Levítico 25:10 - Qullan Arunaka DC

¹⁰ Phisqa tunka mara purinxipansti jumanakax uka mararux qullan mara sasaw sapxäta; uka marasti qhispiyasiñ maräniwa, uka maranarak markpachan taqinitak qhispiyasiñ utjatap yatiyapxäta. Uka maransti khitinakatix uraqinakap apt'asipkäna ukanakax uraqinakap tumpasxapxani, t'aqhisiyat jakirinakasti wila masipan ukaruw kutt'xapxani.

Aymar Bibliia 1986

¹⁰ Pheska tunca mara purinjjepansti jumanacajj uca mararojj mä khespiyasiñ maratwa catokapjjäta; uca marasti khespiyasiña maräniwa, uca marasti take marcpachana takenitaqui khespiyatäñajja utjatapwa yatiyapjjäta. Uca marasti take jakewa utaparu cutt'jjani familiapan ucaru, uqhamarac orakenacapsa tumpasjjaraquini.

Qullan Arunaca

¹⁰ Pheska tunca mara purinjjepansti jumanacajj uca mararojj mä khespiyasiñ maratwa catokapjjäta; uca marasti khespiyasiña maräniwa, uca marasti take marcpachana takenitaqui khespiyatäñajja utjatapwa yatiyapjjäta. Uca marasti take jakewa utaparu cutt'jjani familiapan ucaru, uqhamarac orakenacapsa tumpasjjaraquini.

Levítico 25:10 Jak'a apnaqawi uñst'ayäwi

Esdras 1:3

Ukhamïpansti, jumanak taypin khitinakatix Tatitun markapankirïpkta ukanakaruxa, Dios yanappan, Judá uraqinkir Jerusalén markar Tatitun utap lurir sarxpan, Israel markan Tatitupawa, Jerusalén markan jakaraki.

Salmos 146:7

T'aqhisiyat jaqinakaruw chiqapar uñji, manq'at awtjatanakaruw manq'añ churaraki. Tatituw katuntat jaqinakarux antutnukuyi;

Éxodo 20:2

“Nayaw juman Tatit Diosamätxa, nayaw Egipto uraqit irpsunsma, t'aqhisiyat jikxataskäyät uka markata.

Isaías 49:9

katuntatanakarus sapxañamataki: ‘Jichhax antutatäxapxtawa’ sasa, ch'amakankirinakarusti: ‘Qhanar mistunxapxam’ sañataki. Taqi thakhi chiqanakansti walja chhuxllanak jikxatapxäta, kawki wasara qullunakansa uywanakamatakix chhuxlla jikxatapxakïtawa.

Isaías 63:4

Kutsuyasiñ uru wakichkta uka urux niya wakt'ayatäxiwa; markaxar qhispiyañ urus purinxarakiwa.

Jeremías 34:10

Taqi jilïrinakasa, taqi jaqinakasa uka arust'äwirux walikiw sapxänwa, ukatsti t'aqhisiyatanakaparux antutnukxapxänwa, janirakiw maynis t'aqhisiyatäñataki qhiparkxänti.

Jeremías 34:8

Tatitux wasitat Jeremiasar parlxayäna, kunapachatix Sedequías reyix t'aqhisiyatanakar antutxañatak mä arust'äwi Jerusalén markan jakir taqi jaqinakampi lurkäna uka qhipata.

Ezequiel 46:17

Ukampis marka apnaqiritix uraqipata mä t'aqa uraqi mayni uywataparu churani ukaxa, uka uraqix qhispiñ maran puriniñapkamakiw jupankani, uka qhipatsti wasitat marka apnaqirir kuttayatäxani, ukatsti marka apnaqirin wawanakapar waxt'atäxaniwa.

Levítico 25:11

Uka phisqa tunka marasti jumanakatakix qhispiyasiñ maräniwa, uka marasti janiw jumanakax yapuchapkätati, jupapacha achuri trigsa janiw yawthapipkätati, janirakiw uva yapuman achunakapsa apthapipkätati,

Levítico 25:13

“Uka qhispiyasiñ maransti jumanakax taqiniw uraqinakam tumpasxapxäta.

Levítico 25:41

ukatsti qhispitaw jupasa, wawanakapasa uñjasxani, kawkhankkitix wila masinakapax ukkharuw pachpa uraqipar kuttawayxani,

Levítico 25:54

“Uka maranakantix uka jaqix jan kutsuyatäkani ukkhasti, kunapachatix qhispiyasiñ marax purinkani ukapachaw wawanakapampach qhispitäxani,

Lucas 1:74

uñisirinakasat qhispiyañataki, ukhamat jan axsaras jupar luqtañataki

2 Corintios 3:17

Tatitusti Ajayuwa; kawkhankkitix Tatitun Ajayupaxa, ukkhanxa qhispiyat sarnaqasiñaw utji.

Gálatas 4:25

Agar warmix Arabia uraqinkir Sinaí qullumpi sasiwa, ukax jichhürun Jerusalén markawa, wawanakapamp chika kamachin t'aqhisiyat jakapxatap layku.

Gálatas 5:13

Jilatanaka, Tatitux jumanakar qhispiyat sarnaqasiñaruw jawsapxtam; jumanakasti jan uka qhispiyat sarnaqasiñ tumpanix janchin munañaparjam sarnaqapxamti, jan ukasti, munasiñ laykuy maynit maynikam yanapt'asipxam.

1 Pedro 2:16

Qhispiyat jaqinakjam sarnaqasipxam, ukampis uka qhispiyat sarnaqañ tumpampix janirak jan walinak lurapxamti, jan ukasti Diosan iyawsirinakapjam sarnaqapxam.