Levítico 26:31 - Qullan Arunaka DC

³¹ jumanakan markanakama, yaqha diosanakar yupaychañ utanakamsa t'unjarakïwa; kuntix jumanakax nayar luqtanipkitäta ukanakan q'aphinakapsa janiw katuqapkämati.

Aymar Bibliia 1986

³¹ jumanacan marcanacamsti, uqhamarac kollana chekanacamsa t'unjaraquïwa; uqhamarac cuntejj jumanacajj nayaru loktanipquitäta ucanacatsti janiw juc'ampi cusiscjjaraquïti.

Qullan Arunaca

³¹ jumanacan marcanacamsti, uqhamarac kollana chekanacamsa t'unjaraquïwa; uqhamarac cuntejj jumanacajj nayaru loktanipquitäta ucanacatsti janiw juc'ampi cusiscjjaraquïti.

Levítico 26:31 Jak'a apnaqawi uñst'ayäwi

Génesis 8:21

Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.

2 Reyes 22:19

aka chiqawja uraqitaki, markachirinakapampitaki tukjat uñjasiñapa, ñanqhachatäñapa yatisin chuymam llakthaptayatam layku, llamp'ur tukutamata, isim ch'iyanuqasitamata, nayraqataxan jachatam laykuw, nayax jumar ist'araksma. Naya, Tatituw uk sisma.

2 Crónicas 36:19

Ukxarusti Diosan utap phichhantayäna, Jerusalén markan uyu pirqanakapsa tinkjayänwa, reyi utanakapsa ninampiw phichhantayäna, ukatsti taqi kunatix jila alani yänakäki ukanakxa q'al tukjayarakïna.

Nehemías 1:3

Jupanakasti sapxituwa: “Khitinakatix jaya markar apatäñat jaltapki ukanakaxa, pachpankasipkiwa, jupanakax sinti jan walt'añan jikxatasipxi, wali t'aqhisiyatäpxarakiwa. Jerusalén markan pirqanakapasti tukjatawa, punkunakapas ninamp nakhantayatarakiwa” sasa.

Nehemías 2:17

Ukat jupanakar sista: —Jumanakax askiw yatipxtaxa jiwasanakan jan walt'añan jikxatasipxatasxa, Jerusalenax sinti tukjatawa, punkunakapas nakhantatarakiwa. Jumanakasti nayamp chik mayacht'asipxam, Jerusalenan pirqanakap wasitat sayt'ayañataki, jiwasat jan juk'amp larusipxañapataki —sasa.

Nehemías 2:3

ukat reyir sista: —¡Wiñayataki reyix jakpan! ¿Kamisarak jan llakitäyästi, kawkhantix awkinakaxan janchinakapax imantatäki uka markan tukjatätapata, punkunakapas ninamp nakhantayatätapatsti? —sasa.

Isaías 1:7

Israel uraqix q'ala tukjatawa, markanakapas ninan nakhantatawa. Jumanakan uñjkataw uñisirinakamas yapuchatanakam manq'antapxi. Taqi uraqpachaw wasarar tukuyata, mä uñisir markan ejercitopaw ukham tukjawayi.

Isaías 6:11

Nayasti jiskt'araktwa: “Tatay, ¿kunapachkamarakïni ukasti?” sasa. Jupasti sarakituwa: “Kunapachatix taqpach markanakax q'ala t'unjatäkani, uka markanakas jan jaqin jikxatasipkani; utanakas jan mä jaqin uñjaskani, pampanakas ch'usa wasarar tukuyatäkani,

Isaías 63:18

Markamax mä juk'a urunakatakikiw uka qullan utamankänxa, ukampis jichhax uñisirinakaxaw uka qullan utam takisipxi.

Isaías 64:9

9 (8) Tatay, janikiy juk'ampi phiñasxamti, jucha luratanakaxatsa janikiy amtasxamti. ¡Uñtanipxitaya, nanakax markamäpxtwa!

Isaías 66:3

Ukampisa mä urqu vaca wilañcha luqtapki, jaqirus jiwayasipkaraki ukham jaqinakaw utji; mä ovejsa wilañcha luqtañatak kharinukupki, ukamp chiksti anurus jiwayasipkaraki, granonak luqtasasti, ukampi chikxa khuchhin wilapsa luqtasipki, inciensonak q'uphichasasti, k'ari diosanakarus yupaychasipkaraki. Uka jaqinakax kuntix munapki ukhampun lurapxi, ukham lurañ amtapxaraki.

Jeremías 22:5

Ukampisa, janitix aka arunakar ist'apkätaxa, aka reyi utax t'unjataw uñjasini. Naya, Tatituw uk arsta.’ ”

Jeremías 26:6

ukhamasti nayax kunjämtix Siló chiqankir templorux lurktxa, ukhamarak jichhax Jerusalenankir templorux lurä. Aka markarusti taqi akapachankir markanakatakix mä uñtaskaña ñanqhacharakï.’ ”

Jeremías 26:9

¿Kamisarak jumasti Tatitun sutipxar parläta, aka Tatitun utapax kunjämatix Siló chiqankir templox t'unjatäkän ukhamäniwa, aka Jerusalén markas t'unjatarakïniwa, jan jaqiniw qhiparani sasasti?” sasa. Ukatsti taqi jaqinakaw Jeremiasar katuntañatakix muyuntapxäna.

Jeremías 4:26

Suma uraqinakasti, jichhax ch'usa wasarar tukuyatänwa, taqi markanakasti q'ala t'unjatarakïnwa. Taqi akanaksti Tatitun jach'a phiñasiñapaw ukham luratayna.

Jeremías 4:27

Tatitux siwa: “Taqi aka uraqpachaw tukjatäni, ukampis janiw q'al tukjkarakïti.

Jeremías 4:7

Leonax niyaw putupat mistuni; markanak tukjiristi niyaw jutanti; markam t'unjiriw markapat mistuniwayi, markanakamxa, ch'usa wasara, q'ala t'unjat tukuyani.

Jeremías 44:2

“Israelan taqi ch'aman Diosapax siwa: ‘Jumanakax uñjapxtawa kuna t'aqhisiñanaktix Jerusalén markxaru, Judá uraqinkir yaqha markanakxarus apayankta taqi ukanaka. Jichhax uka markanakax q'ala aynacht'atawa, janirakiw khitis uka markanakan jakkxiti,

Jeremías 44:6

Ukatpï q'apisiñaxanxa Jerusalén markarusa, Judá uraqinkir markanakarusa q'al tukjaraktxa. Jichürkamas uka markanakax ch'usa wasarar tukutaw uñjasi.

Jeremías 52:13

ukatsti Tatitun utap ninampiw phichhantäna, reyin utapsa, markan utjir taqi utanaksa; nayraqatax jach'a jilïr jaqinakan utanakap q'al phichhantäna.

Jeremías 9:11

11 (10) “Jerusalén markarux qala chhaxwaruw tukuyä; qamaqinakan putunakaparuw tukuyarakï; Judá uraqinkir markanakarusti mä ch'usa wasararuw tukuyä; jan jaqiniw qhiparxapxani.”

Lamentaciones 1:1

¡Walja jaqinakan markax kunja sapakis uñjasxi! ¡Markanakan jilïripa markax mä ijma warmir uñtatakïxiwa! ¡Uñtkañ suma markaxa ch'ama irnaqañanakamp t'aqhisiyataw uñjasxi!

Lamentaciones 1:10

Uñisirinakaw Jerusalén markan suma yänakap katuntasxi. Markasti, Diosar jan uñt'ir jaqinakan Tatitun utapar ch'amampi mantir uñjaraki, ¡kawkïr jaqinakarutix jumax: “Janiw nayan utaxar mantapxätati” siskta ukanakaw mantapxi!

Lamentaciones 2:6

Qullana utapsti, mä lunthatjamaw t'unjawayi; tantachasiñäki uka chiqsa q'al t'unjawayi. Tatitux Jerusalén markanxa, sábado urunakatsa, phunchhäwi urunakatsa armasiyistuwa. Aqkir phiñasiñapansti, sacerdoterusa, reyirusa apanukuwa.

Lamentaciones 2:7

Tatitux altarap apanukuwa, qullan utapsa jisk'achjarakiwa; markar jark'ir jach'a pirqanaksa uñisirinakan amparaparuw katxaruyi. ¡Tatitun utapansti mä phunchhäwi urükaspas ukhamaw jaqinakan arnaqasitapax ist'asi!

Ezequiel 12:20

Jaqinakan phuqt'ata markanakax q'ala t'unjatäniwa; aka markasti ch'usa wasarar tukuyatarakïniwa. Ukapachaw jumanakax yatipxäta, nayan Tatitütaxa’ ” sasa.

Ezequiel 21:15

15 (20) Taqi utanakaparuw uka jiwarayir espada uskurakta; lliju llijunak sarayañataki, suma llijkir tukuyat espadawa, jiwarayañatak ariptayat espadawa.

Ezequiel 21:7

7 (12) Ukattix jumaru jiskt'apxätam ¿kunatsa jachta sasaxa? Jupanakarux sarakim: Mä jan wali lurasïwin puriniñap yatta, taqi jaqinakasti jan ch'amanjamaw uñjasipxani, jan kunsa lurirjama, taqpachanin chuymapax llakthaptani; taqinis axsarañat khathatipxani. Ukasti niyaw purisinki, phuqhasiñapasti niya jak'ankxiwa, sasa. Naya, Tatituw uk arsta.”

Ezequiel 24:21

‘Israel markar parlam: Tatitux akham siwa: Nayasti qullan utaxa q'al tukjä, kawkïrtix wal munapkta, muspharañampi uñch'ukt'apxarakta, uka utaxat jach'a jach'as tukupkarakta uka uta; Jerusalén markar jaytanipkta uka yuqall wawanakamasa, imill wawanakamasa jiwarayatäpxaniwa.

Ezequiel 6:6

Kawkhanakantix jumanakax jakapkta ukawjanakan markanakamax t'unjata uñjasini, diosanakar yupaychañ altaranakamasa q'ala t'unjatäniwa. Altaranakamax q'ala t'unjatapunïniwa, diosanakamas jisk'a jisk'a tukjatäniwa; incienso luqtasiñ altaranakamas pampa tukuyatäniwa, taqi kuntix jumanakax lurapkta ukanakasti q'ala chhaqtayatäniwa.

Daniel (hebreo) 2:46

Uk ist'asasti, Nabucodonosor reyix Danielan nayraqataparuw killt'asïna, p'iqipsa uraqkamaw alt'äna, ukatsti wilañchanaka, inciensonak jupar luqtayañatakiw arsurakïna.

Amós 7:9

Isaacan utjir yaqha diosanakapar yupaychañ altaranakapas tukjatäniwa, Israel markan yupaychañ utanakapas laqayar tukuyatarakïniwa. ¡Nayasti Jeroboaman utapar tukjañatakiw sartä!

Miqueas 3:12

Jumanakan juchanakam laykuw Tatitun Jerusalén markapax q'ala tukjata uñjasini, mayjaru willthapitarakïniwa, kawkhankkitix Tatitun utapax uka qullus quran qurantataw uñjasini.

Sofonías 3:6

Tatitux siwa: “Nayax markanakap t'unjta, pirqanakapan utjir jach'a pukaranakapsa q'al tinkurayta, markan thakhinakapsa jan mä jaqini ch'usa tukuyarakta. ¡Uka ch'usa markanakanxa janirakiw mä jaqis sartkxiti!

Lucas 21:24

Yaqhipanakax nuwasïwin jiwarayatäpxaniwa, mayninakarusti yaqha markanakaruw katuntat apayapxani; Jerusalén markasti yaqha markat jutirinakan t'unjatäniwa, uka jaqinakan markar apnaqañapax tukuskani ukapachkama.

Hechos 6:14

Ukxarusti Nazaretankir Jesusat akham parlir ist'apxta: Jupax Tatitun utap t'unjani, ukatsti Moisesan jaytat saranaksa mayjt'ayarakiniwa —sasa.

Hebreos 10:26

Kunatix chiqäki uk yatkasin juchachasiskakiñän ukax, janiw juchanakasat wilañcha luqtañax wakiskxiti,