Levítico 25:6 - Qullan Arunaka DC

⁶ Kunatix uka samarañ maran uka uraqin jupapachpa achkani ukax jumanakana, uywatanakamana, luqtirinakamana, jumanak taypin jakapki uka yaqha markat jutirinakan manq'apxañapatakïniwa;

Aymar Bibliia 1986

⁶ Cuntejj orakejj jan yapuchatäcasina achcani, uca samaraña maranacapanjja, ucasti jumanacan mank'añataquïniwa, uywatanacamana, sirvirinacamana, uqhamarac cawquïri jakenacatejj jaya marcat jutasin jumanac taypin jacapcani ucanacataquiraquïniwa;

Qullan Arunaca

⁶ Cuntejj orakejj jan yapuchatäcasina achcani, uca samaraña maranacapanjja, ucasti jumanacan mank'añataquïniwa, uywatanacamana, sirvirinacamana, uqhamarac cawquïri jakenacatejj jaya marcat jutasin jumanac taypin jacapcani ucanacataquiraquïniwa;

Levítico 25:6 Jak'a apnaqawi uñst'ayäwi

2 Reyes 19:29

Isaiasasti Ezequiasarux sänwa: “Jutir urunakan utjkani ukanakxat akäniw mä unañchäwixa: Aka marasa, jutir marasa jumanakax jupa pachpa achuri trigot manq'apxäta, kimsïr maransti yapuchxapxätawa, apthapipxarakïtawa, uva alinak ayrupxäta, achunakapat manq'apxarakïta.

Éxodo 23:11

Ukampis paqallqüri maranxa janiw yapuchkätati, uraq samarayätawa, ukhamat markamankir jan utjirin jaqinakasa, pampa animalanakas yapun jilt'ki ukanak manq'asiñapataki. Uka pachparak luräta uva yapunakamampi, olivo quqanakampi.

Levítico 25:20

“Inas jumanakax sapxarakchïta: ‘¿Ukhamasti kunarak manq'añänisti uka paqallqu mara purinin ukkhasti, jan yapuchkañäni, janirak achunaksa apthapkañäni ukkhasti?’ sasa.

Levítico 25:21

Nayaw jumanakarux suxtïri maräki ukkhax walja achunak apayasinipkäma, uka achunakasti kimsa maratakix jilarkiriw apthapisini;

Levítico 25:5

Qhipa trigo achunak apthapitat jupapachpa külltanir trigo jan yawthapipxamti, jan khuchhurat uva alinakan uvanakapsa janirak apthapipxamti, uraqix marpach samarañapapuniwa.

Levítico 25:7

ukhamarak uywanakamatakisa, qullunkir animalanakatakis manq'añax utjaskani. Kunatix uraqin achkani ukax taqinin manq'añapatakïniwa.

Hechos 2:44

Jesusar iyawsirinakax mä wawakiw jakapxäna, taqi yänakapas taqininkarakïnwa.

Hechos 4:32

Diosar iyawsirinakax waljanïnwa, jupanakasti mä chuymakïpxänwa, mä amtañanikïpxarakïnwa. Utjir yänakapax taqininkänwa, ukanakat janiw khitis: “Nayankituwa” siskänti.