Levítico 25:9 - Qullan Arunaka DC

⁹ uka marana paqallqu phaxsina tunka uru saraqatarusti, uka urux juchanakat pampachatäñ jikxatañ uruwa, ukapachaw jumanakax mä pututu phust'as taqi uka markpachar ist'ayapxäta.

Aymar Bibliia 1986

⁹ uca marana pakallko phajjsi sarakjjepansti, uca phajjsina tunca uru sarakatarusti, cunürutejj juchanacat pampachatäña jicjjataña urüqui ucapachasti jumanacajj mä pututu phust'apjjäta take aca marcpachana.

Qullan Arunaca

⁹ uca marana pakallko phajjsi sarakjjepansti, uca phajjsina tunca uru sarakatarusti, cunürutejj juchanacat pampachatäña jicjjataña urüqui ucapachasti jumanacajj mä pututu phust'apjjäta take aca marcpachana.

Levítico 25:9 Jak'a apnaqawi uñst'ayäwi

Salmos 89:15

15 (16) Tatay, jumar kusisiñampi yupaychir markax kusisiñaniwa, qhanamamp qhant'ayat sarnaqir markax kusisiñaniwa,

Salmos 89:16

16 (17) juman sutim laykuw sapür kusisiñanïpxi, juman aski kankañam laykuw kusisipxi.

Isaías 27:13

Uka urunsti mä jach'a trompetaw phust'asini, khitinakatix Asiria markan katuntatäpkän ukanakaxa, Egiptor apayatäpkäna ukanakasa, Tatitur yupaychiriw Jerusalén qullana markar jutapxani.

Levítico 16:20

“Kunapachatix Aaronax uka qullan chiqa, Tatitump Jikisiñ Carpa, ukhamarak altarsa q'umachxani ukkhasti, jakaski uka cabritoruw aptayanini,

Levítico 16:29

“Aka kamachinakasti jumanakatakix wiñayatakïniwa: paqallqüri phaxsina tunka uru saraqatarusti jumanakax ayunapxätawa, uka urusti janiw kunsa lurapxätati, taqi israelita jaqinaka, jaya markat jutasin jumanak taypin jakir jaqinakasa,

Levítico 16:30

ukürurakiw jumanakax Tatitun nayraqatapan juchanakamat pampachatäñ jikxatapxäta, taqi jucha luratanakamatsa q'umachataw uñjasxapxarakïta.

Levítico 23:24

israelitanakar akham sañapataki: “Paqallqüri phaxsina nayrïr uru saraqatarux jumanakax samarañ uru uruyapxäta, ukatsti suma qullan tantachasïwi lurapxarakïta trompetanak phust'asa.

Levítico 23:27

“Uka pachpa paqallqüri phaxsina tunka uru saraqatarusti, uka urux juchat pampachatäñ urüniwa. Uka urusti jumanakax mä suma qullan tantachasïwi lurapxäta, ukhamarak ayuno lurapxäta, Tatitutakisti mä waxt'a nakt'ayasina luqtapxarakïta.

Levítico 25:8

“Jumanakasti paqallqu kutiw paqallqu mara jakt'apxäta, ukhamat uka paqallqu maran pusi tunka llätunkan mara jakt'asiñapataki,

Levítico 27:17

Uka jaqitix qhispiyasiñ maran uraqip churani ukasti, alapax qawqha satäkitix ukax phuqhasiñapapunïniwa,

Levítico 27:24

Qhispiyasiñ maransti, khititix chiqpach uraqinïkasin uraqip aljkatayna uka pachpa jaqir churatäxaniwa.

Números 10:10

Kusisiñ urunakansa trompetanak phust'apxarakïta, uruyañ urunakansa, machaq phaxsi urunakansa, kunapachatix nakt'ayat luqtäwinaka, sumankañ wilañchanak luqtasipkäta ukapachasa. Ukhamat nayax jumanakat amtasipxäma. Nayaw jumanakan Tatit Diosamätxa.”

Números 36:4

Israelan qhispiyasiñ mara uruyäwix purinkan ukkhasti, uka uraqinakapax wiñayatakiw uka yaqha ayllutakïxani, nanakan aylluxasti wakt'ki uka uraqit jisk'a uraqinikïxaniwa —sasa.

Romanos 10:18

Ukampis nayax jiskt'araktwa: “¿Janit yatiyäwi arunak ist'apkpachasti?” sasa. ¡Kamisarak jan ist'apxanisti! Qillqatasti siwa: “Jupanakan arsutapax uraqpachan ist'asi, arunakapasti uraq tukuskamaw yatisi” sasa.

Romanos 15:19

jach'a ch'aman unañchäwinak tuqi, muspharkañ luräwinakap tuqi, Diosan Qullan Ajayun ch'amap tuqiraki. Ukhamat Criston suma yatiyäwi arunakap arsuñ phuqta, Jerusalenat qalltasa Iliria chiqanakkama.

1 Tesalonicenses 1:8

Jumanakat qalltasaw Tatitun yatiyäwipax taqi chiqar puri, janiw Macedonia, Acaya uka chiqanakarukiti, jan ukasti taqi chiqanakaruw puri, Tatitur iyawsapxatamat yatisiwa, ukhamïpansti janiw nanakan kun arsuñanakaxas wakiskxiti.

Josué 6:4

Paqallqu sacerdotenakaw Tatitun arust'äwi arcap nayräxa sarani, sapa maynis oveja waxrat lurat trompeta apt'atkama, paqallqüri urux paqallq kutiw marka muytapxäta, ukchañkamasti sacerdotenakax trompetanak phust'apxani.