Levítico 7:21 - Qullan Arunaka DC

²¹ “Kawkïri jaqitix mä kuna q'añunaksa llamkt'ani, mä jaqin q'añupäpasa, mä uywan q'añupäpasa, jan ukax kawkïr axtaskay yänakäpasa, ukat Tatitunkki uka sumankthapiñatak wilañcha luqtat aycha manq'kani ukasti, markap taypit apanukutäxaniwa.”

Aymar Bibliia 1986

²¹ “Cawquïri jaketejj mä cuna k'añunacsa llamct'ani, mä jaken k'añupäpasa, jan ucajj mä uywan k'añupäpasa, jan ucajj cawquïri ajjtascaña yänacäpasa, ucat uca sumancthapiñataqui loktat aycha mank'araquini ucasti jakenac taypitjja apanucutäjjaniwa, uca aychajj Tatituncatap laycu.”

Qullan Arunaca

²¹ “Cawquïri jaketejj mä cuna k'añunacsa llamct'ani, mä jaken k'añupäpasa, jan ucajj mä uywan k'añupäpasa, jan ucajj cawquïri ajjtascaña yänacäpasa, ucat uca sumancthapiñataqui loktat aycha mank'araquini ucasti jakenac taypitjja apanucutäjjaniwa, uca aychajj Tatituncatap laycu.”

Levítico 7:21 Jak'a apnaqawi uñst'ayäwi

Génesis 17:14

Ukampisa khititix circuncisión jan katuqkani ukax jumanak taypit apsutäxañapawa, nayan arust'äwixaru jan phuqhatap layku.

Éxodo 12:15

Paqallqu uruw jan levaduran t'ant'a manq'apxäta; ukhamasti, nayrïr urut qalltasin janiw utanakaman levadurax utjañapäkiti. Uka paqallqu urunakan levaduran t'ant'a manq'irixa, Israelankirinak taypit apanukutäniwa.

Éxodo 12:19

Uka paqallqu urunsti janiw utanakaman levadurax utjañapäkiti. Ukampis khititix levaduran t'ant'a manq'kani ukaxa, Israelankirinak taypit apanukutäniwa, jaya markankirïskpasa, jan ukax israelitäskpasa.

Ezequiel 33:25

Jichhax jupanakarux sarakim: ‘Tatitux akham siwa: Jumanakax wilan aycha manq'apxtaxa, idolonakaruw yupaychapxtaxa, jaqinak jiwarayapxtaxa, nuwasiñanakaruw uskusipxtaxa, kuntix nayax uñiskta ukanak lurapxtaxa, taqiniw jila masiman warmipampis wachuqa jucha lurapxaraktaxa, jichhasti ¿aka uraqix jiwasankaniw sapxtati?” sasa.

Ezequiel 4:14

Nayasti ukxarux saraktwa: “Tatay, nayax janipuniw kunapachas kuna q'añunaksa llamkt'irïkti; janipuniw nayax jupapach jiwat uywanakan aychapsa manq'irïkti, janirakiw monte animalanakan jiwayat aychapsa, jan manq'añ animalanakan aychapsa manq'irïkti” sasa.

Levítico 11:20

“Kawkïr jisk'a laq'unakatix chhiqhanakanïpki, ukat pusi kayut sarnaqapki ukanakax axtaskay laq'unakat uñt'apxäta.

Levítico 12:1

Tatitusti Moisesaruw säna:

Levítico 17:10

“Mä israelitatix, jan ukax yaqha markat jutasin jumanak taypin jakir jaqisa wilanpach aycha manq'kani ukkhax, nayax jupatakiw sayt'äxa, markapatsa jaqunukurakïwa.

Levítico 17:14

taqi jakirinakan jakañapax wilankatap layku. Ukatpï sapxsmaxa, wilan aycha jan manq'apxamti sasaxa, jakañan uka wilankatap layku, khititix wilan aycha manq'kani ukasti, markapat jaqunukutäniwa.

Levítico 18:29

Khititix uka q'añu luräwinak luraskani ukasti, markap taypit apanukutäniwa.

Levítico 19:8

khititix manq'kani ukasti juchap laykuw mutuyat uñjasini, markap taypitsa jaqunukutäniwa, kunatix Tatitur luqtatäki ukar jan yäqatap layku.

Levítico 20:3

Nayasti uka jaqir mutuyañatakiw sayt'ä, ukatsti markap taypitsa apanukurakïwa, nayan qullana utax q'añuchatapata, ukhamarak nayan qullana sutixarus Moloc sat diosar wawap luqtatapampi takisitap layku.

Levítico 22:3

“Jupanakarusti sarakim, jichhasa akat qhiparusa kawkïritix Aaronan yuqanakapat jan q'umäkasina, kuntix israelitanakax nayatak yaqhachapki ukanak nayar luqtkitani ukasti, nayan nayraqataxat apanukutäniwa. Nayätwa Tatituxa.

Levítico 22:4

“Aaronan yuqanakapata, kawkïritix lepra usunïki jan ukax chhuxurasiñapat jathapsa inak aywiyaskani ukasti, jupanakan q'umachasiñapkamax janiw qullan yänakat manq'apkaniti. “Khititix mä jiwat jaqin kuna q'añupsa llamkt'ani, jan ukax jathap aywiyir jaqirus llamkt'ani,

Levítico 23:29

Khititix uka samarañ urun jan ayunkani ukasti, khitïskpasa, markap taypitxa apanukutäniwa.

Levítico 7:20

“Kawkïri jaqitix jan q'umachatäkasin uka sumankthapiñatak Tatitur luqtata aycha manq'kani ukasti, markap taypit apanukutäxañapawa.

Levítico 7:22

Tatitusti Moisesarux saskakïnwa:

Levítico 7:25

“Nakt'at waxt'äwi Tatitur luqtatäki uka uywanakan lik'ip manq'ir jaqisti, markap taypit apanukutäniwa.

Levítico 7:27

Khititix uka uywanakan wilap manq'kani ukasti, markap taypit apanukutäniwa.”

Números 19:22

Taqi kunarutix q'añuchat jaqix llamkt'kan ukasti, q'añuchataw tukuni, q'añuchat jaqir llamkt'iristi, jayp'ukamaw q'añuchat uñjasini.”

Deuteronomio 14:10

ukampis jan chhiqhanïki, janirak k'ilinïki uka animalanak janiw manq'apxätati; ukarusti q'añut uñt'apxäta.

Deuteronomio 14:3

Moisesasti saskakïnwa: “Jan jumanakax kuna q'añunaksa manq'apxamti.

1 Samuel 20:26

Uka urusti Saúl reyix janiw kunsa kamskänti, amuyupansti sänwa “Kuna jan wali q'añuchasïwiruw purpacha, ukat jichhax q'umachasiskpacha” sasa.