Levítico 7:32 - Qullan Arunaka DC

³² Uka uywanakan kupi charapasti, kawkïritix sumankthapiñatak luqtatäki ukax, luqtäwi luratapat sacerdoter churatäxaniwa.

Aymar Bibliia 1986

³² Cupi lanqhu charasti, cawquïritejj sumancthapiñataqui loktatäqui ucanacasti sacerdoteru churatäjjaraquiniwa, mä churäwïcaspas uqhama.

Qullan Arunaca

³² Cupi lanqhu charasti, cawquïritejj sumancthapiñataqui loktatäqui ucanacasti sacerdoteru churatäjjaraquiniwa, mä churäwïcaspas uqhama.

Levítico 7:32 Jak'a apnaqawi uñst'ayäwi

Éxodo 29:27

Ukxarusti suma waxt'a luqtatäki uka jaraphi yaqharuw apaqäta, ukhamarak yanapañatak luqtatäki uka lankhu chara aycha apaqarakïta, ukanakasti luqtat ovejat apaqatawa, Aaronampitaki, wawanakapampitak imatäñapawa.

Levítico 10:14

Ukatsti jaraphi aycha, kawkïritix mä suma waxt'äwïki, ukhamarak chara aycha kawkïritix mä suma churäwïkaraki ukanaksti, jumampi, yuqalla, imill wawanakamampiw mä q'uma chiqawjan manq'apxäta, ukaw jumanakarux wakt'apxtam, kuntix israelita jaqinakax sumankthapiñataki waxt'a luqtapki taqi ukanakata.

Levítico 7:33

Uka kupi charasti kawkïri sacerdotetix lik'sa, wilsa sumankthapiñatak wilañchanak luqtki ukatakïxaniwa,

Levítico 7:34

kuna wilañchanaktix israelitanakax sumankthapiñatak nayar luqtapkitu uka jaraphi aychanakxa, mä suma luqtäwïkaspas ukham katuqta, lankhu charsti, mä churäwïkaspas ukhamaraki, uka waxt'anaksti Aaronampiru, sacerdote yuqanakapampiruw churxta, jupanakarupun wakt'atap layku.”

Levítico 9:21

ukampisa jaraphi aychanakampi, kupi lankhu charanakampxa, uñstayäwi luqtak luräna, kunjämatix Tatitux Moisesar siskatayna ukhamarjama.

Números 5:9

“Taqi churäwinakampi, waxt'anakampi, kawkïrinaktix israelitanakax Tatitur luqtapkani, ukatsti sacerdoten ukar apapkani taqi ukanakax, sacerdotetakïniwa.

Números 6:20

Ukatsti sacerdotew uka uywan jaraphipa, lankhu charapa Tatit nayraqatan luqtani, ukanakasti qullanawa, sacerdotenakar churañatakikiwa. Taqi ukanak phuqhasasti, nazireo jaqix vino umxarakispawa.

Deuteronomio 18:3

“Sacerdotenakarux Tatitur luqtat vaca aychanakampita, oveja aychanakampitxa; jikhanïwja, änkha, purakäwja ukanakaw wakt'ani,

1 Samuel 9:24

Phayiristi jank'akiw mä charpach aycha apsunïna, ukat Saúl waynar manq'asiñapatak churäna. Samuelusti sänwa: —“Akax jumatak yaqhachatäkän ukaxa, manqt'asim, nayax taqi jaqinakamp chik jichhür manqt'asiñamatakiw yaqhachxäyäta” —sasa. Ukürusti Saúl waynax Samuelumpiw manq'asïna.