Lucas 1:32 - Qullan Arunaka DC

³² Jupax wali aytat jaqïniwa, “Alaxpach Diosan Wawapa” satarakïniwa, ukatsti Dios Tatituw juparux nayra Davidarjam reyit utt'ayani,

Aymar Bibliia 1986

³² Jupasti jach'äniwa, uqhamarac: “Alajjpach Diosan Wawapaw” sataraquïniwa. Ucatsti Dios Tatituw juparojj reyit utt'ayani nayra Davidarjama,

Qullan Arunaca

³² Jupasti jach'äniwa, uqhamarac: ‘Alajjpach Diosan Wawapaw’ sataraquïniwa. Ucatsti Dios Tatituw juparojj reyit utt'ayani nayra Davidarjama,

Lucas 1:32 Jak'a apnaqawi uñst'ayäwi

2 Samuel 7:16

Ukhamarusa, nayaw wawanakaman marka apnaqäwip ch'amaniptayä, reyi qunuñamasti wiñayatak utt'atapunirakïniwa’ ” sasa.

Salmos 132:11

Tatitux juramentompiw David reyirux arsüna, uka arsutapatsti janiw yaqha amtkaniti:

Salmos 132:12

“Juman saraqirinakamat mayniruw reyi qunuñamar qunt'ayä. Wawanakamatix arust'äwi arunakaxar phuqhapxani, yatichäwi arunakaxar phuqhapxarakin ukaxa, wawanakaman wawanakapas wiñayaw reyi qunuñaman qunt'asipxani” sasa.

Isaías 16:5

Davidan wawanakapat mayniw Israel markan reyipat utt'asini, jupan apnaqäwipasti chiqapa, askïniwa; jupax taqiniruw munasiñampi irpani, jank'akiw chiqaparus uñjani.

Jeremías 17:25

Ukhamtix lurapxäta ukkhasti, Davidan qunuñapar qunt'asir reyinakax utjapuniniwa, aka markan punkunakap chiqsti jupanakax carronakxata, caballonakxata taqi jilïrinakampi chikt'ataw mantapxani, Judá uraqinkiri, Jerusalén markan utjir taqi jaqinakapampi kuna. Jerusalén markansti jaqinakax utjaskapuniniwa.

Jeremías 22:2

Judá uraqinkir reyin nayraqatapana, Davidan qunuñapan qunt'atäki uka nayraqatana, reyin yanapirinakapan nayraqatapana, markankir jaqinak nayraqatana: ‘Tatitun arunakap ist'apxam.

Daniel (hebreo) 2:44

Ukampisa, uka reyinakan marka apnaqäwip urunakansti, alaxpachankir Diosax mä rey khithanini, marka apnaqäwipasti wiñayatakïniwa, juparusti janiw khitis atipjkaniti, jan ukasti, jupaw taqi marka apnaqäwinakar tukjani.

Mateo 1:1

Akax, Jesusan nayra awkinakapan sutipatkam aytatawa, jupax Davidampita, Abrahamampit saraqirïnwa.

Mateo 12:42

Uka kipkarakiw Sabá markankir reinas taripäwi urunxa, jichha urunakan jakirinakar juchañchiriw sartani; jupasti wali jaya markatpach Salomonan yatiñ kankañap ist'iriw jutäna, ukampis jichhax Salomonat juk'amp jach'ax mayniw akanki.

Mateo 28:18

Jesusasti jupanakar jak'achasisin säna: —Diosax munañan kankañ churitu, alaxpacha, akapach apnaqañataki.

Mateo 3:11

Nayasti, chiqpachansa umampiw bautisapxsma, ukhamat jumanakax Tatitur kutikipstapxatam uñacht'ayañataki; ukampis khititix nayat qhipa jutki ukax Qullan Ajayumpi, ninampiw bautisapxätam. Jupasti nayat sipan juk'amp ch'amaniwa, nayasti janirakiw jupan wiskhup apañatakis askïkti.

Marcos 14:61

Ukampis Jesusax amukiw ist'äna, janirakiw kuns arskänti. Jilïr sacerdotex wasitat jiskt'askakïnwa: —¿Jumätati Cristoxa, Qullan Diosan Yuqapäki ukaxa? —sasa.

Marcos 5:7

ukatsti, jach'at juparux art'äna: —¡Jesús, Alaxpachankir Diosan Yuqapa! ¿Kuna lurañamas nayamp utji? ¡Diosan sutiparuw achikt'assma, janikiy t'aqhisiyistati! —sasa.

Lucas 1:15

aka wawax Tatit nayraqatan wali aytatäniwa. Janiw vino umkaniti, janirakiw kuna umañanaksa umkaniti, jupax janïr yurkis ukkhatpach Qullan Ajayun phuqt'atäniwa.

Lucas 1:35

Angelasti sänwa: —Qullan Ajayuw jumxar jutani, ukatsti alaxpach Diosan ch'amapaw mä qinayjam jumarux imxattätam. Yurkani uka wawax Diosan Qullan Wawapa satarakïniwa.

Lucas 1:76

Jumasti, munat wawa, alaxpachankir Diosan profetapa satäyätawa, jumaw Tatitun nayraqatap saräta, thakhinakap wakicharakïta,

Lucas 3:16

ukampis Juanax taqiniruw säna: “Nayax chiqpachan umampiw bautisapxsma, ukampis mayni jutki ukax Qullan Ajayumpi, ninampiw bautisapxätam. Jupax nayat sipan juk'amp ch'amaniwa, nayasti janirakiw askïkti wiskhu t'isnup jararañatakisa.

Lucas 6:35

Ukampis jumanakax uñisirinakamar munapxañamawa, aski lurapxañamaraki, jan kun katuqañ suyasak mayt'apxam. Ukhamat jumanakan katuqañamax jach'äni, jumanakasti Alaxpach Dios Awkin wawanakapäpxätawa. Diosax jupar jan yuspagaririnakatsa, juchararanakatsa khuyapt'ayasiwa.

Juan 12:34

Jaqinakasti sapxarakïnwa: —¿Kunatarak Jaqin Yuqapax cruzan ch'akkatas aptatäniwa sistasti? ¿Khitirak Jaqin Yuqapasti? Kamachi tuqiw nanakax yatipxta Criston wiñayatak jakañapa —sasa.

Juan 6:69

Nanakax iyawsxapxtwa, jumax jakkir Diosan Yuqapa Cristötam yatipxarakta —sasa.

Hechos 16:17

Uka tawaqusti Pablompir nanakampiruw arknaqañ qalltapxitu, jach'at arnaqasisa: —¡Aka jaqinakax alaxpachankir Diosan luqtirinakapawa, jumanakarusti qhispiyasiñ thakhi yatiyapxtam! —sasa.

Hechos 2:30

Davidax profetänwa, ukat kuntix Diosax juramentompi jupar siskatayna uk yatïna: “Juman reyi qunuñamarux, jumat saraqir mayni wawamaruw utt'ayä” sasa.

Hechos 2:36

“Ukhamasti, Israel markpach yatipxam, jumanakax ch'akkatapkta uka Jesusaruw Diosax Cristo Tatitut utt'ayi” sasa.

Hechos 7:48

Ukhamäkipansa, alaxpachankir Diosax janiw jaqinakan amparanakapamp lurat utanakan jakaskiti, ukham mä profeta tuqi säna:

Apocalipsis 3:7

“Filadelfia iglesiankir angelarux qillqasin apayarakim: ‘Khititix qullanäki chiqapäkaraki, David reyin jist'arañapsa katxäski, jist'aratapar jan khitis jist'antirïki, jist'antatapar jan khitis jist'arirïki ukax akham siwa: