Levítico 4:7 - Qullan Arunaka DC

⁷ Sacerdotesti mä juk'a wila aptasin q'apkiri incienso uchañäkis uka altaran waxranakaparuw jawirt'ani, ukasti Tatitump Jikisiñ Carpan jikxatasi; ukat jilt'iri wilsti, nakhantat waxt'a churañäkis uka altar kayuruw taqpach wartxarakini, kawkïritix Tatitump Jikisiñ Carpa mantañäkis ukankki ukkharu.

Aymar Bibliia 1986

⁷ Sacerdotesti mä juc'a wila aptasin k'apquiri incienso uchañäquis uca altaran esquina wajjranacaparuw jawirt'araquini, ucasti jicjjatasiwa Tatitumpi Jiquisiñ Carpana; ucat jilt'iri takpach wilasti naqhantata ofrenda churañäquis uca altar cayuru wartatäjjañapawa, cawquïritejj Tatitumpi Jiquisiña Carpa mantañäquis ucancqui ucqharu.

Qullan Arunaca

⁷ Sacerdotesti mä juc'a wila aptasin k'apquiri incienso uchañäquis uca altaran esquina wajjranacaparuw jawirt'araquini, ucasti jicjjatasiwa Tatitumpi Jiquisiñ Carpana; ucat jilt'iri takpach wilasti naqhantata ofrenda churañäquis uca altar cayuru wartatäjjañapawa, cawquïritejj Tatitumpi Jiquisiña Carpa mantañäquis ucancqui ucqharu.

Levítico 4:7 Jak'a apnaqawi uñst'ayäwi

Salmos 118:27

Tatituw Diosaxa; jupaw qhant'anistu. Kusisiñ qalltapxam, altar thiyakam layminakamp k'achachapxam.

Éxodo 29:12

Ukatsti ampar luk'anamamp wilar aytasin altaran waxranakap jawsüta, ukat jilt'äki ukampisti altar kayuruw waranukurakïta.

Levítico 1:5

Urqu vacarux Tatitun nayraqatapan kharinukuni; ukxarusti Aaronan sacerdote yuqanakapaw wila luqtapxani, ukatsti Tatitump Jikisiñ Carpar mantañawjan altaran thiyanakaparuw ch'allakipapxani.

Levítico 16:18

kawkïri altaratix Tatitun nayraqatapankki ukar q'umachañatakiw mistunini. Uka vacan wilapata, cabriton wilapat mä juk'a aptani, uka wilampix altaran waxranakaparuw jawikipani,

Levítico 4:18

Ukan mä juk'a wilampi Tatitun nayraqatapankki uka altaran waxranakaparuw jawirt'ani. Ukat taqpach wila jilt'irïki uksti, Tatitump Jikisiñ Carpar mantañäkis ukkhankki uka waxt'a luqtaña altaran kayuparuw wartani.

Levítico 4:25

Ukxarusti sacerdotex juchat wilañcha luqtat chivon mä juk'a wilap luk'anapar juricht'asaxa, altaran waxranakaparuw jawirt'ani; ukat jilt'ki uka wilsti, pachpa altaran kayuparuw wartxani,

Levítico 4:30

Ukatsti sacerdotex mä juk'a wilampi luk'anap juricht'asax altaran waxranakaparuw jawirt'ani, ukat jilt'ki uka wilsti, pachpa altaran kayuparuw wartxani.

Levítico 4:34

Ukatsti sacerdotex mä juk'a wilampi luk'anap juricht'asax altaran waxranakaparuw jawirt'ani, ukat jilt'ki uka wilsti, pachpa altaran kayuparuw wartxani.

Levítico 5:9

ukatsti kawkïritix juchat luqtatäki ukan mä juk'a wilapampiw uka altar thiyar ch'allt'ani, jilt'äki uka wilsti altar kayuruw ch'umsuyxani jucha luräwit wilañcha luqtatätap layku.

Levítico 6:30

30 (23) Ukampisa kawkïr uywatix juchat luqtatäki, wilapas juchanakat pampachañatak Tatitump Jikisiñ Carpar apatäki uka uywan aychapax janipuniw manq'askaniti. Uka luqtäwisti ninampi nakhantayatäñapawa.

Levítico 8:15

Ukatsti Moisesax uka urqu vaca kharinukxäna, luk'anap uka wilar juricht'asaw altaran utjkän uka waxranakar jawirt'äna, ukhamat q'umachañataki, ukat jilt'ir wilsti altar kayuruw warnuqxarakïna, ukhamat uka altarax q'umachata, ukhamarak Tatitur luqtatäxäna ukawjan juchanakat pampachatäñ jikxatañataki.

Levítico 9:9

Ukxarusti yuqanakapax wila apkatapxäna, Aaronasti luk'anap uka wilampi juricht'asaw altaran waxranakapar jawsüna, jilt'ki uka wilsti, altar kayuruw warnuqxarakïna.

Efesios 2:13

Ukampis jichhax Cristo Jesusan wila wartatap laykuw jupampix mayakïxapxtaxa, nayrax jayankapxäyätawa, jichhasti jak'ankxapxtawa.

Hebreos 9:15

Ukat Jesucristox machaq arust'äwin sumankthapiyiripaxa, jupan jiwatapampiw nayrïr arust'äwirjamax jaqinakan jucha luratanakapat qhispiyi, khitinakarutix Diosax jawski jupanakar churañatak arskatayna uka wiñay jakañ katuqapxañapataki.

Hebreos 9:21

Moisesasti qullan chiqaru, yupaychañatak kunanakatix utjkän uka yänakxaruw wilamp ch'axch'ukipäna.

Apocalipsis 6:9

Corderox phisqïr sello ch'iyaqkän ukkhasti, altar manqhan uñjta, khitinakatix Tatitun arunakap parlapxatap layku jiwarayat uñjasipkatayna ukanakaru.