Levítico 27:8 - Qullan Arunaka DC

⁸ Uka jaqitix t'aqhin jakani ukatsti janirak ukkha qullqi churañatak utjarapkani ukasti, sacerdoten ukar sarañapawa, sacerdotew qawqtix uka jaqix churkaspa ukhamarjam alap sani.

Aymar Bibliia 1986

⁸ Cawquïri jaketejj arsüwipa phokhañataqui churaña muncani, ucat uca jakejj pobreraquïni, ucasti sacerdoten nayräjjaparu irpatäniwa, uqhamat sacerdotejj kawkhatejj churañapäqui uca sañapataqui, cunjämäquitejj uca churiri jakejj uqhamarjama.

Qullan Arunaca

⁸ Cawquïri jaketejj arsüwipa phokhañataqui churaña muncani, ucat uca jakejj pobreraquïni, ucasti sacerdoten nayräjjaparu irpatäniwa, uqhamat sacerdotejj kawkhatejj churañapäqui uca sañapataqui, cunjämäquitejj uca churiri jakejj uqhamarjama.

Levítico 27:8 Jak'a apnaqawi uñst'ayäwi

2 Reyes 7:5

Ukhamaw jupanakax arumthapir sartawayasin sirionakan utjnuqäwipar sarapxäna; jak'ankxasasti, jan khitis ukankatap amuyasipxäna.

Jeremías 5:7

Tatitux siwa: “¿Kunjämsa jichhax taqi ukanak pampachäma? Wawanakamax nayar apanukupxituwa, ukatsti jan chiqa diosäpki ukanakxaruw juramento lurapxi. Jupanakarux jilarkir manq'añ churta, ukampis taqpachaniw yaqha diosanakar yupaychapxaraki.

Levítico 12:8

Ukampisa uka taykantix mä urqu oveja alañataki qullqix jan utjarapkani ukapachasti, pä qhurukutu jan ukax paloman pä chhiwchhipa apanirakispa, mayax nakt'ayas luqtañataki, mayasti jucha luratat wilañcha luqtañataki; ukapachaw sacerdotex uka warmitak juchapat pampachatäñ mayini, uka warmisti q'umachataw uñjasxarakini.

Levítico 27:7

Kawkïr jaqinakatix suxta tunka maranit amstarüni ukanakatsti, chachatxa tunka phisqan qullqi, warmitsti tunka qullqi churañapawa.

Levítico 27:9

“Uywanak tuqitsti kawkïrinakatix Tatitur luqtatäkani ukanakax Tatitutakipunïniwa,

Levítico 5:11

“Ukat janipun qullqix utjarapkani pä qhurukutu, jan ukax pä paloman chhiwchhipa alt'asiñatakixa, uka jucha luratapat waxt'a luqtañatakix pä kilo wali suma jak'u apani. Uka jak'urusti janiw aceitempisa, inciensompis warxatañapäkiti jucha luratat mä waxt'a luqtatätap layku.

Levítico 5:7

“Janitix mä jisk'a oveja alañatak qullqix utjkani ukapachasti, Tatitun ukarux pä qhurukutu, jan ukax pä paloman chhiwchhipa uka jucha luratapat apani; ukanakat maysti jucha luräwit wilañcha luqtani, maynïrsti nakhantayatäñatakiw luqtarakini.

Marcos 14:7

Jan kunaninakax jumanak taypin utjapuniniwa, jupanakarusti kuna pachas yanapasipkätawa, ukampis nayax janiw mä juk'a pachat jumanakampïkxäti.

2 Corintios 8:12

Maynitix taqi chuyma churañ munchi ukaxa, Diosax churirin utjiripatjam katuqi. Jupax janiw kunsa maykiti, maynin jan utjkchi ukkhaxa.