Levítico 6:26 - Qullan Arunaka DC

²⁶ 26 (19) Jucha luratat uka wilañcha luqtasinxa, sacerdotex uka pachpat manq'arakini, ukampis kawkhatix qullana chiqäki ukkhan manq'añapa, Tatitump Jikisiñ Carpa anqäxana.

Aymar Bibliia 1986

²⁶ Sacerdotesti jucha luratapata uca sacrificio loktasinsti ucatjja mank'añaparaquiwa, Diosampi Jiquisiñ Carpajj utjqui uca pationa.

Qullan Arunaca

²⁶ Sacerdotesti jucha luratapata uca sacrificio loktasinsti ucatjja mank'añaparaquiwa, Diosampi Jiquisiñ Carpajj utjqui uca pationa.

Levítico 6:26 Jak'a apnaqawi uñst'ayäwi

Éxodo 40:33

Tukuyañatakisti, Moisesax utänqa sayt'ayäna, qullan chiqawjampiru, altarampir cortinanakamp muyuntayasa; anqäx punku mantañarusti cortina ucharakïna. Moisesax luräwinakap tukt'ayxäna ukkhasti,

Ezequiel 42:13

Ukat uka jaqix sarakitu: “Amsta tuqinkir utanakasa, aynach tuqinkir utanakasa, uta anqäx uñkatasinkki uka utanakasa qullan utanakawa. Tatitur jak'achasipki uka sacerdotenakasti ukanwa qullan waxt'äwinak luqtatäki ukanak manq'apxi. Ukarurakiw jupanakax granonakat luqtäwinaka, jucha luratanakat qullan luqtäwinak uchapxi, uka chiqawjan qullanätap layku.

Ezequiel 46:20

sarakituwa: “Aka chiqan sacerdotenakax jucha luratanakat luqtatäki uka uywanakan aychanakap wallaqiyapxañapa, granonakat luqtat waxt'anaksa qhathiyapxañapa. Ukhamat jupanakax ukanak uta anqäxar jan apsupkaniti, janirakiw jaqinakas kunatix qullanäki uka yänak llamkt'apkaniti” sasa.

Oseas 4:8

Markaxax jucha luratanakapat luqtañatak apanipki ukanak manq'apxi; ukat jupanakax jaqinakaxan jucha lurapxañap juk'ampi munapxi.

Levítico 6:16

16 (9) Uka waxt'ata jilt'irsti Aaronampi, sacerdote wawanakapampix jan levaduran manq'apxani, Tatitur katuyata chiqana, Diosampi Jikisiñ Carpa anqäxana.

Levítico 6:17

17 (10) Janiw levadurani phayapxañapäkiti. Jupanakaruw churxarakta kuna waxt'anakatix nakt'ayasina nayar luqtatäki ukanakata, kunatix jupanakaru wakt'ki ukanaka, ukanakasti wali qullanarakiwa, kunjämäkitix juchata, ukhamarak jan yatkasin pantjasïwi juchanakat luqtat waxt'ax ukhama.

Levítico 6:29

29 (22) “Aka luqtäwix qullanansa qullanapapuniwa. Uka luqtäwitsti Aaronan sacerdote yuqanakapakiw manq'apxañapa.

Levítico 7:7

“Yatkasin pantjasïwi juch luratat wilañcha luqtäwisti, jucha luratat kunjämatix wilañchax luqtaski uka kipkarakiw luqtasiñapa, yatichäwinakasti paypachatakix uka pachparakiwa. Uka luqtatasti, kawkïr sacerdotetix jucha luratat pampachañatak luqtki ukatakïniwa.

1 Corintios 9:13

Jumanakax yatipxtawa, khitinakatix Tatitun utapan irnaqapki ukanakaxa, Tatitun utapat jakapxi. Ukampix sañ munta, khitinakatix altaran wilañchanak luqtapki jupanakax luqtat uywanakan aychap manq'apxi.