Levítico 22:29 - Qullan Arunaka DC

²⁹ “Kunapachatix Tatitur yuspagaras mä waxt'a churkäta ukkhasti, wali sumpun luqtam, ukhamat uka luqtäwin sum katuqatäñapataki.

Aymar Bibliia 1986

²⁹ “Cunapachatejj Tatituru mä ofrenda yuspagarasa churäta ucapachasti, wali sumpuni loktam, uqhamata uca ofrenda loktäwejja suma catokatäñapataqui.

Qullan Arunaca

²⁹ “Cunapachatejj Tatituru mä ofrenda yuspagarasa churäta ucapachasti, wali sumpuni loktam, uqhamata uca ofrenda loktäwejja suma catokatäñapataqui.

Levítico 22:29 Jak'a apnaqawi uñst'ayäwi

Salmos 107:22

Jach'añchañ luqtäwinak jupar katuyapxam, luräwinakapatsti kusisiñamp yatiyapxam.

Salmos 116:17

Tatay, yuspagarañ luqtäwi katuyäma, sutimaruw jach'añcharakï.

Oseas 14:2

2 (3) Tatitur kuttanxapxam, akham mayt'asisa: “Taqi ñanqha luratanakaxat pampacht'apxita, nanakan jumar yupaychatanakaxsa, suma chuymampirak katuqt'apxita.

Levítico 22:30

Ukhamarus ukürpach manq'antxarakim, janirak qhipürutak kuns jilt'ayamti. Nayätwa Tatit Diosaxa.

Levítico 7:11

“Sumankthapiñatak wilañchanak churaña tuqitxa, kunatix Tatituru churaskani ukanakatxa, aka yatichäwinakaw utjaraki:

Amós 4:5

Jan levaduran t'ant'a nakt'ayas yuspagarasin waxt'äwi luqtasipxam, waxt'a churapkäta ukanaksa taqi chiqan yatiyapxarakim, ukham lurañaw jumanakatakix askixa.” Tatitux ukham siwa.

Hebreos 13:15

Ukat Diosarux Jesucristo tuqi yupaychañasa. Aka yupaychañsti aski waxt'äwjam luqtañasawa. ¡Ukhamasti lakanakasampi yupaychapxañäni!

1 Pedro 2:5

Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.