Levítico 7:18 - Qullan Arunaka DC

¹⁸ Ukampisa maynitix uka sumankthapiñataki wilañcha luqtatäki uka uywan aychap kimsïr urunsa manq'askakinixa, uka wilañchax janiw katuqatäkxaniti, janirakiw uka luqtatax kunatakis askïkxaniti; uka aychasti jan kunatak aski uñjatarakïniwa. Khititix uka aycha manq'kani ukasti juchanit uñt'atäxaniwa.

Aymar Bibliia 1986

¹⁸ Ucampisa maynitejj uca sumancthapiñataqui loktatäqui uca uywan aychapjja quimsa ururus mank'ascaquinejja, uca loktäwejj janiw catokatäcaniti, janiraquiw uca loktatajj cunataquis asquïcaniti; uca aychasti jan muncaña aychäcaspas uqhamaru uñjataraquïniwa, ucat uca aycha mank'erisa uqhamaru uñjataraquïniwa, uca juchasa jupjjancaraquiniwa.

Qullan Arunaca

¹⁸ Ucampisa maynitejj uca sumancthapiñataqui loktatäqui uca uywan aychapjja quimsa ururus mank'ascaquinejja, uca loktäwejj janiw catokatäcaniti, janiraquiw uca loktatajj cunataquis asquïcaniti; uca aychasti jan muncaña aychäcaspas uqhamaru uñjataraquïniwa, ucat uca aycha mank'erisa uqhamaru uñjataraquïniwa, uca juchasa jupjjancaraquiniwa.

Levítico 7:18 Jak'a apnaqawi uñst'ayäwi

Proverbios 15:8

Tatitux ñanqha jaqinakan luqtatanakapxa janiw uñjañ munkiti, aski jaqinakan mayisitanakapsti kusisiñampiw katuqi.

Isaías 65:4

Uka markax amay imat patanakan qunupxi, arumanakas jamas p'iyanakan qharapxi, jiwatanakar yupaychañatakiw ukankapxi; khuchhi aycha manq'apxi, phukhunakaparusti k'ari diosanakar luqtat manq'anakampiw phuqhantapxi.

Isaías 66:3

Ukampisa mä urqu vaca wilañcha luqtapki, jaqirus jiwayasipkaraki ukham jaqinakaw utji; mä ovejsa wilañcha luqtañatak kharinukupki, ukamp chiksti anurus jiwayasipkaraki, granonak luqtasasti, ukampi chikxa khuchhin wilapsa luqtasipki, inciensonak q'uphichasasti, k'ari diosanakarus yupaychasipkaraki. Uka jaqinakax kuntix munapki ukhampun lurapxi, ukham lurañ amtapxaraki.

Jeremías 14:10

Tatitux akham siw Israel markatxa: “Aka markax maysat maysar sarnaqañpun muni. Ukat nayax juparux jan taqi chuyma uñtkti. Jichhax juchanakapat amtasaw jupanakarux mutuyarakï.”

Jeremías 14:12

Qawqhas ayunasipkpan, janiw mayisitanakap ist'käti; qawqhas wilañchanaka, grano waxt'äwinakap apasinipkpan, janiw ukxa taqi chuymampi katuqkäti. Nuwasiñampi, mach'ampi, kunayman usunakampiw jupanakarux tukjarakï.”

Ezequiel 18:20

Jucha lurir jaqiw jiwaskani. Wawax janiw awkin juchapat mutuyatäkaniti, awkis janirakiw wawan juchanakapat mutuyatäkaniti. Aski jaqix aski lurataparjamaw suma waxt'asïwi katuqani, ñanqha jaqisti ñanqha lurataparjamaw mutuyäwi katuqarakini.

Oseas 8:13

Jupanakatakisti wilañchanak luqtañaw askixa, ukatsti, uka luqtat aychanak manq'apxaraki; ukampis naya Tatitux janiw ukanakampix kusisitäkti, kuna jan walinaktix lurapki ukanak amtaskakipunïwa, uka juchanakapatsti, Egipto markar kuttayasaw mutuyarakï.

Levítico 10:17

—¿Kunatsa uka juchat luqtata chivo qullan utan jan manq'apxta? Jumanakax askiw yatipxta uka waxt'an qullanätapa, Tatitux jumanakaruw churapxtam, ukhamat jumanakan aka jaqinakan juchanakap apapxañamataki, ukhamarak Tatitut juchat pampachatäñ mayipxañamataki.

Levítico 10:19

Aaronasti ukxaruw säna: —Uñjam, jichhüruw yuqanakaxax jucha luratat wilañchanaksa, nakt'ayat luqtäwinaksa Tatitur luqtasipki, nayatakisti uka jan walinakax jichhapuniw utjarapitu. Nayatix jichhürux uka jucha luratata wilañcha luqtat uywan aychap manq'antiriskäyät ukaxa, ¿Tatitutakix walikïsapänti? —sasa.

Levítico 11:41

“Uraqinjam qatatnaqtki uka laq'unakan aychapsti janipuniw manq'apxätati, uka laq'unakasti axtaskañ laq'unakawa.

Levítico 17:16

Ukampis janitix isinakap t'axsuqaskani, jupa kipkas janirak umampi jariqaskani ukkhax, ñanqha luratapat mutuyatäniwa.”

Levítico 19:5

“Kunapachatix Tatitur sumankthapiñ wilañchanak luqtapkäta ukapachasti, kunjämtix Diosax siski ukhamarjamaw jupan katuqañapatak luqtapxäta.

Levítico 20:17

“Maynitix kullakapar warmt'asini, ukax awki tuqitsa jan ukax tayka tuqitsa kullakapäskpan, ukanakasti marka masinakapan uñjkat jaqunukutäñapawa, pachpa kullakar ukham warmisiñax mä p'inqapuniwa, khititix uk lurki ukasti juchañchatäñapawa.

Levítico 20:19

“Maynitix tiapar warmischi ukaxa, panpachaniw mutuyatäpxani, jupanakasti wila masinakäpxiwa.

Levítico 22:16

khititix uka qullan manq'anakat manq'kani ukasti juchanchatäniwa. Naya Tatituw ukanak yaqhachasta.”

Levítico 22:23

Kawkïr urqu vacatixa, jan ukax urqu ovejan kayunakapach ch'ulla ch'ulläni uka uywxa, chuymaman luqtañ munatamat luqtaskasmawa, ukampis mä arsüwim phuqhañ munasintix luqtäta ukkhaxa, janiw katuqatäkätati.

Levítico 22:25

Ukham usuchjat uywanaksti, yaqha markat jutir jaqinakatxa janipuniw Tatitur luqtañatakix katuqapxätati. Tatitux janiw ukham usuchjat uywanak katuqapkätamti.”

Levítico 5:17

“Maynitix jan amuyaskasin Tatitun kamachi arunakap p'akintani ukax juchañchatäniwa, jucha luratapatsti phuqxañapäniwa.

Levítico 7:19

“Kawkïr aychatix mä kuna q'añumpi jak'achasiyatänixa, uka aychax janiw manq'atäñapäkiti, jan ukasti ninar nakhantayatäñapawa. “Taqi khitinakatix q'umachatäki ukanakaw aychxa manq'apxarakini.

Amós 5:22

Nayar jach'añchasa wilañchanak luqtäwinakam janiw munkti, janirakiw granonakat waxt'anak luqtapkista ukanak munkti; janiw katuqkäti lik'i vaca qallunak sumankthapiñ wilañcha luqtatanakamsa.

Malaquías 1:10

Taqi ch'aman Tatitux siwa: “¡Walïspaw jumanakat kawkïrisa utaxan punkunakap jist'antaspa ukaxa, ukhamat jan inamayataki altaraxan ninapa aqtayasipkañamataki. Janiw jumanakatak chuymaxax utjkituti, janiw waxt'äwinakam katuqkarakïti.

Malaquías 1:13

Jumanakax sapxtawa: ‘¡Taqi akanak lurkäwix qaritäxapxtwa!’ sasa. Ukatsti jisk'achapxistawa. Nayax uka lunthatata, usuta, kayu p'akit uywanak luqtanipkista ukanakxa kusisiñampis katuqapkirisma ukham amuyapxaraktaxa.

Números 18:27

Ukaw jupanakan waxt'apäni, kunjämtix israelitanakax trigonakapatsa, vinonakapatsa sapa tunkat maya churapki ukhama.

Lucas 16:15

Jesusasti jupanakarux sarakïnwa: “Jumanakasti jaqinak nayraqatan askit uñt'ayasipxtaxa, ukampis Diosax chuymanakam sum uñt'apxtam; kunatix jaqinakatak askïki ukax, Diosatakix janiw kuna askïkisa.

Romanos 4:11

Abrahamax uka qhipat circuncisión katuqaski, mä chimpükaspas ukhama, Diosax iyawsäwip laykux niyaw aski jaqit katuqxäna. Ukhamat Abrahamax taqi iyawsirinakan awkipaxa, janisay circuncisión katuqapkchïn ukasa; Diosax uka kipkarakiw jupanakarux aski jaqinakat katuqaraki.

Hebreos 9:28

Ukhamarakiw Cristox mä kutik taqinin juchap pampachañatak t'aqhisis luqtasïna. Uka qhipatsti wasitat uñstanini, janiw juchanak pampachiriti, jan ukasti, jupar suyt'irinakar qhispiyiriw uñstanini.

1 Pedro 2:24

Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.