Levítico 8:23 - Qullan Arunaka DC

²³ Ukat Moisesax kharinukxäna, mä juk'a wila aptasasti, Aaronan kupi jinchuparu, kupi amparapan tayka luk'anaparu, kupi kayupan tayka luk'anaparuw jawintäna.

Aymar Bibliia 1986

²³ Ucat Moisesajj qharinucjjaraquïna, ucatsti mä juc'a wila caturaqui, uca wilampisti Aaronaruw cupi jinchut jawt'araqui, uqhamaraqui cupi amparapana tayca luc'anaparusa uca quipcaraqui cupi cayupan tayca luc'anaparusa.

Qullan Arunaca

²³ Ucat Moisesajj qharinucjjaraquïna, ucatsti mä juc'a wila caturaqui, uca wilampisti Aaronaruw cupi jinchut jawt'araqui, uqhamaraqui cupi amparapana tayca luc'anaparusa uca quipcaraqui cupi cayupan tayca luc'anaparusa.

Levítico 8:23 Jak'a apnaqawi uñst'ayäwi

Éxodo 29:20

Ukatsti uka oveja kharinuküta, wilapampisti Aaronampiru, wawanakapampiruw aynach tuqit kupi jinchupat jawt'äta, ukhamarak kupi ampar tayka luk'anata, kupi kayu tayka luk'anampita. Ukatsti jilt'kani uka wilampisti altar thiyanakaruw ch'allakipäta.

Éxodo 29:21

Ukxarusti altar patxan jilt'ir wilampita, luqtañ aceitempit mä juk'a aptasin Aaronampiru, jupan isipampiru, wawanakapampiru, wawanakapan isinakapampiruw ch'allakipäta. Ukhamat Aaronampi, wawanakapampi, isinakapampix Diosar luqtatäxani.

Levítico 14:14

“Ukatsti sacerdotex jucha luratat luqtatäkis uka uywan wilapampi luk'anapar juricht'asaw kawkïri jaqitix q'umachasiski ukan kupi jinchuparu, kupi amparapan tayka luk'anaparu, kupi kayupan tayka luk'anaparuw jawintani.

Levítico 14:17

Amparapan jilt'kani uka aceitempisti, kawkïri jaqitix q'umachasiski ukaruw kupi jinchupata, kupi amparapan tayka luk'anapata, kupi kayupan tayka luk'anapat jawirt'ani, uksti juchata wilañcha luqtat uywan wilap patxan lurarakini.

Levítico 14:25

kawkïri ovejatix juchat luqtatäkani uk kharinukuni, ukat uka ovejan wilapampiw kawkïri jaqitix q'umachasiski ukan kupi jinchupat jawt'ani, ukhamarak kupi amparapan tayka luk'anapatsa, uka kipkaraki kupi kayupan tayka luk'anapatsa;

Levítico 14:28

Amparapan jilt'kani uka aceitempisti, kawkïri jaqitix q'umachasiski ukaruw kupi jinchupata, kupi amparapan tayka luk'anapata, kupi kayupan tayka luk'anapat jawirt'ani, uksti juchata wilañcha luqtat uywan wilap patxan lurarakini.

Levítico 7:37

Nakhantayañatak luqtäwi tuqita, granonakat luqtäwi tuqita, jucha luratata, yatkasina jucha luratanakata, Tatitur katuyasiñ waxt'a tuqita, sumankthapiñatak waxt'a luqtañ tuqitsa taqi ukanakaw yatichäwinakaxa.

Romanos 12:1

Ukhamasti munat jilatanaka, Diosan khuyapayasiñap laykuw achikt'apxsma, jumanak pachpay jakkir waxt'äwjam luqtasipxam, qullana, ukhamarak Diosar kusisiykir luqtjama. Uka luqtäwiwa chiqpach yupaychäwixa.

Romanos 6:13

Janchimsti jucha lurañar jan katuyapxamti, jucha lurañ yäkaspas ukhama. Jan ukasti, Diosar katuyasipxam, jiwatat jaktir jaqinakjama, janchimsti jupa nayraqatan aski lurañ yäkaspas ukham katuyapxam.

Romanos 6:19

(Jaqin amuyuparjamakiw uk arsta, jumanakasti pisïtanakam laykux taqi akanak janiw sum amuyapktati). Ukhamasti, kamisatix nayrax janchinakam q'añu jakañaru, ñanqha lurañar katuyapxäyätaxa, jichhax ukhamarakiy janchinakam chiqa kankañ lurañar katuyapxam, ukhamat q'uma jakäwin jakxañataki.

1 Corintios 1:30

Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.

1 Corintios 6:20

Diosaw jumanakarux alasipxtam. Ukat jumanakax janchiman Diosarux waqaychapxañama.

Filipenses 1:20

Nayax p'inqasiñar jan puriñatakiw ch'amachasiskta, ukampis jakaskäsa, jan ukax jiwxäsa, nayan suyt'äwixax nayan ch'amachasitax laykuw Cristox jach'ar aptatäni.

Filipenses 2:17

Jumanakax Diosar iyawsasaw jupar arkapxtaxa, ukasti juparu luqtäwi katuyatäkaspas ukhamawa. Inas nayarux jiwayapxchitani, jiwataxasti Diosatakix mä luqtäniwa, ukhamäspa ukasti, nayax wali kusisitäyäwa, jumanakampi chikarakiw kusisirakï.

1 Tesalonicenses 5:22

Taqi ñanqha lurañat jithiqtapxam.

Hebreos 2:10

Taqi kunaw Diosanki, jupan luratarakiwa, taqi wawanakapan qhapaq markapankañap muni. Ukat Diosax t'aqhisiñ tuqi Jesucristorux askir tukuyäna, jupanakan qhispiyiriparuraki.

Hebreos 5:8

Ukhamaw Cristox Yuqapäkasin t'aqhisiñap tuqi jaysañ yatiqäna;