Levítico 4:33 - Qullan Arunaka DC

³³ Ukatsti amparap ovejan p'iqipxar luqxatani, ukat jucha luratapat luqtatäñapatak kharinukxani, kawkhantix uywanakax nakhantayatäñatak kharinukutäki ukawjana.

Aymar Bibliia 1986

³³ amparapjja ovejan p'ekepjjaruw lokjjatani, ucatwa qharinucjjaraquini juchata loktatäñapataqui, cawqhantejj naqhantayatäñataqui uywanacajj qharinucutäqui ucawjaru.

Qullan Arunaca

³³ amparapjja ovejan p'ekepjjaruw lokjjatani, ucatwa qharinucjjaraquini juchata loktatäñapataqui, cawqhantejj naqhantayatäñataqui uywanacajj qharinucutäqui ucawjaru.

Levítico 4:33 Jak'a apnaqawi uñst'ayäwi

2 Crónicas 29:23

Ukatsti juchat waxt'äwi luqtañ cabritonakxa reyin ukaru, ukhamarak jaqinakan nayraqataparuw apapxäna, jupanakasti amparanakap uywanakxarux luqxatapxäna.

Levítico 1:4

uka uywan p'iqipxar amparampi luqxatasa. Ukhamat uka uywan jupa lanti juchanakapat pampachatäñatak katuqatäñapataki.

Levítico 1:5

Urqu vacarux Tatitun nayraqatapan kharinukuni; ukxarusti Aaronan sacerdote yuqanakapaw wila luqtapxani, ukatsti Tatitump Jikisiñ Carpar mantañawjan altaran thiyanakaparuw ch'allakipapxani.

Levítico 4:4

Ukatsti Tatitun nayraqataparuw apani Tatitump Jikisiñ Carpar mantañäkis ukkharu; ukan amparap uywan p'iqipxar luqxatani, ukatsti Tatitun nayraqatapan kharinuqxani.

Levítico 6:18

18 (11) Akat qhiparusti, Aaronan sacerdote yuqanakapax kunatix Tatitur luqtasin nakt'ayatäki uka waxt'anakat manq'apxarakini. Uka waxt'ampi jikthaptir yänakasti, qullanaptayatäniwa”.

Levítico 7:2

Yatkasin pantjasïwi jucha luratanakat luqtat uywax, kawkhantix nakt'ayañatak luqtat uywanakax kharinukuski uka chiqan kharinukusini, wilapampisti uka altaran thiyapar taqi tuqit ch'allsutäñapawa.