Levítico 4:13 - Qullan Arunaka DC

¹³ “Taqi israelit jaqinakatix jan amuyaskasin kuna jan walsa lurapxanixa, ukat janirak jupanakat maynis amuykani Tatitun kamachinakap p'akintapxatapata, ukhamat juchañchjasipxchi ukaxa,

Aymar Bibliia 1986

¹³ “Take israelit jakenacatejj jan amuyascasina cuna jan walsa lurapjjanejja, ucatsti janiraqui jupanacat maynis amuycaniti Tatitun arunacap contra jan wali lurapjjatapjja, uqhamat juchañchasipjjchejja,

Qullan Arunaca

¹³ “Take israelit jakenacatejj jan amuyascasina cuna jan walsa lurapjjanejja, ucatsti janiraqui jupanacat maynis amuycaniti Tatitun arunacap contra jan wali lurapjjatapjja, uqhamat juchañchasipjjchejja,

Levítico 4:13 Jak'a apnaqawi uñst'ayäwi

Esdras 10:19

jupanakasti taqi chuymaw warminakapar khithanukxañatak arsupxäna, ukatsti mä oveja uchapxäna juchanakapat waxt'äwi luqtañataki.

Salmos 19:13

13 (14) Jach'a jach'a tukuñ chuym apaqt'asita; janikiy jach'a jach'a tukuñampix atipjayistati. Ukhamat jan juchan jaqirux tukü; jach'a juchat qhispirakï.

Ezequiel 45:22

Uka urusti marka apnaqirix, juchanakapata ukhamaraki taqi jaqinakan juchanakapatsa, mä urqu vaca wilañcha luqtani,

Oseas 5:15

“Juchanakapat kutikipstañapkamasti, utjäwixaruw kuttä, kunapachatix juchanakap uñt'asxapxani ukkhasti, llakisiñanakampiw phuqhantasipxani, ukhamat nayar thaqhapxitani”.

Levítico 16:5

“Israelita jaqinakatsti, Aaronax pä cabritompi mä urqu ovejampi apani, uka cabritonakxa jucha luratat wilañcha luqtani, urqu ovejsti taqpach nakt'ayasaw luqtarakini.

Levítico 4:21

Ukatsti uka urqu vacax campamentot anqäxar apsusin nakhantayatäxaniwa, kunjämatix nayraqat urqu vacax nakhantayatäkän ukhama, taqi israelit jaqin juchapat wilañcha luqtatätap layku.

Levítico 5:17

“Maynitix jan amuyaskasin Tatitun kamachi arunakap p'akintani ukax juchañchatäniwa, jucha luratapatsti phuqxañapäniwa.

Levítico 6:4

4 (23) juchañchatäniwa. Ukhamasti kuntix lunthatkatayna, ch'amampis aparkatayna ukanak kuttayxañapawa, qullqi katuyatat lunthatatapatsa, mä kun jikxatasin jan arsutapata,

Números 15:22

“Jumanakatix jan amuyasis nayrïr urutpach Moisesar arsut arunakarjam jan phuqhapkätaxa, akanak lurapxäta:

1 Corintios 11:27

Ukhamasti khititix jan askïkas Tatitun t'ant'ap manq'ki, qirut umkaraki ukaxa, Tatitun janchipata, wilapat juchañchataw uñjasini.

1 Timoteo 1:13

Nayrax jan wali arunakampiw jupa tuqi arusis jisk'achäyäta, qhuru chuymampiw arknaqäyäta. Ukampis Diosaw nayat khuyapayasitu, nayax janïraw ukapachax jupar arkkäyätti, kuntix lurkäyät uksa janirakiw yatkäyätti.

Josué 7:11

Israelitanakax jucharuw puripxi, nayax jupanakampi lurkta uka arust'äwi p'akintapxi. Kunanakatix tukjatäñapäkan uka yänakat apasinipxi, jan wali lurasipkatap yatkasaw ukanak lunthatasipxi, ukatsti yänakap taypiruw imantapxaraki.