Levítico 26:39 - Qullan Arunaka DC

³⁹ khitinakatix uñisirinakaman uraqipan qhiparapkani ukanakasti, juchanakap laykuw jiwarapxani, ¡awkinakamamp chikaw jupanakan jucha lurapxatapat jiwarapxäta!

Aymar Bibliia 1986

³⁹ cawquïrinacatejj uñisirinacaman orakepan kheparapcani ucanacasti juchanacap laycu t'unjataw uñjasipjjani, awquinacapampi chicaw jucha lurapjjatanacap laycu jiwarapjjani.

Qullan Arunaca

³⁹ cawquïrinacatejj uñisirinacaman orakepan kheparapcani ucanacasti juchanacap laycu t'unjataw uñjasipjjani, awquinacapampi chicaw jucha lurapjjatanacap laycu jiwarapjjani.

Levítico 26:39 Jak'a apnaqawi uñst'ayäwi

2 Crónicas 34:24

naya Tatituw sista: Nayax aka chiqampiru, jaqinakapampirux mä jan walt'añ apayanï, kunjämtix Judá markankir reyin nayraqatapan ullart'apkta uka qillqatan ñanqhachäwinakax qillqatäki ukhamarjama.

Esdras 9:7

Khä urunakatpach jichhakamaw wali jucha lurañan jakapxta. Juchanakax laykuw nanakasa, reyinakaxasa, sacerdotenakaxas yaqha markanakankir reyinakan munañanakapar katuyat jikxatasipxta. Ukatxa chhuxriñchjata, jayar apanukuta, lunthatjata, jisk'achjata jikxatasipxäyäta, jichhasti uka pachpa luräwiruw puripxarakta.

Nehemías 1:9

ukampis nanakatix jumar makhatxapxirisma, ukatsti kamachi arunakamar phuqhasa sarnaqapxarakirist ukaxa, kawki aka uraqi thiyakam jaqunukut uñjaskasasa, ukkhatpach wasitat apthapipxitasma, juman chhijllat qullan chiqaruw wasitat irpapxarakitasma, kawkhantix sutimax jakkani ukkharu.

Éxodo 20:5

Janiw uka diosanakatak killt'asïtati, janirakiw yupaychätasa, nayaw juman Tatit Diosamätxa, jan yaqhampïñam munir Diosätwa, nayar uñisir awkinakan juchapatxa, nayaw wawanakaparusa, allchhinakaparusa, allchhinakan allchhinakaparus mutuyta;

Éxodo 34:7

Waranqa wawanakan wawanakapatakis pachpa chiqa aski munasiriwa, ñanqha luratanaksa, jan wali amtäwinaksa, juchanaksa pampachiwa; ukampis juchanirux mutuyapuniwa, awkinakan ñanqha luratanakapatxa, wawanakaparu, allchhinakaparu, allchhinakapan wawanakaparu, allchhinakapan allchhinakaparuw mutuyi —sasa.

Isaías 14:21

Jichhax wakichasipxam uka wawanakar jiwarayañataki, kawkïr awkinakapatix jaqinakar jiwaraykän ukan wawanakaparu, ukhamata aka uraqi jan juk'amp apnaqxapxañapataki, aka uraqirus janirak markanakamp phuqhantañapataki”.

Isaías 24:16

Uraqi tukuyapatpach q'uchutanakapax ist'asi: “Aski jaqix jach'ar aptatäpan” sasa. Ukampis nayax saraktwa: ¡Ay kunas akaxa, kunas akaxa! ¡Ch'uxña lurir jaqinakax jach'a ch'uxñpin lurapxi!

Jeremías 29:12

Ukapachaw jumanakax nayar art'asipxitäta, ukatsti nayan ukaruw jutapxarakïta, nayaru mayisisa, nayasti mayisitanakamxa ist'apxarakïmawa.

Jeremías 3:25

Jichhax p'inqasiñatsa amuki alt'asipxañäni, wawatpacha jichhakamaxa, jiwasanakasa, awkinakasasa, Tatitu Dios nayraqatan juchanak lurapxtanxa, janirakiw juparux jaysapktanti.”

Jeremías 31:29

“Uka urunakanxa janiw wasitat parlatäkxaniti: ‘Awkinakaw k'allk'u uvanak manq'apxi, ukat wawanakan laka ch'akhanakapax ñusaratkamakïxi’ sasa.

Lamentaciones 1:3

T'aqhisiñanakampitsa, ch'ama tukuñanakampitsa, jichhax Judá markax katuntat apatawa. Khititix nayrax markanak taypin apnaqir markäkäna ukasti, jichhax janiw samarañ jikxatkxiti. Jupar arknaqirinakasti, jikxatapxiwa, jan walt'añan uñjasiyapxaraki.

Lamentaciones 4:9

Taqiniw juk'ata juk'at manq'atjam jiwarxapxi. ¡Mä ch'axwäwin jiwañax askïspawa manq'atjam jiwañat sipana!

Ezequiel 18:19

Jumanakasti jiskt'apxitätawa: ‘¿Kunatarak wawasti awkipan juchanakap layku jan mutuyatäkisti?’ sasa. Nayasti sapxämawa: Wawax kunatix chiqapäki, kunatix askïki uk luri, taqi kamachinakaxsa phuqharakiwa; uka wawan wakisiw jakaskañapa.

Ezequiel 20:43

Ukan jumanakax amtasipxäta kuna jan wali luräwinakamampitix q'añuchjasipkta ukanakata, jumanakpachaw ukham ñanqhanak lurapxatamat axtasipxäta.

Ezequiel 24:23

Janiw q'ara p'iqisa, q'ara kayusa sarnaqapkätati. Janiw jachapkätati, janirakiw t'aqhisipkätasa. Ñanqha juchanak lurapxatam laykusti jan ch'amaniw uñjasipxäta, ukatsti jumanakkamaw jachapxarakïta.

Ezequiel 33:10

“Jumasti Ezequiel, Israel markarux sarakim: ‘Jumanakax sapxtawa: Juchanakampi jan wali lurañanakampi phuqhantatätanwa. Ukatpï jichhax jakkirpach ñusantasktanxa. ¿Kunjämarak jiwasasti jaksnasti? sasa.

Ezequiel 36:31

Jumanakasti jan wali sarnaqäwinakamata, juchanak lurapxatanakamat amtasipkäta ukapachasti, jumanakpachaw p'inqasipxäta, jan wali luratanakam layku.

Ezequiel 4:17

Umas manq'as pist'akipuniniwa, jupanakkamasti wali axsarañampiw uñkatasipxani. Juchanak luratanakapatsti jakkirpacharakiw ñusantapxani” sasa.

Ezequiel 6:9

Uka jilt'irinakasti, uka jaya markanakan nayat amtasipxitani; kunjämtix nayax jupanakar t'aqhisiykäyäta, nayar taqi chuymampi jan arkapxatapata, diosanakar yupaychañ layku nayat jayarst'apxatapata, taqi ukanakat amtasipxani. Jupanakasti taqi uka axtaskañ ñanqha luräwinakap amthapisisinxa, jupanakpachaw axtasipxani.

Oseas 5:15

“Juchanakapat kutikipstañapkamasti, utjäwixaruw kuttä, kunapachatix juchanakap uñt'asxapxani ukkhasti, llakisiñanakampiw phuqhantasipxani, ukhamat nayar thaqhapxitani”.

Zacarías 10:9

Nayaw yaqha markanak taypir ananukta, ukampisa, jayankkasinsa nayat amtasipxitani, mä urusti wawanakapampiw uraqipar kutt'anxapxani.

Números 14:18

“Janiw jank'ak phiñasirïkti, khuyapayasiñaxax jan tukuskiriwa, ñanqha luratsa, nayatak sayt'asiñanaksa pampachtwa, juchanirux mutuyapuntwa, awkimpina taykampin jucha luratanakapatxa, wawanakaparu, allchhinakaparu, allchhinakan allchhinakaparuw mutuyarakta” sasa.

Deuteronomio 28:65

Uka markanakan jakkasin janiw sumankañsa, samarañsa jikxatkätati; qawqhas kusisiñ munaskätawa, ukampis Diosax llakt'atak sarnaqayätam.

Deuteronomio 30:1

Moisesasti saskakïnwa: “Jichhasti yatxapxtawa kuna aski waxt'äwinaktix Diosar jaysapxatamat katuqapkäta, ukhamarak kuna ñanqhachäwinaktix Diosar jan jaysapxatamat katuqapkäta ukanaka. Tatit Diosamatix jumanakar mutuyasin markamat jayar jaqunukupxätam ukkhaxa, kuntix sapksma ukxat amuyt'asipxäta.

Deuteronomio 5:9

Janiw ukanakar killisïtati yupaycharakïtasa; nayätwa Tatit Diosamaxa, janiw yaqhampïpxañam munkti. Nayasti nayar uñisiri awkinakan juchanakapat wawanakapan wawanakaparuw mutuyta;

Deuteronomio 8:20

Kamisatix Diosax markanakar jumanak nayraqatan t'unjkani ukhamarakiw jumanakax t'unjat uñjasipxäta, Tatit Diosamar jan ist'apxatamata.