Levítico 23:34 - Qullan Arunaka DC

³⁴ israelitanakar akham sañapataki: “Uka pachpa paqallqüri phaxsina, tunka phisqani uru saraqatarusti, paqallqu uruw Tatitut amtasiñatak Chhujllanakan phunchhäwip lurapxäta,

Aymar Bibliia 1986

³⁴ “Israelitanacarusti aqham saraquim: Uca pachpa pakallko phajjsi sarakatarusti, uca phajjsina tunca pheskani urunaca sarakatarojja, pakallko urunacaw mä fiesta lurapjjäta, ucasti chhujllanacan fiestapa sataraquïniwa, Tatitut amtasiñataqui.

Qullan Arunaca

³⁴ “Israelitanacarusti aqham saraquim: Uca pachpa pakallko phajjsi sarakatarusti, uca phajjsina tunca pheskani urunaca sarakatarojja, pakallko urunacaw mä fiesta lurapjjäta, ucasti chhujllanacan fiestapa sataraquïniwa, Tatitut amtasiñataqui.

Levítico 23:34 Jak'a apnaqawi uñst'ayäwi

1 Reyes 12:32

Ukhamarus uruyañ uru uñstayarakïna, kimsaqallqüri phaxsina, tunka phisqani uru saraqataru, kunjämatix Judá uraqin uruyañ urux lurañäki ukhama, ukatsti jupa pachpaw wilañchanak altarxan luqtäna. Uksti Betel markan luräna, quri vaca qallunaka luraykatayna ukanakar wilañchanak luqtasina, yupaychañ utanak luraykatayna ukanakatak sacerdotenak utt'ayasina.

1 Reyes 8:2

Ukatsti, Etanim sat paqallqür phaxsina, phunchhäwi jach'a urun israelitanakax Salomón reyimpi taqpachan tantachasipxäna.

1 Reyes 8:65

Uka urusti, Salomonax taqpach Israel jaqinakamp chikaw Chhujllanak lurañ uru uruyäna, Tatit Diosar jach'añchasa, ukasti paqallq urünwa. Jaqix waljapunïnwa, israelitanakax taqi chiqat jutapxatayna, Hamat chiqata, Egipto jawiratpacha. Uka qhipatsti yaqha paqallq urumpi uruyapxarakïna; taqpachasti tunka pusin uruw uruyapxäna.

Esdras 3:4

Ukatsti, Chhujllanak lurañ phunchhäwi uruyapxäna, kunjämatix kamachin qillqatäkäna ukarjama, sapüruw waxt'äwinak qawqhatix wakt'käna ukhamarjam churapxäna,

Nehemías 8:14

ukatsti jupanakax uka kamachi qillqatan jikxatapxäna kuntix Tatitux Moisés tuqi lurañatak arskatayna uka qillqata, israelitanakax paqallqüri phaxsina, phunchhäwi urunakan chhujlla manqhin jakapxañapäki ukxata.

Éxodo 23:16

“Yapu apthapiñ uru uruyäta, yapunakamat nayrïr achunak apthapkät ukapacha. Ukxarusti mara tukusiruw uruyarakïta, jumax yapunakam taqpach apthapiñ tukuykät ukapacha.

Éxodo 34:22

“Semananaka sata phunchhäwi uruyapxäta, trigon nayrïr achunakap apthapkasina, ukhamarak mara tukusi juyra apthapkasina.

Ezequiel 45:25

“Paqallqür phaxsina, tunka phisqan uru saraqataruw Chhujllanaka uruyañ urux lurasini. Uka paqallqu uru kusisiñ urunakansti, marka apnaqirix jucha luratanakat pachpa waxt'anak luqtani, nayrïr luqtäwin qawqha uywanaktix Tatitur wilañcha luqtkäna, granonakatsa, aceitetsa qawqhtix churkän ukkharakik churani.

Levítico 23:33

Tatitux Moisesaruw mayïna

Levítico 23:42

Uka paqallqu urunakanxa jumanaka israelitanakax chhujllanakan jakapxäta,

Levítico 23:43

ukhamat taqi wawanakamax yatipxani kunapachatix israelitanakar Egiptot irpsunkäyäta ukapachax nayax chhujllanakan jupanakar jakayäyäta. Nayätwa jumanakan Tatit Diosamaxa.”

Números 29:12

“Paqallqür phaxsina, tunka phisqan uru saraqatarusti, jumanakax qullan tantachasïwi lurapxäta. Uka urux janiw kunanaksa irnaqapxätati. Paqallqu uruw Tatitun jach'a kankañapar jach'añchasa uruyapxäta.

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Juan 7:2

Judionakan Chhujllanaka, sata kusisiñ uru jak'ankipansti,

Deuteronomio 16:16

“Taqi chachaw Tatit Diosam nayraqatan maran kimsa kuti uñstani, kawkha chiqtix jupax ajlliskani uka chiqana, aka urunak uruyañataki: Jan Levaduran T'ant'a manq'añ uruyañ uruna, Semananaka sat uruyañ uruna, ukhamarak Chhujllanakan sat uruyañ uruna. Jupanakasti janiw Tatitun nayraqatapar ch'usa amparaki uñstkaniti,

Deuteronomio 31:10

Ukatsti jupanakarux sarakïnwa: “Sapa paqallq maraw manunakat pampachañ marax uruyatäni.

Hebreos 11:13

Taqi uka jaqinakax kuntix Diosax churañatak arsuwaykän uk jan katuqasaw jiwarapxäna; ukampis iyawsañanïpxatap laykux jayatak uñtapxäna, aruntapxarakïna, ukhamat akapachan mä juk'a pacha sarir jaqinakäpxatap yatisipxäna.

Hebreos 11:9

iyawsañap utjatap laykuw yaqha markankir jaqjam jakasïna, Diosax kawkïr uraqtix jupar churañatak arskän uka uraqina. Jupax chhujllu utanakan jakasïna, ukhamarak Isaac, Jacob chachanakasa, jupanakasti, Diosax jupanakar churañatak arskäna uka uraq katuqapxarakïna.