Levítico 7:11 - Qullan Arunaka DC

¹¹ “Sumankthapiñatak wilañchanak churaña tuqitxa, kunatix Tatituru churaskani ukanakatxa, aka yatichäwinakaw utjaraki:

Aymar Bibliia 1986

¹¹ “Aca yatichäwinacaw utjaraqui sumancthapiñataqui loktäwinaca churaña toketjja, cunatejj Tatituru churascani ucanacata:

Qullan Arunaca

¹¹ “Aca yatichäwinacaw utjaraqui sumancthapiñataqui loktäwinaca churaña toketjja, cunatejj Tatituru churascani ucanacata:

Levítico 7:11 Jak'a apnaqawi uñst'ayäwi

2 Crónicas 29:31

Ezequiasasti jaqinakarux sänwa: “Jichhasti jumanakax Tatiturux luqtasxapxtawa, jak'achasinipxam, ukatsti Tatitun utapatak wilañcha luqtañatak apanipxam, yuspagarañ waxt'äwinak apanipxarakim” sasa. Ukatsti jaqinakax wilañcha luqtäwinak apanipxäna, Tatitur yuspagarañ waxt'äwinakampi, khitinakatix taqi chuymampi lurañ munapkän ukanakasti nakt'at wilañchanak luqtapxarakïna.

2 Crónicas 33:16

Ukatsti Tatitun altarap askichayäna, uka altaransti sumankthapiñ wilañchanakampi, yuspagarañ waxt'anakamp luqtäna, Judá uraqinkir jaqinakarusti Israelan Tatit Diosaparuw yupaychayäna.

Proverbios 7:14

“Nayax sumankäwi wilañchanak luqtañatakiw arsüyäta, jichhasti uka arsutax phuqxtwa.

Ezequiel 45:15

Ovejanakatsti sapa pä patakat maya apaqapxäta, uka ovejasti suma lik'ïñapawa. Ukasti granonakamp chika waxt'a luqtañatakïniwa, nakt'at waxt'äwitaki, sumankthapiñ wilañcha luqtañatakirakïniwa, jucha luratat pampachatäñataki churaski uka. Naya, Tatituw uk sarakta.

Levítico 19:6

Luqtatäkani uka uywan aychapsti uka urpachaw manq'antatäxañapa, jan ukax qhipürusa; ukampisa kunatix kimsïri urutak jilt'kani ukasti nakhantayatäxañapawa.

Levítico 22:29

“Kunapachatix Tatitur yuspagaras mä waxt'a churkäta ukkhasti, wali sumpun luqtam, ukhamat uka luqtäwin sum katuqatäñapataki.

Levítico 7:10

Uka kipkaraki taqi granonakata luqtatanaka, aceitemp chaputanaka, waña juyranaka, taqpachax Aaronan sacerdote yuqanakapatakïniwa, taqinirus ukkha pura churatarakïniwa.

Levítico 7:29

“Israelitanakarusti akham sarakim: Maynitix sumankthapiña wilañcha Tatitur luqtañatak mä uywa apani ukaxa, Tatitun nayraqataparuw apañapa.

Amós 5:22

Nayar jach'añchasa wilañchanak luqtäwinakam janiw munkti, janirakiw granonakat waxt'anak luqtapkista ukanak munkti; janiw katuqkäti lik'i vaca qallunak sumankthapiñ wilañcha luqtatanakamsa.