Levítico 4:35 - Qullan Arunaka DC

³⁵ Lik'inakapsti, kunjämtix sumankthapiñatak luqtatäki uka uywanakat apsutaxa, uka kipka apsutarakïniwa, uka lik'sti Tatitutak suma q'apkir waxt'at altarxar nakt'ayxani, ukhamat sacerdotex uka jaqitak juchapat pampachatäñ jikxatani, juchapasti pampachatäxaniwa.

Aymar Bibliia 1986

³⁵ Ucatsti liq'ejj apakatäñapawa takpacha, cunjämatejj sumancthapiñatac loktäwitjja apakasejja uqhama, liq'sti altarjjaruw nact'ayjjaraquini, Tatitutaqui suma k'apquiri ofrendata; uqhamat sacerdotejj uca jaketaquejj juchapat pampachatäña jicjjatani, juchanacapatsti perdonatäjjaraquiniwa.

Qullan Arunaca

³⁵ Ucatsti liq'ejj apakatäñapawa takpacha, cunjämatejj sumancthapiñatac loktäwitjja apakasejja uqhama, liq'sti altarjjaruw nact'ayjjaraquini, Tatitutaqui suma k'apquiri ofrendata; uqhamat sacerdotejj uca jaketaquejj juchapat pampachatäña jicjjatani, juchanacapatsti perdonatäjjaraquiniwa.

Levítico 4:35 Jak'a apnaqawi uñst'ayäwi

Levítico 12:8

Ukampisa uka taykantix mä urqu oveja alañataki qullqix jan utjarapkani ukapachasti, pä qhurukutu jan ukax paloman pä chhiwchhipa apanirakispa, mayax nakt'ayas luqtañataki, mayasti jucha luratat wilañcha luqtañataki; ukapachaw sacerdotex uka warmitak juchapat pampachatäñ mayini, uka warmisti q'umachataw uñjasxarakini.

Levítico 14:18

Ukat jilt'ki uka aceitxa, kawkïri jaqitix q'umachasiski ukan p'iqiparuw warxatani. Ukhamat sacerdotex uka jaqin juchapat pampachatäñ jikxatani.

Levítico 14:53

Uka qhipatsti marka anqäxaruw uka jakaskir jamach'irux antutxani, ukhamat kunatix uka uta q'umachañatakix munaski ukanakampix phuqharakini.”

Levítico 15:15

Sacerdotesti mayxa jucha luratat wilañcha luqtxani, maysti nakt'ayasaw luqtxarakini, ukhamat Tatitun nayraqatapan jatha aywiyir usun jaqitakix q'umachasïwi lurañ phuqxani.

Levítico 19:22

Uka ovejsti wilañchat luqtasaw sacerdotex Tatitun juchat pampachañapatak mayini, ukatsti uka jaqin juchapax pampachatäxaniwa.

Levítico 4:20

jan ukax, uka urqu vacampix kunjämatix juchat wilañcha mä yaqha urqu vaca luqtapkän uka kipkarakiw luqtañapa, ukhamat sacerdotex jupanakan juchanakapat pampachatäñ jikxatani, ukatsti juchanakapax pampachatäxaniwa.

Levítico 4:26

ukatsti taqpach lik'i altarxar nakhantayxarakini, kunjämatix sumankthapiñatak luqtat lik'i nakhantayapki ukhama. Sacerdotex ukham lurasaw jilïritakix juchapat pampachatäñ jikxatani, jilïrin juchapasti pampachatäxaniwa.

Levítico 5:10

Payïrimpisti nakt'at waxt'a luqtxarakini, kunjämarutix satäki ukhamarjama; ukhamat jucha lurir jaqin juchanakapax pampachatäxani.

Levítico 5:13

ukhamat sacerdoten uka jaqin juchanakap pampachatäñ jikxatañapataki, uka juchapasti pampachatäxaniwa. Uka waxt'at jilt'ir granonakasti, sacerdotetakïniwa.”

Levítico 5:6

ukatsti jucha luratapat mä qachu oveja Tatitur wilañcha luqtani, jan ukax mä qachu cabräpasa, uka wilañcha luqtäwimpiw sacerdotex uka jaqin juchapat pampachatäñ jikxatani.

Levítico 6:7

7 (26) Ukatsti sacerdotex taqi uka juchanaka, kawkïrïpasa, ukanak luratatsti, uka jaqitakix juchat pampachatäñ jikxatani, uka juchasti pampachatäxarakiniwa.”

Levítico 9:7

Moisesasti Aaronarux sarakïnwa: “Altarar jak'achasinim, ukatsti kuntix juchamata, israelitanakan juchanakap pampachatäñatak wilañcha luqtkäta uka uywxa, nakt'at waxt'a luqtam. Ukatsti kunjämtix Tatitux sisktam ukhamarjam israelitanakan waxt'anakap luqtarakim, ukhamat juchanakapan pampachatäñapataki” sasa.

Números 15:25

Ukatsti sacerdotew Israel markpachatak luqta katuyani, juchat pampachäwi jikxatañataki, nayasti jupanakarux juchapat pampachäwa, jan amuyasisin pantjasipxatap layku; jupanakan uka jucha luratat waxt'apa, wilañchapa nayar luqtapxatap layku.

Números 15:28

Ukatsti sacerdotew nayan nayraqataxan uka jaqitak luqtäwi katuyani, jan amuyasis jucha luratapat pampachäwi jikxatañataki, nayasti uka jaqirux juchap pampachäwa.

Romanos 10:4

Kamachisti Cristompiw tukusxi, ukhamat taqinis iyawsäwi tuqi aski jaqit katuqatäpxani.

Romanos 4:25

jupax juchanakas laykuw jiwar katuyat uñjasïna, ukatsti aski jaqinakat katuqatäñasatakiw jaktayat uñjasirakïna.

Romanos 8:1

Ukhamasti, jichhax khitinakatix Cristo Jesusamp mayakïpki jupanakatakix janiw kuna juchañchäwis utjkiti.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Efesios 5:2

Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.

Colosenses 1:14

jupasti cruzan jiwatapampiw qhispiyistu, juchanakas pampacharakistu.

Hebreos 1:3

Jupaw Diosan k'ajkir kankañapaxa, jupan uñnaqaparakiwa, ch'aman arupampikiw taqi kunsa katxäsi. Juchanakasat q'umachasiñ utjayasinsti, Diosan kupïxaparuw alaxpachan qunt'asxi,

Hebreos 4:14

Diosan Jesús Yuqapaw jiwasan jach'a Jilïr sacerdotesaxa, jupax alaxpachkamaw puri. Ukat juparux taqi iyawsañampi arkañasa.

Hebreos 7:26

Ukhamasti Jesusax suykäyätan uka Jilïr sacerdotewa. Jupax qullanawa, jan kuna juchani, jan akch'a q'añuni, juchaninakat jithiqtata, alaxpachatsa juk'ampi alayar aptataraki.

Hebreos 9:14

Ukampis ukatix ukhamächi ukax, ¡qawqha ch'amanïpachas Criston wilapaxa! Cristosti wiñay jakir Ajayu tuqiw Diosarux jupa pachpa jan q'añucht'at luqtasiwayi, uka wilapaw jiwañar apki uka luräwinakasat q'umachistu, ukhamat jakkir Diosar yupaychañasataki.

1 Pedro 2:22

Jupax janiw kuna juchsa lurawaykiti, janirakiw khitirus sallqjawaykiti.

1 Pedro 2:24

Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.

1 Pedro 3:18

Cristox mä kutikiw juchanakas pampachañatak jiwawayi. Jupax aski jaqïnwa, ukampis juchararanak laykuw t'aqhisiwayi, ukhamat jiwasanakar Diosan ukar irpkatañataki. Jupax janchin jiwawayi; ukampis ajayun jakxañatakiw jaktaniwayi,

1 Juan 1:7

Ukampis jiwasatix qhanan jakañäni, kunjämatix Diosax qhanankki ukhamxa, maynit maynikamax mayakïtanwa, Jesucristo Yuqapan wilapasti taqi juchanakasat q'umachistu.

1 Juan 2:2

Jesucristox juchanakas qhispiyañ laykuw jakañap luqtasiwayi, janiw jiwasan juchas laykukiti, jan ukasti taqi akapachankir jaqinakan juchanakap laykuwa.