Levítico 23:27 - Qullan Arunaka DC

²⁷ “Uka pachpa paqallqüri phaxsina tunka uru saraqatarusti, uka urux juchat pampachatäñ urüniwa. Uka urusti jumanakax mä suma qullan tantachasïwi lurapxäta, ukhamarak ayuno lurapxäta, Tatitutakisti mä waxt'a nakt'ayasina luqtapxarakïta.

Aymar Bibliia 1986

²⁷ “Uca pachpa pakallko phajjsi sarakatansti, tunca uru sarakatarojja, jumanacajj mä suma kollana tantachasïwi lurapjjäta, uca urusti ayuno lurapjjäta, uqhamarac Tatitutaquisti mä ofrenda nact'ayasina sacrificiot loktapjjaraquïta.

Qullan Arunaca

²⁷ “Uca pachpa pakallko phajjsi sarakatansti, tunca uru sarakatarojja, jumanacajj mä suma kollana tantachasïwi lurapjjäta, uca urusti ayuno lurapjjäta, uqhamarac Tatitutaquisti mä ofrenda nact'ayasina sacrificiot loktapjjaraquïta.

Levítico 23:27 Jak'a apnaqawi uñst'ayäwi

Esdras 8:21

Uka qhipatsti, Ahavá sat jawir jak'an tantacht'asipxta, ukawjansti, mä ayuno lurañatakiw arsurakta, ukhamat Tatitun nayraqatapan alt'at chuymamp juchanakax uñt'asiñataki, ukhamarak nanakar sumaki irpañapataki, wila masinakaxarusa, nanakan yänakaxarus Jerusalenar puriñkam imañapataki.

Salmos 35:13

jupanakar usuntir uñjasaxa, walpun jupanakat llakisïyäta, khankha isimpi isthapisisaw ayuno luräyäta, chuyma manqhixansti, Tatituruw mayirapïyäta.

Éxodo 30:10

Aka altarax Tatitur katuyat altaräniwa, maran mä kutikiw Aaronax altaran waxranakapxar wilañcha luqtata uywan wilap luqtani, jucha luratanakat pampachäwi jikxatañataki. Sapa maraw uka altarxarux juchat pampachayasiñatak wilañcha luqtapxäta.”

Isaías 58:5

Ukham ayuno lurañaxa, nayatakix janipuniw kuna askïkisa. Mä alir uñtataw p'iqinakam alintapxtaxa, chhankha isinakampi isthapisisaw qhillxan ikipxtaxa. Uka luräwiruw ‘Ayuno’ sapxtaxa, ‘Tatitutakisti aski uruwa sapxaraktawa’,

Levítico 16:11

“Uka qhipatsti Aaronax jucha luratat uka urqu vaca wilañcha luqtxani, jupan pachpa juchapata, wila masipan juchanakapan pampachatäñapataki.

Levítico 16:15

uka qhipatsti jaqinakan juchanakapat mä wilañchäkaspas ukham luqtañatakiw cabritorux jiwayxani, wilapsti velo qhipäxaruw apxani; uka manqhan arcan qhuphiñaparux kunjämtix vacan wilapampix ch'allt'käna ukham ch'allt'arakini.

Levítico 16:16

Ukhamat uka qullan chiqa taqi uka q'añunakat q'umachxani, israelitanakan Diosar saykatatapata, ukhamarak taqi jucha luratanakapatsa. Uka kipkarakiw Tatitump Jikisiñ Carpampis lurasiñapa, kawkïritix jupanak taypinkki, ukhamarak q'añu luratanakap taypinkki uka.

Levítico 16:24

Ukatsti qullan chiqan umampi jariqasxani, isthapisitatsti, jupa kipkat wilañcha luqtiri, taqi jaqinakatak luqtiriw mistunxani, ukampiw jupan juchanakapata, jaqinakan juchanakapatsa pampachasïwi jikxatani.

Levítico 23:26

Tatitux Moisesarux akham sarakïnwa:

Levítico 23:28

Uka urusti janipuniw kunanaksa irnaqapxätati juchat pampachatäña urütap layku, jumanakasti uka uruw Tatit Diosamat juchat pampachatäñ katuqapxäta.

Levítico 25:9

uka marana paqallqu phaxsina tunka uru saraqatarusti, uka urux juchanakat pampachatäñ jikxatañ uruwa, ukapachaw jumanakax mä pututu phust'as taqi uka markpachar ist'ayapxäta.

Zacarías 12:10

Davidat saraqiri wila masinakapampiru, Jerusalén markan jakirinakampirux, khuyapayasiñampi mayisiñ ajayumpiw phuqt'ä. Ukkhaw khitirutï chhuxriñchapki ukarux uñkatapxani, ukatsti jupat llakisipxaniwa, jachapxarakiniwa, sapa yuqall wawa jiwayasiri jaqjama, jan ukax jilïr wawan jiwatapatjama.

Hechos 27:9

Qutanjam saraskakiñax axsarkayänwa, ukhamarus jayaw ukankxapxäyäta, thaya pachasti niy jak'achasinxarakïnwa. Ukat Pablox taqinir amuyt'ayäna:

Santiago 4:9

¡Llakthapisipxam, jachapxam, wararipxam! Larutamax jachañar kipstpan, kusisiñamasti llakisiñar kipstarakpan!