Levítico 23:4 - Qullan Arunaka DC

⁴ “Tatitur yupaychasa qullan tantachasïwinak lurapxañamataki uka urunakax akïrinakawa.

Aymar Bibliia 1986

⁴ “Acanacaraquiwa kollana urunacajja uqhamat Tatituru yupaychasa kollana tantachasïwinac lurapjjañamataqui, uca urunacaw jumanacajj tantacht'asipjjaraquïta.

Qullan Arunaca

⁴ “Acanacaraquiwa kollana urunacajja uqhamat Tatituru yupaychasa kollana tantachasïwinac lurapjjañamataqui, uca urunacaw jumanacajj tantacht'asipjjaraquïta.

Levítico 23:4 Jak'a apnaqawi uñst'ayäwi

Nehemías 8:15

Ukatsti yatiyasirakïnwa taqi markanakaru, Jerusalenampiru, jaqinakan qullurkam mistusin olivo layminaka, arrayán layminaka, palmera layminaka, jan ukax walja laphinakani yaqha quqanaksa thaqanipxañapataki, ukanakampi chhujllanaka lurañataki, kunjämatix kamachin qillqatäki ukhamarjam phuqhasa.

Éxodo 12:14

Aka urux jumanakatak amtasiñ urüniwa, Tatitur jach'añchasaw uruyapxäta. Wiñay kamachïkaspas ukham wawanakamana, wawanakapaw amtasipxäta.

Éxodo 23:14

“Nayar jach'añchañatakisti maran kimsa kutiw uruyañ uru luräta.

Isaías 29:1

¡Ay Jerusalén, Davidan markapa! Phunchhäwinakam lurasipkakim sapa maras lurasipkakim,

Ezequiel 44:24

Ch'axwanakansti jupanakaw taripirit sayt'apxani, ch'axwañanaksti nayan kamachinakaxarjamaw uñjapxani. Phunchhäwinak tuqitsti, taqi kamachinakaxa, yatichäwinakax phuqhapxani, nayan samarañ sábado urunakaxsti qullan urunakäkaspas ukham wali axsart'añampi uñjapxani.

Levítico 23:2

“Israelitanakar akham sarakim: Akïr urunakaw Tatitutak sat yaqhachat urunakaxa, jumanakasti uka urunakan qullana tantachasïwinak lurasa tantacht'asipxäta.

Levítico 23:21

“Uka urusti jumanakax mä suma qullan tantachasïwi nayatakix lurapxäta, janirakiw uka urux kunanaksa irnaqapxätati. Kawkhansay jakasipkam, aka kamachisti jumanakatakisa, wawanakamatakis wiñayatakipunïniwa.

Levítico 23:37

“Taqi uka urunakax Tatitutak satawa, jumanakasti uka urunakan mä suma qullana tantachasïwinak lurapxäta, Tatituruw waxt'anak nakt'ayasin luqtapxarakïta, granonakata, wilañchanaka, vinota waxt'anaka; kunjämarutix sapa uru wakiskani ukhamarjamaw churapxäta,

Nahúm 1:15

15 (1) ¡Judá markankir jaqinaka, uñtapxam! Suman sarnaqasiñ yatiyäwinak apanirix niyaw qullunjam jutaski. Phunchhäwi urunak lurapxam; arsutanakamsti phuqhapxarakim. Qhuru jaqinakasti janiw juk'ampi jumar nuwirix jutkxapxaniti; q'ala t'unjatäxapxiwa.