Levítico 27:30 - Qullan Arunaka DC

³⁰ “Taqi achunakata, jathanakata, quqanakan achuri achunakatsa sapa tunkat mayax Tatitunkapuniwa, jupar katuyatarakiwa.

Aymar Bibliia 1986

³⁰ “Take achunacat tuncat mayajja, uqhamarac jathanacatsa, kokanacan achuri achunacatsa sapa tuncat mayajj Tatituncapuniniwa, juparu catuyataraquiwa.

Qullan Arunaca

³⁰ “Take achunacat tuncat mayajja, uqhamarac jathanacatsa, kokanacan achuri achunacatsa sapa tuncat mayajj Tatituncapuniniwa, juparu catuyataraquiwa.

Levítico 27:30 Jak'a apnaqawi uñst'ayäwi

Génesis 14:20

Alaxpachankir Diosasti yupaychatäpan, jupaw uñisirinakamarux atipjaytam” sasa. Ukxarusti Abram chachax kuntix aparankän ukanakatxa, sapa tunkat maya Melquisedec reyir churäna.

Génesis 28:22

Aka qala mä pilarar uñtata akawjar sayt'ayataxasti, Diosan utapäniwa. Dios Tatay, taqi kunanaktix churkitäta ukatxa, sapa tunkat maya churapunïmawa” sasa.

Génesis 47:24

ukampis faraonarux yapu achunakamat chikatan chikatap churapxäta; ukxarüki uka chikatanakasti jathatakïniwa, ukatsti jumanakana, wawanakamana, khitinakatix jumanakampïki ukanakan manq'añapatakïniwa —sasa.

Génesis 47:26

Joseax ukham mä kamachi utt'ayäna taqi Egipto markan achunak apthapitanakat chikatan chikatap faraonar churañataki; uka kamachisti jichhakamaw utjaski, sacerdotenakan uraqinakapakiw jan faraonankkänti.

2 Crónicas 31:12

ukaruw sapa tunkat maya churapkäna, ukhamarak Tatitur luqtat waxt'äwinaksa imapxäna. Taqi ukanak uñjañapatakisti, Conanías sat levitaruw jilïrit utt'ayapxäna, Simí jilaparusti jupa lanti uñjiritakiraki.

Nehemías 12:44

Khaya urunakansti utt'ayasipxänwa kawkïr chachanakatix qullqi imaña pirwanaka, waxt'äwinaka, nayrïri achunaka, sapa tunkat may churäwinak uchañanak uñjapxañapäki ukanakaru, kamachinakarjam phuqhasa, kunanakatix sacerdotenakataki, levitanakataki sapa markan uraqinakapat purinkän ukanak ukarkam imapxañapataki; Judänkir jaqinakasti sacerdotenakana, levitanakana luräwinakapampix kusisitäpxänwa.

Nehemías 13:12

Judänkirinakasti sapa tunkat maya churäwi pirwanakar apanipxäna: trigo, vino, aceite taqi ukanaka.

Nehemías 13:5

Tobiasarux mä jach'a uta churatayna; kawkhantix nayrapachax waxt'äwinaka, inciensonaka, yänak imañäkäna, ukhamarak sapa tunkat maya churäwinaka, trigo, vino, aceite imañäkän uka uta. Taqi ukanakasti levitanakaru, q'uchurinakaru, punku uñjirinakaru, sacerdotenakar churañatakïnwa.

Levítico 27:29

Kawkïr jaqitix jiwayatäñatak juchañchatäkän ukas janipuniw qhispiyatäkaspati, jan ukasti jiwañapapuniwa.

Levítico 27:31

Maynitix uka tunkat maya churatäkän uk kutsuyasiñ munani ukkhasti, qawqhäkitix alapaxa, ukxarux chikatan chikatapat mä juk'ampi yapxatat churañapawa.

Mateo 23:23

“¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakax menta, anís, comino uka achunakat sapa tunkat maya churapxtaxa, ukampis kamachin yatichäwiparux janiw yäqapktati: chiqapar uñjaña, khuyapayasiña, chiqpach jaqïña. Ukanak lurapxañamaw wakisixa, jan mayanak lurañ jaytanukusa.

Lucas 11:42

“¡Ay fariseonaka, kamacht'apkakïta! Jumanakax Diosarux sapa tunkat mayxa akanakat churapxtaxa: menta, ruda, taqi ch'uxñanakata, ukampis Diosan chiqa kankañapampiru, munasiñapampirux janiw yäqapktati. Ukpï lurapxañamaxa, sapa tunkat may churañ jan apanukusa.

Lucas 18:12

Nayax semanan pä kutiw ayuno lurta, kuntix jikxatta ukanakat sapa tunkat maya churaraksma’ sasa.

Deuteronomio 18:8

ukatsti qawqtix mayni sacerdotenakax manq'añanak katuqapki ukkharak jupax katuqani, awkipat yaqha katuqäwi katuqkani ukanakampi.

Deuteronomio 26:12

“Sapa kimsa maraw taqpach achunakamat sapa tunkat maya apaqäta, ukatsti uka achunakat levitanakaruw churäta, jumanak taypin jakir yaqha markat jutir jaqinakaru, wajchanakaru, ijmanakarus churarakïta. Ukhamat markanakaman jan khitis manq'atjam t'aqhiskaniti.