayraqataru, jilïrinak nayraqatar apapkätam ukkhaxa, jan llakisipxamti ukan kunjäm arsuñamatsa;

Aymar Bibliia 1986

¹¹ “Cunapachatï sinagoganacar apapjjätam, jan ucajj juezanac nayrakatarusa, uqhamarac autoridadanac nayrakatarusa ucqhajja, jan llaquisipjjamti ucan cunjäm arsuñanacamatsa;

Qullan Arunaca

¹¹ “Cunapachatï sinagoganacar apapjjätam, jan ucajj juezanac nayrakatarusa, uqhamarac autoridadanac nayrakatarusa ucqhajja, jan llaquisipjjamti ucan cunjäm arsuñanacamatsa;

Lucas 12:11 Jak'a apnaqawi uñst'ayäwi

Éxodo 4:12

Ukhamasti saramaya, parlkäta ukkhax nayaw jumampiskä, nayarakiw kunanaktix arsuñamäki uksa yatichäma —sasa.

Mateo 23:34

Jichhax ukatpï nayax jumanakarux profetanaka, yatichirinaka, amuyt'irinak khithanïxa. Ukampis jumanakax jupanakat yaqhipanakarux ch'akkatasin jiwayapxäta, mayninakarusti sinagoganakan nuwjapxäta, ukatsti markat marka arknaqapxarakïta.

Mateo 6:25

“Sapxaraksmawa: Jan llakisipxamti, kuntix manq'apkäta, umapkäta, isisipkäta ukanakata. ¿Janit jakañax manq'at sipan juk'ampïki, janchis isit sipan juk'ampïkisti?

Mateo 6:27

Ukampis ¿khitirak wal llakisitapat jakañap mä juk'ampi yapt'asispasti?

Mateo 6:28

“¿Kunatarak isit llakisipxtasti? Uñtapxam kunjämtix pampan panqaranakax jilaski uka, ukanakax janiw irnaqapkiti qapupkarakisa.

Mateo 6:31

Ukhamax jan llakisipxamti akham sasa: ‘¿Kunsa manq'añäni? ¿Kunsa umañäni? ¿Kunampis isisiñäni?’ sasa.

Mateo 6:34

Jan qharürut llakisipxamti, qharürux llakisiñatak pachax utjaskaniwa. Sapürurakiw llakinakan phuqhantatäski.

Lucas 12:22

Ukxarusti Jesusax yatiqirinakaparux siwa: “Sapxsmawa: Manq'añatsa, isisiñatsa jan llakisipxamti.