Levítico 7:26 - Qullan Arunaka DC

²⁶ “Kawkhantix jumanakax jakapkäta, uka chiqanakan janipuniw jamach'inaka, jan ukax uywanakan wilapsa manq'apxätati.

Aymar Bibliia 1986

²⁶ “Cawqhantï jumanacajj jacapjjäta, uca chekanacanjja janipuniw jamach'inaca, ni uywanacan wilapsa mank'apjjätati.

Qullan Arunaca

²⁶ “Cawqhantï jumanacajj jacapjjäta, uca chekanacanjja janipuniw jamach'inaca, ni uywanacan wilapsa mank'apjjätati.

Levítico 7:26 Jak'a apnaqawi uñst'ayäwi

Génesis 9:4

Ukampis wilanpach aychxa janiw manq'apxätati, jakañan wilankatap layku.

Éxodo 22:30

30 (29) uka kipkarak vacanakamana, ovejanakaman nayrïr qallupsa. Uka uywanakaman qallunakapasti wawachatatxa paqallqu uruw taykapampïni, kimsaqallqür urusti nayaruw churxitäta.

Ezequiel 33:25

Jichhax jupanakarux sarakim: ‘Tatitux akham siwa: Jumanakax wilan aycha manq'apxtaxa, idolonakaruw yupaychapxtaxa, jaqinak jiwarayapxtaxa, nuwasiñanakaruw uskusipxtaxa, kuntix nayax uñiskta ukanak lurapxtaxa, taqiniw jila masiman warmipampis wachuqa jucha lurapxaraktaxa, jichhasti ¿aka uraqix jiwasankaniw sapxtati?” sasa.

Levítico 19:26

“Janipun kunsa wilanpach manq'apxamti. “Janipun yatirïñ munapxamti, kunatix akat qhiparux luraskani ukanak yatiñarus janipun uskusipxamti.

Levítico 3:17

“Aka kamachisti wiñayatakiwa, wawanakapan wawanakapatakiwa, kawkhantix jumanakax jakapkäta ukkhanxa, janipun wilsa, lik'sa manq'apxamti.”

Levítico 7:25

“Nakt'at waxt'äwi Tatitur luqtatäki uka uywanakan lik'ip manq'ir jaqisti, markap taypit apanukutäniwa.

Levítico 7:27

Khititix uka uywanakan wilap manq'kani ukasti, markap taypit apanukutäniwa.”

Juan 6:53

Jesusasti jupanakarux sänwa: —Qhanak sapxsma, jumanakatix Jaqin Yuqapan janchipat jan manq'apkäta, janirak wilapsa umapkäta ukax, janiw jakañanïpkätati.

Hechos 15:20

Jan ukasti jupanakar mä qillqat apayañaw wakisispa: ‘Idolonakar luqtat manq'anak jan manq'apxañapataki. Janirak axskatas jiwat uywanak manq'apxañapataki, wilan aycha jan manq'apxañapataki. Ukhamarusa, Moisesan kamachipan jark'atäki uka wachuq jucha lurañanak apanukupxañapataki.’

Hechos 15:29

Idolonakar luqtat animalanakan aychap jan manq'apxamti; janirak wilsa manq'apxamti, kunkat jaychjat jiwayat uywanaksa jan manq'apxamti, Moisesan kamachipan jark'atäki uka wachuq jucha lurañanak apanukupxam. Uka lurañanaktix apanukupxätaxa, walikisipkätawa. Ukhamasti aruntanipxsmawa” sasa.

Efesios 1:7

Criston wila wartatap tuqiw juchanakat qhispitäñasa, pampachatäñas utjistu. Diosasti phullch'irkir khuyapayasiñap jiwasatak utjayi, taqi yatiñ kankaña, amuyt'a kankañ jiwasar churasa,

Deuteronomio 12:16

Ukampis janiw wilxa manq'apxätati jan ukasti uraqiruw waranukupxäta umäkaspas ukhama.

Deuteronomio 12:23

Ukampis janiw kuna laykus wilap manq'apxätati, wilax jakañawa; ukhamasti janiw jakañxa wilampi chika manq'antapkasmati.

Deuteronomio 15:23

Ukampis janiw uka uywanakan wilap manq'ätati, uraqiruw waranuküta, umäkaspas ukhama.

1 Timoteo 4:4

Taqi kuntix Diosax uchawayki ukax askipuniwa, ukanaksti Diosar yuspagarasin manq'añasawa,