Levítico 26:32 - Qullan Arunaka DC

³² “Jumanakan markanakamsti q'al t'unjä, uñisirinakamatix ukar jakir jutapxani ukkhasti, ukham t'unjat uñjasax wal musphasipxani.

Aymar Bibliia 1986

³² “Jumanacan marcanacamsti k'alwa t'unjaraquëjja, uñisirinacamas jutaraquiniwa ucanacan jacañataqui, ucampisa musphataw uñjasipjjani uqham t'unjata uñjasajja.

Qullan Arunaca

³² “Jumanacan marcanacamsti k'alwa t'unjaraquëjja, uñisirinacamas jutaraquiniwa ucanacan jacañataqui, ucampisa musphataw uñjasipjjani uqham t'unjata uñjasajja.

Levítico 26:32 Jak'a apnaqawi uñst'ayäwi

1 Reyes 9:8

Aka utasti laqayanakar tukuyatäniwa, uka chiqanjam sarir jaqitakisti mulljaskayäniwa, jupasti larusisin sarakini: ‘¿Kunatarak Tatitusti Israel markaru, ukhamarak aka utarusa ukham lurpachasti?’ sasa.

Isaías 24:1

Uñtapxam, Tatitux aka uraq tukjaniwa, q'al allthapini, mayjt'ayaniwa, jaqinakarusti uksar aksaruw ananukuni.

Isaías 5:6

jan khiti tumpirin apanukurakïxa. Janiw khuchhurt'apkanisa, janirakiw qursupkanisa, quranakampi, ch'aphinakampiw chhaqtayani. Qinayanakarusti “jan uka yapunakxar jallumti” sarakïwa.

Isaías 5:9

Taqi ch'amani Tatitusti juramentompiw nayar situ: “Walja utanakaw t'unjatäni, jach'anakäskpasa, qawqha sumäskpasa, janiw khitis uka utanakan jakkaniti.

Isaías 6:11

Nayasti jiskt'araktwa: “Tatay, ¿kunapachkamarakïni ukasti?” sasa. Jupasti sarakituwa: “Kunapachatix taqpach markanakax q'ala t'unjatäkani, uka markanakas jan jaqin jikxatasipkani; utanakas jan mä jaqin uñjaskani, pampanakas ch'usa wasarar tukuyatäkani,

Isaías 64:10

10 (9) Qullana markanakamax ch'usa wasarar tukuyatawa, Jerusalenasti laqayar tukuyata, q'ala tukjatarakiwa.

Jeremías 12:11

Llakiskañ wasararuw tukuyawayapxi; jupan jachatapsa nayax uñjaraktwa. Taqi aka uraqpachaw ch'usa wasarar tukuta, ukampis janiw khitis llakt'askiti.

Jeremías 18:16

Ukhamat markapxa mä ch'usa wasarar tukuyxapxi, muspharkaña, mulljaskaña tukuyapxaraki. Uka chiqa sarakipirinakasti, taqiniw mayjt'asiñat p'iqi khiwipxani.

Jeremías 19:8

Aka marksti mä ch'usa wasararuw tukuyarakï, wali mulljaskañäniwa. Taqi aka marka chiqa sarakipirinakasti, ukham q'ala t'unjat uñjasax wali mulljata, muspharataw uñjasipxani.

Jeremías 25:11

Taqi aka markasti, laqayanakar tukuyat t'unjatäniwa. Paqallqu tunka mararakiw aka markanakax Babiloniankir reyin apnaqat uñjasipxani.

Jeremías 25:18

Jerusalén markaru, Judá uraqinkir taqi markanakaru, reyinakapampi taqi jilïrinakapampi umañapatakiw churta, ukhamat jupanakan t'unjatäñapataki, markanakapas q'ala tukjat apanukutäñapataki, axsarkaña mulljaskañ tukjatäñapataki. Aka arunak qillqaski ukkhakamas uka markanakan axsarkañaru, mulljaskañaru, ñanqhar tukutäñapataki.

Jeremías 25:38

Putupat mistunir leonar uñtataw jupax mistuni, jupanakan markapasti q'ala t'unjataw uñjasi, Tatitun phiñasiñapax mä ninjamaw aqti, mä jach'a nuwasïwi apayaniraki.

Jeremías 33:10

Tatitux siwa: “Jumanakax sapxtawa: ‘Aka chiqax ch'usa wasarar tukutawa, janiw jaqinakasa, uywanakas utjkiti’ sasa; Jerusalén markan thakhinakapasa, Judá uraqin markanakapas ch'usakiwa, janirakiw ukan khiti jaqinakasa, uywanakasa jakapkiti, sasa. Jichhax walikiwa, akan wasitat

Jeremías 44:2

“Israelan taqi ch'aman Diosapax siwa: ‘Jumanakax uñjapxtawa kuna t'aqhisiñanaktix Jerusalén markxaru, Judá uraqinkir yaqha markanakxarus apayankta taqi ukanaka. Jichhax uka markanakax q'ala aynacht'atawa, janirakiw khitis uka markanakan jakkxiti,

Jeremías 44:22

Ukatpï Tatitux jan juk'ampi jumanakan jan wali luratanakam uñjañ munkxäntixa, uka luräwinakamasti juparux ñanqhacharakïnwa. Ukat jumanakan markanakamax q'ala t'unjata uñjasi, jan utjaskaya uraqir tukuraki; taqinin uñjkata ñanqhachata axsarkañaw tukxi.

Jeremías 9:11

11 (10) “Jerusalén markarux qala chhaxwaruw tukuyä; qamaqinakan putunakaparuw tukuyarakï; Judá uraqinkir markanakarusti mä ch'usa wasararuw tukuyä; jan jaqiniw qhiparxapxani.”

Lamentaciones 4:12

Aka uraqinkir reyinakaxa, taqi akapach apnaqir reyinakasa, janipuniw Jerusalén markan punkup chiq uñisirinakapan mantaniñap suyapkänti.

Lamentaciones 5:18

Jerusalén markax laqayar tukuyatawa, qamaqinakakiw ukan aywtaski.

Ezequiel 5:15

Nayax wali jach'a phiñasiñampi juma tuqi arsutanakax phuqkä, jan khuyapt'ayasis mutuykäma ukkhasti, taqiniw jan wali arunakampi arnaqapxätam, chuymamsa ust'ayapxarakïtam, juma jak'ankir markanakatakisti mä jach'a yatichäwïyätawa. Naya, Tatituw uk arsta.

Daniel (hebreo) 9:18

Tatituxay ist'apxitaya; nanakan aynacht'atanakax uñtanim, juman sutim jach'añchañ markan t'unjatätapsa uñtanimaya. Janiw nanakan askïpxatax layku jumar achikt'asinipksma, jan ukasti juman jach'a khuyapayasiñam laykuw mayisinipxsma.

Daniel (hebreo) 9:2

Mä mara marka apnaqkäna ukapachaw, naya, Danielax Jeremías profetan qillqatapat amuyt'askäyäta, kunapachatix Jerusalén markax paqallq tunka mara qhipat t'unjat uñjaskani ukxata, kunjämtix Tatitux profetar yatiykatayna ukarjama.

Habacuc 3:17

Janisay higo quqanakax panqarkpan, janisay uva alinakasa, olivonakas achunak churkpan; janisay yapunakax achunak churkpan; oveja tamanakas q'alasay tukusiskpan, janisay uywanakax uyunakan utjkpan, ukampis kusisiñampiw jumarux yupaychäma, jumaw nayan qhispiyirixäta.

Lucas 21:20

“Kunapachatix Jerusalén markar ejercitonakan muyuntat uñjapkäta ukkhaxa, uka markan jank'ak t'unjatäñap yatipxäta.

Deuteronomio 28:37

Ukatsti kawkha markarutix Diosax irpkätam uka markanakan p'inqachata, axtasita, jaqin parlasitaw sarnaqäta.