Levítico 26:36 - Qullan Arunaka DC

³⁶ “Khitinakatix jumanakat uka uñisirin uraqipan jakasipkakini ukanakarusti, walpun axsarayä, mä quqa laphin jalaqtatapatsa khathatipxätawa; mä jaqis jumanakarux espada ayt'at arknaqkaspa ukham jaltxapxäta, ukatsti jan khitin arknaqkataw liwirtapxäta;

Aymar Bibliia 1986

³⁶ “Qhitinacatejj uca uñisirinacaman orakenacapan jacasipcani, ucanacarusti walpun ajjsarayäjja, jupanacajj mä koka laphin jalaktatapatsa qhathatipjjaniwa; mä jakes jupanacarojj espada ayt'ata arcnakcaspa uqhamaw jaltjjapjjani, ucatsti jan qhitin arcnakataw liwirtapjjani;

Qullan Arunaca

³⁶ “Qhitinacatejj uca uñisirinacaman orakenacapan jacasipcani, ucanacarusti walpun ajjsarayäjja, jupanacajj mä koka laphin jalaktatapatsa qhathatipjjaniwa; mä jakes jupanacarojj espada ayt'ata arcnakcaspa uqhamaw jaltjjapjjani, ucatsti jan qhitin arcnakataw liwirtapjjani;

Levítico 26:36 Jak'a apnaqawi uñst'ayäwi

Génesis 35:5

Jupanakax sarxarxapxäna ukkhasti, Tatituw uka jak'ankir markanakarux axsarañ mantayäna, ukat jupanakax Jacobun wawanakapar jan arktapkänti.

Génesis 4:12

Wal yapuchkäta ukasa, janiw achunakax achurapkätamti. Aka uraqi muyusarakiw jan samart'añ jikxatas sarnaqäta.

2 Crónicas 14:14

14 (13) Ukxarusti Guerar marka jak'ankir markanakaruw mantantapxarakïna, uka markanakasti taqiniw Tatitun nayraqatapan axsarayasipxäna. Judá markankir jaqinakasti uka markanakan kuna yänakapatix utjkäna ukanak q'al aparanipxäna.

Job 13:25

Nayax waña laphimpi sasiktwa, ¿kunatarak nayar t'unjañ munistasti? Nayax waña jichhumpi sasiktwa, ¿kunatarak nayar arknaqistasti?

Salmos 53:5

5 (6) Janis kunat khathatiñas utjkpan, jupanakax axsarañat wal khathatipxani, uñisirin ch'akhanakap Diosan willitatatap layku. Jupanakasti mä p'inqaw uñjasipxani, jupanakar Diosan jan katuqatap layku.

Salmos 53:6

6 (7) ¡Israel markan qhispiyasiñapax Jerusalén markat jutakispa! Diosax markapar wasitat kusisiykan ukapachaxa, Jacobun wawanakapax kusisiniwa, taqpach Israel markax k'uchirt'asiniwa.

Salmos 89:43

43 (44) Jupatakix espadap muthuptaytaxa, nuwasiñansti janiw yanapktati.

Proverbios 28:1

Ñanqha lurir jaqix jan khitin arknaqkataw jaltxi, aski jaqisti leonar uñtataw jan kunar axsaras jaki.

Isaías 30:17

Mä sapa jaqin axsarayatakiw waranqanakax jaltxapxani; ¡taqi jumanakasti phisqanin axsarayatakiw jaltxapxäta! Taqi ukanak ukham lurasitapatxa, jumanakat juk'anikiw ukan qhiparxapxäta, kunjämatix mä lawax qullu patan jikxataski ukhama, jan ukax qullu patan mä chimpükaspas ukhama.

Isaías 7:2

Ukapachaw Ahaz reyiru, utapankirinakaparux aka yatiyäwi yatiyapxäna: “Siria jaqinakax alayankkis uka israelitanakampiw mayacht'asxi” sasa. Uk ist'asasti, reyisa, taqi jaqinakasa, axsarañat wal khathatipxäna, kunjämatix quqanakan laphinakapax thayan thayt'anitax wal khathatkix ukhama.

Isaías 7:4

reyirusti akham sarakim: ‘Wal amuyasim, janirak mulljasimti, Resín sat reyimpi, Sirio jaqinakapampi, Pécah sat reyimpix, wali phiñasitäpxiwa, ukampis jan axsaramti, janirak llaythasimsa, jupanakax mä jisk'a ninar uñtatakïpxiwa, mä juk'a jiwq'i mistuyasasti, jank'akiw jiwt'xi.

Jeremías 37:10

Jumanakax jumanakar nuwantir babilonionakarux q'alsa atipjasipkasma, uka nuwasïwi chiqansti mä qawqha usuchjat babilonionakakis qhiparxapxaspa ukasa, ukanakax sartanisin Jerusalén markarux ninampiw phichkatapxani.’ ”

Jeremías 46:16

Soldadonakamasti lanktasisin liwirtapxi, maynit maynikamaw sasipxaraki: ‘¡Akat sarxañäni, markasar kuttxañäni, yurïwi uraqisar sarxañäni! ¡Aka nuwasiñat jaltxañäni!’ sasa.

Lamentaciones 1:3

T'aqhisiñanakampitsa, ch'ama tukuñanakampitsa, jichhax Judá markax katuntat apatawa. Khititix nayrax markanak taypin apnaqir markäkäna ukasti, jichhax janiw samarañ jikxatkxiti. Jupar arknaqirinakasti, jikxatapxiwa, jan walt'añan uñjasiyapxaraki.

Lamentaciones 1:6

¡Jerusalén markan jiwakïtapas jichhax chhaqatawa! Jilïri irpirinakapasti jan ch'amaniw uñjasxapxi, arknaqirinakapatsa jaltxapxiwa. ¡Manq'at awtjat tarujanakar uñtataw chhuxllanak thaqhasis sarnaqapxi!

Lamentaciones 4:19

Jiwasar arknaqirinakasti alayan tuyur pakanakat sipan juk'amp jaltirïpxiwa; qullunak tuqinakan arknaqistu, ¡wasar tuqinakansti sipitanak jiwasatak uchantapxaraki!

Ezequiel 21:12

12 (17) Jumasti, ¡arnaqasim, wararirakim, ukasti markaxar jiwarayañatak uchatawa, Israel markan taqi irpirinakapar jiwarayañataki! Jupanakasti markaxampi chika jiwarañatak juchañchatäpxiwa, ukhamax uka ayquñat chuymam liq'isim.

Ezequiel 21:15

15 (20) Taqi utanakaparuw uka jiwarayir espada uskurakta; lliju llijunak sarayañataki, suma llijkir tukuyat espadawa, jiwarayañatak ariptayat espadawa.

Ezequiel 21:7

7 (12) Ukattix jumaru jiskt'apxätam ¿kunatsa jachta sasaxa? Jupanakarux sarakim: Mä jan wali lurasïwin puriniñap yatta, taqi jaqinakasti jan ch'amanjamaw uñjasipxani, jan kunsa lurirjama, taqpachanin chuymapax llakthaptani; taqinis axsarañat khathatipxani. Ukasti niyaw purisinki, phuqhasiñapasti niya jak'ankxiwa, sasa. Naya, Tatituw uk arsta.”

Oseas 8:3

Ukampis Israel markankirinakax janiw kunatix askïki uk lurapkiti, ukat uñisirinakapax jupanakarux arknaqani.

Levítico 26:17

Nayasti jumanakar jan walt'ayañatakiw sayt'ä, uñisirinakamas atipjapxätamwa; khitinakatix jumanakar wal uñisipktam ukanakampi t'unjataw uñjasipxäta, jan khitin arktataw jaltxapxarakïta.

Levítico 26:35

Kunapachkamatix uka uraqix ch'usa wasar uñjasini ukapachkamaw uka uraqix samarani, jumanakax uka uraqin jakkasax janiw samarayapkäyätati.

Deuteronomio 1:44

Ukatsti uka qullunakan jakir amorreo jaqinakaw jumanakamp nuwasir mistunipxäna, jupanakasti wayrunqunakar uñtataw alisinipxtamxa, ukatsti atipjapxtamwa, Seír chiqat qalltasina, Hormá sat chiqakama.

Josué 5:1

Jordán jawirat inti jalanta tuqinkiri amorreo reyinakasa, Mediterráneo jach'a quta jak'ankir cananeo reyinakasa, kunjämtix Tatitux Jordán jawir wañt'ayas israelitanakar makhataykatayna uk yatipxäna, uk yatisasti, uka reyinakax wal axsarayasipxäna, ukatsti jupanakampi nuwasiñxa wal axsarapxäna.

Josué 7:5

uka markankir jaqinakasti niya kimsa tunk suxtani israelit jaqinakaruw jiwarayapxäna, mayninakarux markan punkunakapat qala ch'iyañ chiqakamaw arktapxäna, uka aynachan jupanakarux tukjapxäna. Ukhamïpan israelitanakax chuyma mayjt'at uñjasipxäna, ch'amanakapsa jiwt'ayasipxarakïnwa.

1 Samuel 17:24

Israelitanakasti uka chachar uñjasax wal axsarapxäna, jupan nayraqatapsti jaltxapxarakïnwa,