Levítico 8:8 - Qullan Arunaka DC

⁸ Ukxarusti pectoralampiw uskuraki, uka patxarusti Urim, Tumim uka qalanak ucharaki, uka jisk'a qalanakax Tatitun munañap yatiñatakïnwa.

Aymar Bibliia 1986

⁸ Ucjjarusti pectoral isimpiw uscuraqui, uca pectoral sisqui ucarusti Urim, uqhamaraqui Tumim ucanacwa uscuraquïna.

Qullan Arunaca

⁸ Ucjjarusti pectoral isimpiw uscuraqui, uca pectoral sisqui ucarusti Urim, uqhamaraqui Tumim ucanacwa uscuraquïna.

Levítico 8:8 Jak'a apnaqawi uñst'ayäwi

Esdras 2:63

Ukhamarusa, mark apnaqirix jupanakar Tatitur luqtat manq'anakat jan manq'apxañapatakiw yatiyäna; mä sacerdoten Urim, Tumim sat qalanak tuqi kunjämänis uk yatiñapkama.

Nehemías 7:65

Ukhamarusa, marka apnaqirixa, jupanakarux luqtat manq'anakat jan manq'apxañapatakiw yatiyäna, mä sacerdoten uk yatxatañapkama, Urim, Tumim sat qalanak tuqi.

Éxodo 29:1

Diosax Moisesar sacerdotenakar luqtañxat parlaskakïnwa. Jupasti sänwa: “Nayar luqtirinak sacerdote kankañ katuqayañatakix akham luräta: Mä vaca qallu katüta, pä k'umar urqu ovejanakampi.

Cantar de los cantares 8:6

¡Chuymamar nay chimpuntasita, amparamar nay chimpuntasita! Munasiñax jiwañar uñtat jan t'unjkayawa; jumar munañasti amay imäwir uñtat jan kamachkayawa. ¡Munasiñasti ninar uñtataw aqaraki, ukasti qullan ninawa!

Isaías 59:17

Atipjañampisti mä jark'aqasiñampjamaw isthapisi, qhispiyasiñampix p'iqipar mä cascompjamaw asxatasi, phuqsusiñampisti mä isimpjamaw isthapisi, phiñasiñapampisti mä jach'a isimpjamaw llawuntasi.

Números 27:21

Josué chachax Eleazar sacerdoten nayraqataparuw uñstañapa, Eleazarasti Urim tuqiw sutipxar nayar jiskt'itani. Josué chachaw israelitanakar apnaqani taqi kuna lurañanakapansa —sasa.

Efesios 6:14

Ukhamasti ch'aman sayt'asipxam, chiqa kankañampi isintata, aski kankañampi isthapitaraki.

Deuteronomio 33:8

Leví ayllurusti sarakïnwa: “Diosax israelitanakampiw tuqisïna Masá chiqan jupanakar yant'arakïna, Meribá sat uma jalsu thiyana. Ukampis jupax iyawsañampiw uñjapxtam jupar jaysapxatamata, arust'äwip phuqhas sarnaqapxatamata, awkinakamaru, jilanakamaru, wawanakamar ist'añat sipana. Ukat Tatitux jumanakar Urim, Tumim katuyapxtam, jupan sacerdotenakap utt'ayapxaraktam.

1 Tesalonicenses 5:8

ukampis jiwasanakax urunkirjamax amuyasiñasapuniwa. Iyawsäwimpi, munasiñampix mä qhawampjam uskuntataw jark'aqasiñasa, qhispiyasiñ suyt'äwimpisti mä cascompjamaw asxatasiñasa.

1 Samuel 2:28

Israel markan taqi ayllunakap taypitsti, nayan sacerdotenakäpxañamatakiw ajllisipxsma, altaraxan wilañcha luqtapxañamataki, incienso nakt'ayapxañamataki, ukhamarak sacerdote isimp isthapt'at nayraqataxankapxañamataki. Ukhamarus nayra awkinakamarux israelitanakax nakt'at luqtäwi Tatituru churki taqi uka waxt'äwinakat manq'apxañapatakix churarakta.

1 Samuel 28:6

Ukatsti Tatituruw jiskt'asïna, ukampis Tatitux janiw juparux samkanak tuqisa, Urim tuqisa, profetanaka tuqis jayskänti.