Levítico 23:39 - Qullan Arunaka DC

³⁹ “Uka paqallqüri phaxsina, tunka phisqani uru saraqatarusti, kunapachatix jumanakax achunak apthapisxapxäta ukkhasti, Tatitutakiw jumanakax paqallqu uru mä phunchhäwi lurapxäta, qallta urunsa, ukhamarak kimsaqallqu uru purinipansa samart'asa.

Aymar Bibliia 1986

³⁹ “Uca pakallko phajjsi sarakatarusti, tunca pheskani uru purinipansti, cunapachatejj jumanacajj cosechanacama apthapisjjapjjäta ucapachasti jumanacajj mä fiesta lurapjjäta pakallko urunaca, Tatitutaquiw uca fiesta lurapjjaraquïta. Ucapachasti kallta uruw samarapjjäta, uqhamarac quimsakallko uru purinipansa samarapjjaraquïtawa.

Qullan Arunaca

³⁹ “Uca pakallko phajjsi sarakatarusti, tunca pheskani uru purinipansti, cunapachatejj jumanacajj cosechanacama apthapisjjapjjäta ucapachasti jumanacajj mä fiesta lurapjjäta pakallko urunaca, Tatitutaquiw uca fiesta lurapjjaraquïta. Ucapachasti kallta uruw samarapjjäta, uqhamarac quimsakallko uru purinipansa samarapjjaraquïtawa.

Levítico 23:39 Jak'a apnaqawi uñst'ayäwi

Éxodo 23:16

“Yapu apthapiñ uru uruyäta, yapunakamat nayrïr achunak apthapkät ukapacha. Ukxarusti mara tukusiruw uruyarakïta, jumax yapunakam taqpach apthapiñ tukuykät ukapacha.

Levítico 23:24

israelitanakar akham sañapataki: “Paqallqüri phaxsina nayrïr uru saraqatarux jumanakax samarañ uru uruyapxäta, ukatsti suma qullan tantachasïwi lurapxarakïta trompetanak phust'asa.

Levítico 23:34

israelitanakar akham sañapataki: “Uka pachpa paqallqüri phaxsina, tunka phisqani uru saraqatarusti, paqallqu uruw Tatitut amtasiñatak Chhujllanakan phunchhäwip lurapxäta,

Levítico 23:36

Uka paqallqu urunakasti nakt'at luqtäwinak Tatitur churapxäta, kimsaqallqu urunsti mä suma qullana tantachasïwi lurapxäta, Tatiturusti mä waxt'a luqtapxarakïta. Uka urux qullan phunchhäwi uruwa, janipuniw uka urunxa kuna irnaqäwinakamsa lurapxätati.

Levítico 23:38

jumanakasti uka churäwinakxa, kuntix sábado urun Tatitur churapxirïkta, ukhamarak chuymanakamatsa luqtapxirïkta ukanakat sipan yaqpun luqtapxäta.

Levítico 23:40

Qallta urusti kawkïri achunakatix quqanakan sumäkani ukanak apaqapxäta, palmeranakata, wali ch'uxñantat quqanakata, jawirankki uka saucenakat layminak apaqapxäta, ukatsti paqallqu urunakaw Tatit Diosaman nayraqatapan kusisipxäta.

Deuteronomio 16:13

“Kunapachatix trigo apthapiñ tukuyxapxäta, uvanak ch'irwsuñsa tukuyxapxarakïta ukkhaxa, paqallqu uruw Chhujllanaka lurañ sat amtasin uruyapxäta.