Levítico 26:9 - Qullan Arunaka DC

⁹ Jumanakarusti sum uñjapxäma, waljaniruw tukuyapxarakïma; jumanakampi arust'äwi lurataxsti phuqhapunïwa.

Aymar Bibliia 1986

⁹ Jumanacarusti suma uñjapjjaraquïma, uqhamarac waljaniruwa mirtayapjjaraquïma; jumanacampi arust'äwi luratajjsti sumwa imaraquëjja.

Qullan Arunaca

⁹ Jumanacarusti suma uñjapjjaraquïma, uqhamarac waljaniruwa mirtayapjjaraquïma; jumanacampi arust'äwi luratajjsti sumwa imaraquëjja.

Levítico 26:9 Jak'a apnaqawi uñst'ayäwi

Génesis 1:28

Ukatsti jupanakarux aski waxt'äwinak churäna: “Mirantapxam, walja wawanakanïpxam, aka uraqirusti phuqhantapxam, ukat apnaqapxam; taqi chawllanakarusa, jamach'inakarusa, uraqinjam qatatnaqtir animalanakarus apnaqapxarakim” sasa.

Génesis 17:20

Ismael tuqitsti mayisitam ist'araksmawa, juparux aski waxt'äwinak churarakïwa; wawanakapas waljanipunïniwa. Ismael chachasti tunka payani jach'a jilïrin awkipäniwa, jupatsti mä jach'a marka tukuyarakï.

Génesis 22:17

jumar aski waxt'äwinak churañataki. Wawanakamarusti alaxpacha warawaranakjam waljanirupuniw tukuyä, quta thiyan utjir ch'allar uñtata. Ukhamarus jupanakax uñisirinakaparux atipjapxapuniniwa,

Génesis 26:4

Wawanakamarusti alaxpacha warawaranakjam waljaniruw tukuyä, jupanakarusti taqi aka uraqinak churarakï. Wawanakam tuqiw aka uraqinkir markanakax jach'añchat uñjasipxani,

Génesis 28:14

Jumat saraqir wawanakamasti uraq laq'ar uñtata sinti waljapunïniwa, jupanakasti amstaru, aynacharu, inti jalanta tuqiru, inti jalsu tuqiruw saratatani, uka uraqin utjir wila masinakasti juma tuqiwa, wawanakam tuqirakiw aski waxt'äwinak katuqani.

Génesis 28:3

Taqi ch'aman Tatit Diosaw jumar aski waxt'äwi churätam, walja wawanak jumar churarakïtam, ukhamat jumat walja markanak uñstañapataki.

Génesis 48:4

“Nayaw walja wawanakani tukuyäma, wawanakamasti walja markanak sayt'ayani. Ukhamarusa, wawanakamaruw aka uraqi churä. Wiñayatakiw jupanakankarakini” sasa.

Génesis 6:18

Ukampis jumampix mä suma arust'äwi lurä, uka arcarusti yuqanakamampi, warmimampi, yuxch'anakamampi, jumampi ukanakaw mantapxäta.

1 Reyes 3:8

Ukampis jichhax juman ajllit marka nayraqatanktwa; uka markasti wali jach'awa, waljätapatsti janiw jakt'añjamäkiti, qawqhätapas janiw amuyt'añjamäkiti.

2 Reyes 13:23

Ukampis Tatitux jupanakat khuyapayasïnwa, yanapt'arakïnwa, jupan Abraham, Isaac, Jacob ukanakampi suma arust'äwi luratap layku, ukat jupax Israel markarux q'al tukjañsa, jupan nayraqatapat jaqunukuñsa jan munkänti. Jichhakamas Tatitux israelitanakar imaskakiwa.

Nehemías 2:20

Nayasti jupanakarux sistwa: —Alaxpachankir Tatituw nanakar atipt'ayapxitani. Nanaka Tatitun luqtirinakapaxa, pirqa sayt'ayañ qalltapxäwa, ukampisa janiw jumanakan kuna arsuñasa, kuna lurañas utjapktamti, janirakiw Jerusalén markan jumanakat kunat amtasiñas utjkiti —sasa.

Nehemías 9:23

Jupanakarux alaxpachan utjir warawaranakjam walja wawanak churtaxa, ukatsti nayra awkinakaparu churañatak arsuta uraqi katuqasipxañapatakiw irparaktaxa.

Salmos 107:38

Tatituw askip churi, juk'ampi jilxatayi, uywanakap mirantayaraki.

Salmos 89:3

3 (4) Jumaw Davidampix arust'äwi luräyätaxa, ajllit uywatamarux arsüyätawa:

Éxodo 1:7

Ukampisa, israelitanakax walja wawanakanïnwa, jupanakat saraqirinakasti walpun mirantäna, wali ch'aman markaruw tukurakïna. Egipto markansti taqi chiqanakan israelitanakax utjxäna.

Éxodo 2:25

Diosasti israelitanakar t'aqhisir uñjasinxa, jan walt'añankapxatap amuyäna.

Éxodo 6:4

Ukhamarus jupanakamp mä arust'äwi lurta, jupanakar Canaán uraqi churañatakiw arsurakta, kawkhantix jupanakax nayra pachan jayankir jaqinakjam jakapkäna uka uraqi.

Isaías 55:3

Nayan ukar jutapxam, ukatsti ist'apxita, ist'apxita, ukatsti jakasipkätawa. Nayaw jumanakampix wiñay arust'äwi lurä, ukhamat kuntix Davidarux munasiñampi arskta uk phuqharakï.

Jeremías 23:3

Naya kipkaw ovejanakaxar anthapisinxä, kawkïr markanakarutix ananukuykäyäta ukata, tantacht'asinsti suma chiqäwjaruw kuttayanxä, ukhamat mä jach'a marka tukxañapataki.

Jeremías 23:4

Awatirinak jupanakar awatiñapatak uskurapï, jan kunsa axsarapxañapataki, janirak maynis chhaqhañapataki. Naya, Tatituw uk arsta.”

Jeremías 33:3

Nayar art'asita, nayasti ist'ämawa, ukatsti kuna muspharkañanaktix jumax jan yatkta, ukanak uñacht'ayäma.

Ezequiel 16:62

Nayasti wasitat jumampix arust'äwix lurä, ukapachaw jumax nayan Tatitütax uñt'arakitäta.

Ezequiel 36:9

Nayaw jumanakarux arxatapxäma, jumanakarusti suma yapucht'ata, walja yapunakani tukuyapxarakïma.

Levítico 26:15

jan ukasti, nayan kamachinakaxsa, arsutanakaxsa jisk'achapxarakïta, ukhamat nayan jumanakampi arust'asitaxsa jan phuqhapkätati ukapachasti,

Lucas 1:72

nayra awkinakasat khuyapayasisa, janirakiw qullan arsutanakapat armt'askaniti.

Deuteronomio 28:11

Diosax munasiñap uñacht'ayätam, walja wawanak jumar churasa, vacanakaman qallunakapar jiltayasa, uraqinakamar jilarkir achuyasa, kunjämtix awkinakamar churañatak juramentomp arskatayna ukhamarjama.

Deuteronomio 28:4

Wawanakamasa, achunak apthapitamas askimp phuqt'atäniwa, ukhamarak vacanakamana, ovejanakaman qallunakapasa, taqpach uywanakamasa.

Deuteronomio 7:13

Jumanakarusti munasiñampiw uñjapxätam, aski waxt'äwi churapxätam, mirantayapxarakïtamwa; wawanakamar aski waxt'äwinak churani, yapunakamaru, taqi achunakamaru, trigo yapunakamaru, vinomaru, aceitemaru, ukhamarak vacanakamana, ovejanakaman qallunakapar aski waxt'äwinak churani, nayra awkinakamar juramentomp churañ arsuwaykän uka uraqina.

Hebreos 8:9

Aka arust'äwisti janiw kunjämatix nayra awkinakapampi lurkäyät ukhamäkaniti, kunapachatix jupanakarux Egipto markat irpsunkta ukhama; jupanakan uka arust'äwir jan phuqhapxatap laykux nayax jaytanuktwa, siw Tatituxa.