Levítico 26:22 - Qullan Arunaka DC

²² Jumanakxarusti qullunkir qhuru animalanak antutanï, ukanakasti wawanakamsa, uywanakamsa q'al manq'antapxani, ukat jilt'irinakasti juk'akïxapxaniwa, thakhinakamas ch'usa wasarar tukutäniwa.

Aymar Bibliia 1986

²² Jumanacjjarusti montenquiri khoru animalanac antutanëjja, ucanacasti jumanacarojj jan wawani antutapjjätam, uywanacamsa jisc'a jisc'a tucjapjjaraquini, jumanacarus juc'aruw tucjapjjaraquïtam, janiraquiw qhitis jumanacan thaquinacamanjja sarnakcjjapjjaniti.

Qullan Arunaca

²² Jumanacjjarusti montenquiri khoru animalanac antutanëjja, ucanacasti jumanacarojj jan wawani antutapjjätam, uywanacamsa jisc'a jisc'a tucjapjjaraquini, jumanacarus juc'aruw tucjapjjaraquïtam, janiraquiw qhitis jumanacan thaquinacamanjja sarnakcjjapjjaniti.

Levítico 26:22 Jak'a apnaqawi uñst'ayäwi

2 Reyes 17:25

Ukampis uka jaqinakax janiw Tatitur yupaychapkänti, ukat kunapachatix jupanakax utjnuqtapkän ukkhaxa, Tatitux leonanak apayanïna, uka leonanakasti jupanakat yaqhipanakarux manq'antänwa.

2 Reyes 2:24

Eliseosti kutikipstasin jupanakar uñkatäna, ukatsti Tatitun sutipxaruw jupanakar ñanqhachäna. Ukspachaw pä jukumarix ch'umit mistunïna, ukatsti jupanakat pusi tunka payaniruw jisk'a jisk'a tukjäna.

2 Crónicas 15:5

Khä urunakansti janiw sumankañax khititakis utjkänti, jan ukasti, taqi markanakan jakirinakatakix jan walt'añakiw utjäna.

Isaías 24:6

Taqiniw juchañjasipxi; ukat aka uraqix ñanqhachat uñjasi. Juk'anikiw jakañan qhiparapxi, markasti mä ch'usa wasarar tukutawa.

Isaías 33:8

Thakhinakax ch'usa wasarar tukutawa, janirakiw khitis uka chiqa sarnaqkiti. Arust'äwinakasa, amtäwinakas t'unasiwa, janirakiw khititakis yäqañax utjkxiti.

Jeremías 15:3

“Naya, Tatituw uk arsta: Jichhax pusi mutuyäwinak apayanipxäma: Nuwasïwin jiwarapxäta, anunakaw qatatnaqapxätam, siwiq'aranakaw manq'apxätam, ch'uminkir animalanakaw manq'apxarakïtam.

Jeremías 42:2

Jeremías profetaru jak'achasisin sapxarakïna: —May jumar mayiñ munapxsma, janikiy janiw sapxistati. Tatitu Diosamaruy nanak juk'a jaqinaka qhiparapkta ukanakatak mayirapipxita, nayrax waljanïpxäyätwa, uñjasktawa, jichhasti juk'anikïxapxtwa.

Lamentaciones 1:4

¡Jerusalén markan thakhinakapax llakiskayawa! ¡Janiw khitis phunchhäwinakar kusisir jutirix utjkxiti! Markan punkunakapasti ch'usa wasarar tukutawa; sacerdotenakax wal jachapxi, tawaqunakas wal llakisipxi, Jerusalén markax walpun t'aqhisi.

Ezequiel 14:15

“Nayatix mä markar monte animalanak khitirista, uka markan utjir jaqinakar jiwarayapxañapataki, uka marka ch'usa wasarar tukuyapxañapataki, ukhamat monte animalanakar axsarasax uka chiqa jan khitis sarakipañapataki,

Ezequiel 14:21

“Naya, Tatitux saraktwa: Kunakïkani nayax Jerusalén markxar pusi jach'a axsarkañ mutuyäwi apayankä ukkhaxa: nuwasiñanaka, mach'anaka, axsarkañ laq'unaka, kunayman usunaka, jaqinakarusa, uywanakarus q'al jiwaraykä ukapachaxa.

Ezequiel 33:28

Aka uraqirusti ch'usa wasara, q'ala tukjat tukuyä, ch'amapampi, wali jach'a jach'a tukutapampsti tukjarakïwa. Israel markan qullunakapasti ch'usa wasararuw tukuni, janirakiw khitis uka chiqa sarakipkxaniti.

Ezequiel 5:17

Jïsa, nayaw jumanakxarux mach'ampi, usunakampi, jiwañampi apayanï, monte animalanakaw wawanakamarux q'al manq'arani. Jumanakatsti, waljaniruw nuwasïwinakan jiwarayarakï. Naya, Tatituw uk arsta” sasa.

Levítico 26:6

Jumanakarux uka uraqin samarañ churapxäma, ukatsti jan kuna llakinikiw ikt'apxäta, nayaw jumanakan markamat monte animalanaksa, nuwasiñanakatsa jark'askä.

Miqueas 3:12

Jumanakan juchanakam laykuw Tatitun Jerusalén markapax q'ala tukjata uñjasini, mayjaru willthapitarakïniwa, kawkhankkitix Tatitun utapax uka qullus quran qurantataw uñjasini.

Zacarías 7:14

Ukatpï nayax mä jach'a tutuka thayampjam jupanakar uksar aksar apanuktxa, jan uñt'apkäna uka markanak taypiru, uka qhipatsti uraqipax mä ch'usa wasarar tukutaw qhiparxäna, ukansti janiw khitis jakirjamäkxänti. ¡Jupanakan juchanakap laykuw ukkha suma markax q'ala tukjata, laqayaki qhiparäna!”

Deuteronomio 32:24

Manq'atjamaw jiwarapxani, phuthuti usumpiw jiwarapxani; mä jach'a usuw jupanakar tukjani; jupanakxarux monte animalanak khithanï, jiwayir mich'ini katarinak khithanirakï.

Jueces 5:6

Anat chachan Samgar yuqapan urunakapana, Jael warmin urunakapana, saririnakax thakhinak jaytanukupxäna, jan sartkay thakhinakan sarnaqapxäna;