Levítico 22:18 - Qullan Arunaka DC

¹⁸ “Aaronampi, yuqanakapampi parlam, taqi israelitanakarus akham sarakim: Israelita mä jaqitixa, jan ukax jumanak taypin jakir yaqha markat jutir jaqisa, mä uywa nakt'ayasina Tatitur luqtaña munanixa, mä arsüwi phuqhañatakisa jan ukax chuymapan churañ munatapatsa,

Aymar Bibliia 1986

¹⁸ “Aaronampi, uqhamarac wawanacapampi parlam, uqhamarac take israelita jakenacampisa, ucatsti aqham saraquim: Mayni israelita jaketejja jan ucajja mayni yakha marcat jutiri jakesa, cawquïritejj jumanac taypina jaccani, ucanacatejj, mä uywa Tatituru nact'ayasina loktaña munanejja mä arsüwi phokhañataquisa jan ucajj mä churäwi ofrenda churañataquisa,

Qullan Arunaca

¹⁸ “Aaronampi, uqhamarac wawanacapampi parlam, uqhamarac take israelita jakenacampisa, ucatsti aqham saraquim: Mayni israelita jaketejja jan ucajja mayni yakha marcat jutiri jakesa, cawquïritejj jumanac taypina jaccani, ucanacatejj, mä uywa Tatituru nact'ayasina loktaña munanejja mä arsüwi phokhañataquisa jan ucajj mä churäwi ofrenda churañataquisa,

Levítico 22:18 Jak'a apnaqawi uñst'ayäwi

2 Crónicas 31:14

Inti jalsu tuqinkir punku uñjiri, Imná chachan Coré sat levita yuqapax, Diosar luqtata waxt'äwinak uñjäna, apthapit yänak lakjäna.

Salmos 116:14

Jaqinakan nayraqatapan Tatitur arsutanakax phuqhä.

Salmos 116:18

Jaqinakan nayraqatapan Tatitur arsutanakax phuqhä,

Salmos 22:25

25 (26) Arsutam phuqhirïtamat markam taypin jach'añchäma; arsutanakaxsti iyawsirinakam nayraqatan phuqharakï.

Salmos 56:12

12 (13) Diosaxay, jumar arsutanakaxsti, yuspagarañ chuymampiw phuqhäma,

Salmos 61:5

5 (6) Diosaxay, jumaw arsutanakax ist'ista, sutim waqaychirinakan katuqäwip churxarakista.

Salmos 61:8

8 (9) nayasti sutim jach'aruw aptä, arsutanakaxsti sapüruw phuqharakï.

Salmos 65:1

1 (2) Sión markan Diosapa, ¡jumax jach'añchatäñatakix askïtawa!, ¡arsutanak jumar phuqhañax wakisiwa,

Salmos 66:13

Utamar mantasin luqtäwinak churäma; ukhamat jumar arsutanakax phuqhä,

Éxodo 12:5

Uka uywasti mä maranïñapawa, jan kamacht'at suma k'umar urqu uywäñapawa, uka uywax ovejäpasa, cabritöpasa.

Eclesiastés 5:4

4 (3) Kunapachatix kun lurañatakis Diosar arsüta ukkhaxa, jank'ak uk phuqham, jupax janiw pisi amuyt'anirux munkiti. Kuntix lurañatak arskta uk phuqham,

Levítico 1:10

“Luqtañ uywatix nakhantayañatak oveja tamapata jan ukax, cabra tamapat churatäkani ukax, jan kamacht'at mä urqüñapawa,

Levítico 1:2

“Israelitanakampi parlam, jupanakarusti sarakim, kunapachatix maynix uywanak nayar luqtañatak apankani ukkhaxa, urqu vacanaka jan ukax, urqu ovejanakapat apaniñapawa.

Levítico 17:10

“Mä israelitatix, jan ukax yaqha markat jutasin jumanak taypin jakir jaqisa wilanpach aycha manq'kani ukkhax, nayax jupatakiw sayt'äxa, markapatsa jaqunukurakïwa.

Levítico 17:13

Mä israelitatixa, jan ukax yaqha markat jutirisa manq'añatak mä uywa, jan ukax mä jamach'sa katjasin jiwayanixa, wilap uraqiruw wartxani, ukatsti laq'ampiw imt'xarakini,

Levítico 22:17

Tatitux Moisesaruw akham sarakïna:

Levítico 23:38

jumanakasti uka churäwinakxa, kuntix sábado urun Tatitur churapxirïkta, ukhamarak chuymanakamatsa luqtapxirïkta ukanakat sipan yaqpun luqtapxäta.

Levítico 7:16

Mä uywatix mä arsüwi phuqhañataki, jan ukax chuymasatjama mä waxt'äwïni ukapachasti, ukan aychapax ukürpach manq'antatäxañapawa, ukat jilt'iristi qhipürus manq'atäskarakispawa;

Amós 4:5

Jan levaduran t'ant'a nakt'ayas yuspagarasin waxt'äwi luqtasipxam, waxt'a churapkäta ukanaksa taqi chiqan yatiyapxarakim, ukham lurañaw jumanakatakix askixa.” Tatitux ukham siwa.

Jonás 1:16

Ukham uñjasasti, barco apnaqirinakax Tatituruw yupaychapxäna, mä wilañcha luqtapxäna, luräwinak phuqhañatakiw arsupxarakïna.

Jonás 2:9

9 (10) ukampis nayax, yuspagarañ arumpiw wilañchanak luqtäma; arsutanakaxsti phuqharakïmawa. ¡Jumakiw qhispiyañatak ch'amanïtaxa!” sasa.

Nahúm 1:15

15 (1) ¡Judá markankir jaqinaka, uñtapxam! Suman sarnaqasiñ yatiyäwinak apanirix niyaw qullunjam jutaski. Phunchhäwi urunak lurapxam; arsutanakamsti phuqhapxarakim. Qhuru jaqinakasti janiw juk'ampi jumar nuwirix jutkxapxaniti; q'ala t'unjatäxapxiwa.

Malaquías 1:14

Kawkïr jaqitix suma k'umar uywa nayar luqtañatak yaqhachkasina, mä usut uywaki luqtxitaspa ukax ñanqhachatäpan. Nayax ch'aman Reyïtwa, taqi markanakaw axsarapxitu.” Ukham siw taqi ch'aman Tatituxa.

Números 15:3

ukatsti nayar jach'añchas mä urqu vaca, jan ukax, mä ovejsa luqtapxitäta suma q'apkir wilañcha nakt'ayañataki, kuntix arsupkta ukanak phuqhasa, jan ukax, chuymanakamatjam waxt'a churasa, jan ukax, mä uruyäwi uruyasasa ukapachaxa,

Hechos 18:18

Pablox walja urunakampiw Corinto markan qamaraskakïna. Ukatsti iglesiankir jilatanakamp jikist'awayasin Siria tuqinakaruw barcot sarawayxäna, Priscilamp Aquilampisti jupamp chikaw sarapxäna. Cencrea markansti Pablox barcor janïr makhatkasin, Diosar arskatayna uk phuqhañatak ñik'utap q'al mururayasïna.

Deuteronomio 12:17

“Jumanakasti janiw markanakaman jakañamkamaxa, trigomata, vinomata, aceitemat sapa tunkat maya churañanakatxa manq'apxätati, janirakiw vacanakamana, ovejanakaman nayrïr qallunakapatsa, Tatitur churañ arsupkta ukanakatsa, chuymanakamat waxt'anak churä sapkta ukanakatsa manq'apxätati.

Deuteronomio 12:6

Uka chiqan jumanakax uywa wilañchanak jupar yupaychañatak luqtapxäta, sapa tunkat maya churäwinak jupatak aparapipxäta, churäwinakam Diosar churasa, arsut phuqhañ luqtanaka, chuymamatjam luqta katuyañanaka, ukhamarak vacanakamana, ovejanakaman nayrïr qallunakap churañanaka.

Deuteronomio 16:10

jumanakax Semananaka sat phunchhäwi uruyapxäta Tatit Diosamar jach'añchañataki, ukatsti chuymanakamatjam waxt'anak luqtapxäta, Tatit Diosamax aski waxt'äwinak churapktam ukhamarjama.