Lucas 11:31 - Qullan Arunaka DC

³¹ Taripäwi urunxa, kunapachatix jichha urunakan jakir jaqinakar taripatäkani ukkhaxa, aynachankir reinaw sartasin juchañchani; jupasti Salomonan yatiñ kankañap ist'iriw wali jayatpach jutäna, ukampis khititix akankki jupax Salomonat sipan juk'ampi jach'awa.

Aymar Bibliia 1986

³¹ Taripäwi urunjja jichha urunacan jakenacaru taripatäcani ucqhajja aynachanquir reinaw sartasinjj juchañchani. Jupasti wali jayatpachaw Salomonan yatiñap ist'irejj jutäna. Ucampis jichhajj Salomonatsa juc'ampïquis ucaw acanqui.

Qullan Arunaca

³¹ Taripäwi urunjja jichha urunacan jakenacaru taripatäcani ucqhajja aynachanquir reinaw sartasinjj juchañchani. Jupasti wali jayatpachaw Salomonan yatiñap ist'irejj jutäna. Ucampis jichhajj Salomonatsa juc'ampïquis ucaw acanqui.

Lucas 11:31 Jak'a apnaqawi uñst'ayäwi

2 Crónicas 9:1

Sabá markankir reinax, Salomonan aytat kankañapat ist'atayna, ukat jupax Jerusalén markar saräna, ch'ama jiskt'anakampi jupar yant'añataki. Jupasti amuyt'ayirinakapamp chikaw purïna, camellonakapanxa q'apkir qullanaka, walja qurinaka, munkañ qalanak khumt'ata. Kunapachatix Salomonan nayraqatapar purkäna ukkhaxa, kunanaktix amtkäna ukanak jiskt'äna,

Isaías 54:17

ukampis jumar tukjañatakix janiw khitis nuwasiñ yänak lurkiti. Jumar juchañchapkätam ukanakarux amukt'ayätawa. Nayar arkapkitu ukanakarusti atipt'añ churta”. Tatituw ukham arsu.

Jeremías 3:11

Tatitusti sarakituwa: “Nayar saykatir Israelax, ukham jan wal lurir Judá markat sipan juk'a juchanikiwa.

Mateo 12:42

Uka kipkarakiw Sabá markankir reinas taripäwi urunxa, jichha urunakan jakirinakar juchañchiriw sartani; jupasti wali jaya markatpach Salomonan yatiñ kankañap ist'iriw jutäna, ukampis jichhax Salomonat juk'amp jach'ax mayniw akanki.

Lucas 3:22

Qullan Ajayusti mä palomar uñtataw jupxar qhanpach saraqanïna, ukatsti mä aruw alaxpachat ist'asïna: —Jumaw nayan munat Wawaxätaxa, khitirutix nayax ajlliskta ukaxa —sasa.

Lucas 9:35

Ukapachaw qinay taypit mä arux ist'asïna, akham sasa: “Akaw munat Wawaxaxa, jupar ist'apxam” sasa.

Romanos 2:27

Kamachir jaysir jaqix, janisay janchipan circuncisión luräwi katuqkpan, khititix kamachinïkasina, circuncisión luräwi katuqkasinsa jan phuqkan ukarux taripaniwa.

Hebreos 11:7

Noé chachax iyawsäwi laykuw Diosar jaysäna, ukatsti mä barca luräna, utapankirinakar qhispiyañataki, kunapachatix Diosax jan uñjatäkänsa ukanakan lurasiñap yatiykän ukkhaxa. Noé chachax uka pachpa iyawsañampiw akapachankir jaqirux juchañchäna, ukham iyawsatap laykuw askit katuqatäna.