Levítico 26:44 - Qullan Arunaka DC

⁴⁴ “Ukhamäkipansa, jumanakax uñisiriman markapan jakapkäta ukasa, janiw nayax jumanakarux apanukupkämati, jisk'achapkämasa; t'unjapkarakïmasa, janirakiw kuna amtäwirutix nayra awkinakamamp lurkäyät ukanakatsa armt'askäti, nayan jumanakan Tatit Diosamätax layku.

Aymar Bibliia 1986

⁴⁴ “Take ucanaca pasquipansa uqhamarac jumanacajj uñisirinacaman marcapana jacapcäta ucasa, janiw nayajj jumanacarojj apanucupcämati, janiraquiw jisc'achapcämasa; janiraquiw jumanacarojj t'unjapcämati, uqhamarac cuna amtäwinacarutejj nayra awquinacamampi purcäyätjja ucanacatsa amtasipuniraquïwa, nayätwa jumanacan Tatitu Diosamajj uca laycu.

Qullan Arunaca

⁴⁴ “Take ucanaca pasquipansa uqhamarac jumanacajj uñisirinacaman marcapana jacapcäta ucasa, janiw nayajj jumanacarojj apanucupcämati, janiraquiw jisc'achapcämasa; janiraquiw jumanacarojj t'unjapcämati, uqhamarac cuna amtäwinacarutejj nayra awquinacamampi purcäyätjja ucanacatsa amtasipuniraquïwa, nayätwa jumanacan Tatitu Diosamajj uca laycu.

Levítico 26:44 Jak'a apnaqawi uñst'ayäwi

Génesis 17:7

Kuna arust'äwtix jumampix lurktxa, ukhamarak akat qhiparusa wawanakamampi lurkä ukax akawa: Nayax juman Diosamapunïyäwa, wawanakaman Diosaparakïyäwa.

2 Reyes 13:23

Ukampis Tatitux jupanakat khuyapayasïnwa, yanapt'arakïnwa, jupan Abraham, Isaac, Jacob ukanakampi suma arust'äwi luratap layku, ukat jupax Israel markarux q'al tukjañsa, jupan nayraqatapat jaqunukuñsa jan munkänti. Jichhakamas Tatitux israelitanakar imaskakiwa.

Nehemías 9:17

Kuna jach'a luräwinaktix jupanak layku lurkta uk janiw jupanakax ist'añ munapkänti, janirakiw amtañsa munapkänti. Jupanakax chuymanakap qalarayasisax mä jilïri ajllisipxäna, Egiptor wasitatampi t'aqhisiyatäñaru irpañapataki. Ukampis jumax pampachasir Tatitütawa, munasiri, khuyapayasir Tatitütawa, llamp'u chuymanïtawa, janiw jank'ak phiñasktati, munasiñamax jach'awa, ukat jupanakar jan jaytanukktati.

Nehemías 9:31

Ukampis jach'a khuyapayasiñam laykusti janiw jupanakarux taqi tukjktati, janirakiw jaytanukktasa; juman munasiri, khuyapayasir Diosätam layku.

Salmos 103:13

Kunjämatix mä awkix wawanakapat khuyapayaski, ukhamaw Tatitux iyawsirinakapat khuyapayasi;

Salmos 89:33

33 (34) Davidar munasitaxsti janiw jaytanukkäti, janirakiw jupar arsutax phuqhañsa armaskäti.

Salmos 94:14

Tatitux janiw markaparux apanukkaniti, janirakiw jupankirinakarus jaytanukkaniti.

Jeremías 14:21

¡Sutiman jach'ätap laykukisay nanakat khuyapt'ayasipxita; kawkha markankkitix suma k'ajkir qunuñamaxa, uka markarux janikiy jisk'achañampi uñjamti! ¡Kuna arust'äwtix jumax nanakampi lurkta uk amtt'asikimaya, janikiy uka arust'äwir phuqhañ armt'asimti!

Jeremías 24:5

“Naya, Israelan Dios Tatitupaw arsta: Judá markarux suma higo achunakarjamaw uñjä, jupanak Babilonia uraqir katuntat apanukkäyäta ukata. Jupanakarusti sumpun uñjä,

Jeremías 30:11

Naya, Tatituw uk arsta, nayaw jumampïskta jumar qhispiyañataki. Kawkïr markanakarutix ananukkäyäsma uka markanaksti t'unjarakïwa. Ukampis jumarux janiw t'unjkämati; jan ukasti juchamatjamak mutuyäma, juchamatsti mutuyapunirakïmawa.”

Jeremías 31:20

“Efraín markax nayatakix munat wawaxawa; taqinit sipansa sinti munat wawaxawa. Jupar tuqintkta ukasa, janipuniw nayax jupat armaskti; taqi chuymaxampiw munasta, jupatsti walpun khuyapt'ayasirakta. Naya, Tatituw uk arsta.

Jeremías 33:26

janipuniw Jacobun wawanakaparuxa, David luqtirixan wawanakaparus apanukkäti, jupanak taypitsti, Abraham, Isaac, Jacob chachanakan wawanakaparu apnaqañapatakiw utjayarakï. Nayaw jupanakat khuyapayasisax, kawki yaqha markar apanukutäpkäntix uka markat kuttayanxarakï.”

Ezequiel 16:60

Ukampis nayax amtasiskakipunïwa tawaqu kankañam urunakaman nayampi lurktan uka arust'äwita, ukat jumampi wiñay arust'äwi lurarakï.

Levítico 26:11

“Nayaw jumanak taypin jakä, janirakiw jumanakarux apanukupkämati;

Romanos 11:2

Diosax qalltatpach israelitanakarux markapatjam uñt'asitayna; jichhasti janiw jupanakarux apanukkiti. ¿Janit yatipkta kuntix qillqatan Elías profetat siski ukxa? Jupasti Diosar mayiskän ukkhax Israel markarux juchañchänwa. Sarakïnwa:

Romanos 11:26

Ukanak luraskani ukkhasti, taqi israelitanakaw qhispiyasini. Qillqatax siwa: “Qhispiyirix Jerusalén markat jutani, Jacobun juchapsa apaqaniwa.

Jueces 2:1

Tatitun angelapax Guilgal chiqat Boquim chiqaruw saräna, ukatsti israelitanakarux sänwa: “Nayaw jumanakarux Egipto markat irpsunipxsma, ukatsti nayra awkinakamar arsuta uraqiruw irpanipxsma, jupanakarusti säyätwa: ‘Janipuniw jumanakampi lurat arust'äwirux p'akintkäti,