Levítico 3:17 - Qullan Arunaka DC

¹⁷ “Aka kamachisti wiñayatakiwa, wawanakapan wawanakapatakiwa, kawkhantix jumanakax jakapkäta ukkhanxa, janipun wilsa, lik'sa manq'apxamti.”

Aymar Bibliia 1986

¹⁷ “Aca leyisti wiñayataquiwa, wawanacapan wawanacapataqui, cawqhantï jumanacajj jacapcäta ucqhanjja janipuni wilsa ni liq'sa mank'apjjamti.”

Qullan Arunaca

¹⁷ “Aca leyisti wiñayataquiwa, wawanacapan wawanacapataqui, cawqhantï jumanacajj jacapcäta ucqhanjja janipuni wilsa ni liq'sa mank'apjjamti.”

Levítico 3:17 Jak'a apnaqawi uñst'ayäwi

Génesis 9:4

Ukampis wilanpach aychxa janiw manq'apxätati, jakañan wilankatap layku.

2 Crónicas 29:35

Ukhamarusa, walja nakt'ata waxt'äwinak luqtañanakaw utjäna, ukhamaraki sumankañ wilañchanakat lik'inak luqtañasa, nakt'ata waxt'äwinakamp chika lurañäki uka vino waxt'äwinak luqtañasa. Ukhamat Tatitun utapan yupaychañax wasitat qalltasïna.

Nehemías 8:10

Esdrasasti ukxarux sänwa: “Sarxapxam, manq'asinipxam sumïri manq'anaka, muxsa vino umasipxarakim, ukatsti khitinakantix manq'añapax jan utjki ukanakar churapxarakim; jichhürux Tatitusar luqtat uruwa. Jan llakisipxamti, Tatitusti kusisiñapampiw ch'amañchistani” sasa.

Éxodo 27:21

Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.

Éxodo 28:43

Uka calzoncillo ucht'ataw Aaronampi, wawanakapampix Tatitump Jikisiñ Carpar mantapxani, jan ukax qullan chiqawjan sacerdote lurañanakap phuqhir altarar jak'achasipkani ukapachasa, ukhamat kuna juchsa jan lurapkaniti, janirakiw jiwapkanisa. Aka kamachix wiñayatak utt'ayatawa, Aaronampitaki, wawanakapan wawanakapampitaki.

Ezequiel 33:25

Jichhax jupanakarux sarakim: ‘Tatitux akham siwa: Jumanakax wilan aycha manq'apxtaxa, idolonakaruw yupaychapxtaxa, jaqinak jiwarayapxtaxa, nuwasiñanakaruw uskusipxtaxa, kuntix nayax uñiskta ukanak lurapxtaxa, taqiniw jila masiman warmipampis wachuqa jucha lurapxaraktaxa, jichhasti ¿aka uraqix jiwasankaniw sapxtati?” sasa.

Ezequiel 44:15

“Sadoc sata jaqin wawanakapäki uka levita sacerdotenaka, israelita jaqinakax nayan thakhixat maysar saranukupkän ukapacha utaxan luqtasipkakïna ukanakasti, jupanakax nayar luqtañataki jak'achasinisipkaniwa, ukhamat lik'inakampi, wilanakampi wilañcha nayar luqtapxañapataki. Naya, Tatituw uk arsta.

Ezequiel 44:7

Jumanakax utaxar yaqha markanakankir jucharar jaqinak irpantasaw nayan utax takisipxtaxa; amuyunakapansa, janchinakapansa jan nayampi arust'äwi chimpuxa apapki uka jaqinakaru; wilañcha luqtat uywanakan lik'inakapa, wilanakap nayaru luqtasaw nayan utax takisipxtaxa, nayampi lurata arust'äwsti axtaskañ luräwinak lurasaw takisipxaraktaxa.

Levítico 10:15

Chara aychax mä churäwïkaspas ukhamawa, jaraphi aychasti mä suma waxt'äkaspas ukhamarakiwa, ukanaksti Tatitun nayraqatapar apatäniwa, mä suma waxt'äkaspas ukham luqtatäniwa, kawkïri lik'inakatix nakhantayañatak luqtatäki ukanakamp chika. Ukanakasti jumampina, wawanakamampinkaniwa, kunjämtix Tatitux arsuwayki ukhamarjama.

Levítico 10:9

“Kunapachatix jumasa, yuqanakamasa Tatitump Jikisiñ Carpar mantañatakïpxäta ukapachax, janiw vinsa, kuna p'usqtat umañanaksa umapxätati, jan jiwapxañamataki. Aka arsüwisti, wawanakaman wawanakapatak mä kamachiwa,

Levítico 16:29

“Aka kamachinakasti jumanakatakix wiñayatakïniwa: paqallqüri phaxsina tunka uru saraqatarusti jumanakax ayunapxätawa, uka urusti janiw kunsa lurapxätati, taqi israelita jaqinaka, jaya markat jutasin jumanak taypin jakir jaqinakasa,

Levítico 16:34

“Aka kamachisti jumanakatakix wiñayatakïniwa: maran mä kutiw akanak lurapxäta, kuna juchanaktix israelitanakax lurapkani ukanakat pampachatäñ jikxatapxañamataki.” Taqi ukanakasti, kunjämtix Tatitux Moisesar siskäna ukhamarjamapuniw phuqhasïni.

Levítico 17:7

Janipuniw mayampsa uka ñanqha ajayunakarux waxt'anakap luqtaskxapxaniti, kawkïrinakarutix jupanakax yupaychas q'añuchasipxäna ukanakaru. Aka kamachisti jumanakatakix wiñayatakïniwa, awkinakamataki, ukhamarak wawanakamatakisa.

Levítico 19:26

“Janipun kunsa wilanpach manq'apxamti. “Janipun yatirïñ munapxamti, kunatix akat qhiparux luraskani ukanak yatiñarus janipun uskusipxamti.

Levítico 23:14

Tatitun ukaru waxt'anakam apaniñkamasti, janiw t'ant'sa, trigo jamp'sa, jan ukax chhuyu trigsa manq'apxätati. Kawkhansay jakasipkam, aka kamachisti jumanakatakixa, wawanakamatakis wiñayatakipunïniwa.

Levítico 23:21

“Uka urusti jumanakax mä suma qullan tantachasïwi nayatakix lurapxäta, janirakiw uka urux kunanaksa irnaqapxätati. Kawkhansay jakasipkam, aka kamachisti jumanakatakisa, wawanakamatakis wiñayatakipunïniwa.

Levítico 24:3

Aaronaw uka lamparanak askicht'askani, ukhamat Tatitun nayraqatapan Tatitump Jikisiñ Carpa manqhan arum paqari aqañapataki, uka lamparanakasti velo anqäxan aqani. Aka kamachisti wiñayatakiwa, awkinakata wawanakapkama.

Levítico 24:9

Uka t'ant'anakasti Aaronampitaki, yuqanakapampitakïniwa, jupanakasti uka t'ant'a qullan chiqan manq'apxani, uka waxt'an aski qullan waxt'ätapa, Tatitutak nakt'ayat waxt'ätap layku.”

Levítico 3:16

Ukatsti, sacerdotex altarxaruw taqpach nakhantayani mä suma q'apkiri manq'añ waxt'ata. Taqpach lik'inakasti Tatitutakiwa.

Levítico 4:1

Tatitux Moisesaruw parläna akham sasa:

Levítico 6:15

15 (8) Jupanakat mayniw uka luqtat jak'umpita, aceitempit mä jach'i aptani, waxt'ampi chik sarki uka taqpach inciensomp kuna, ukatsti amtasiñatak altarxan mä nakt'at waxt'a nakt'ayani, Tatitutakisa mä suma q'apkiriraki.

Levítico 6:18

18 (11) Akat qhiparusti, Aaronan sacerdote yuqanakapax kunatix Tatitur luqtasin nakt'ayatäki uka waxt'anakat manq'apxarakini. Uka waxt'ampi jikthaptir yänakasti, qullanaptayatäniwa”.

Levítico 6:22

22 (15) Aaronan yuqanakapat jilïri sacerdotesti, kawkïritix jupa lanti utt'askani ukasti uka kipkarakiw wakicht'ani, uka luqtäwisti Tatitutaki satapunïniwa, ukatsti q'ala nakhantayatäñapawa.

Levítico 7:23

“Israelitanakarusti akham sarakim: Urqu vacana, ovejana, cabran lik'inakapsa janipuniw manq'apxañapäkiti.

Levítico 7:34

kuna wilañchanaktix israelitanakax sumankthapiñatak nayar luqtapkitu uka jaraphi aychanakxa, mä suma luqtäwïkaspas ukham katuqta, lankhu charsti, mä churäwïkaspas ukhamaraki, uka waxt'anaksti Aaronampiru, sacerdote yuqanakapampiruw churxta, jupanakarupun wakt'atap layku.”

Levítico 7:36

Tatitusti israelita jaqinakaruw ukham churapxañapatak mayïna, wiñayatak mä luräwïkaspas ukhama, awkinakat qalltasina wawanakapan wawanakapkama.

Números 19:21

Uka kamachisti wiñayatakïniwa. Q'umachasir umampi yaqha jaqir ch'allakipirixa, isip t'axsusiñapawa. Q'umachasir uma llamkt'iristi, jayp'ukamaw q'añuchat uñjasini.

Mateo 16:24

Jesusasti yatiqirinakaparux sarakïnwa: —Maynitix nayar arkañ munchituxa, jupa kipkat armt'aspan, cruzap q'ipxarpan, ukatsti nayar arkitpan.

Mateo 26:28

akax machaq arust'äwi wilaxawa, ukasti walja jaqinakan juchanakap qhispiyañatak wartatäniwa.

Hechos 15:29

Idolonakar luqtat animalanakan aychap jan manq'apxamti; janirak wilsa manq'apxamti, kunkat jaychjat jiwayat uywanaksa jan manq'apxamti, Moisesan kamachipan jark'atäki uka wachuq jucha lurañanak apanukupxam. Uka lurañanaktix apanukupxätaxa, walikisipkätawa. Ukhamasti aruntanipxsmawa” sasa.

Efesios 1:7

Criston wila wartatap tuqiw juchanakat qhispitäñasa, pampachatäñas utjistu. Diosasti phullch'irkir khuyapayasiñap jiwasatak utjayi, taqi yatiñ kankaña, amuyt'a kankañ jiwasar churasa,

Efesios 5:26

Uksti qullanar tukuyañatakiw ukham luri, uma jariqäwimpi arup tuqi q'umachasa,

Deuteronomio 12:16

Ukampis janiw wilxa manq'apxätati jan ukasti uraqiruw waranukupxäta umäkaspas ukhama.

Deuteronomio 12:23

Ukampis janiw kuna laykus wilap manq'apxätati, wilax jakañawa; ukhamasti janiw jakañxa wilampi chika manq'antapkasmati.

Deuteronomio 12:24

Jan ukasti uraqiruw umäkaspas ukham waranukupxäta.

Deuteronomio 15:23

Ukampis janiw uka uywanakan wilap manq'ätati, uraqiruw waranuküta, umäkaspas ukhama.

Deuteronomio 32:14

uywanakamatsti lechempi mantequillampi utjayarapipxtam, suma lik'i ovejanak manq'apxaraktaxa, Basán uraqinkir urqu ovejanakampi, urqu cabritonakampi. Suma trigo achunak manq'apxtaxa, suma uvanakat vinsa umapxaraktaxa.

1 Timoteo 4:4

Taqi kuntix Diosax uchawayki ukax askipuniwa, ukanaksti Diosar yuspagarasin manq'añasawa,