Levítico 21:10 - Qullan Arunaka DC

¹⁰ “Sacerdotenakan jilïripasti, taqi sacerdotenakat sipansa wali askipuniwa, kunapachatix nayar luqtañatak yaqhachatäkän ukkhaxa, sacerdoten isip katuqäna, p'iqipxarus luqtañ aceitempi warxatatarakïnwa. Ukatpï uka sacerdotex janipun ñik'utap t'isatatatax sarnaqañapäkitixa, isipsa janirakiw mä llakisiñ uñacht'ayañ laykux ch'iyanuqasiñapäkitixa;

Aymar Bibliia 1986

¹⁰ “Sacerdotenacan jilïripasti, cawquïritejj sacerdoteta isthapisiñataquejja churatäqui, cuna aceitetejj p'ekepjjaru warjjatatacänjja uca laycu, uca sacerdotesti janipuniw ñic'utapajj t'isatatata sarnakañapäquiti, janiraquiw isipsa mä llaquisiñ uñacht'ayañ laycusa ch'iyanokasiñapäquiti;

Qullan Arunaca

¹⁰ “Sacerdotenacan jilïripasti, cawquïritejj sacerdoteta isthapisiñataquejja churatäqui, cuna aceitetejj p'ekepjjaru warjjatatacänjja uca laycu, uca sacerdotesti janipuniw ñic'utapajj t'isatatata sarnakañapäquiti, janiraquiw isipsa mä llaquisiñ uñacht'ayañ laycusa ch'iyanokasiñapäquiti;

Levítico 21:10 Jak'a apnaqawi uñst'ayäwi

Génesis 37:34

Ukatsti Jacobux llakisiñat isip ch'iyanuqasïna, llaki isimpiw uchasïna, jupasti jaya urunakaw wawapan jiwatapat jachäna.

2 Samuel 15:30

Davidasti Olivos qullu amsta makhatäna; llakisiñat q'ara kayukiw saräna, jacht'asisa, p'iqipas ch'uqt'ata. Jupampi chika sarapkäna uka jaqinakasti p'iqinakap ch'uqt'atkamakiw jacht'asis makhatapxarakïna.

Ester (hebreo) 6:12

Uka qhipatsti, Mardoqueox reyin utap punkuruw kuttxäna, Amán chachasti wali llakt'ataw utapar jank'ak kuttxarakïna. Jupasti p'inqasiñatsa ajanup imantasïna.

Job 1:20

Job chachasti uk ist'asin, sayt'asïna, ukat wali llakt'ataw isinakap ch'iyanuqasïna, ñik'utapsa mururasïnwa, ukatsti uraqir puriñkamaw Diosar yupachañatak alt'asïna.

Salmos 133:2

Ukax q'apkir qullar uñtatawa, sacerdotenakan p'iqipat llumiqasin sunkhap chiq saraqki, kunka isipkam purki ukhamawa.

Éxodo 29:7

Luqtañ aceite aptasin, ukampiw Aaronan p'iqipat warxatäta, ukhamat Diosar luqtat sacerdotëñapataki.

Ezequiel 24:17

Amukiw t'aqhisïta, janirakiw llaki isimpis isthapisïtati kunjämatix jiwirinakat isthapisipki ukhama. Jan q'ara p'iqis sarnaqamti, janirak q'ara kayus saramti; ajanumsa jan imt'asimti mä kunatsa t'aqhiskasma ukhama, janiraki uka pachanakan manq'añ t'ant'a manq'amti.”

Levítico 13:45

“Khititix lepra usunïki ukax ch'iyanuqat isimpiw uchasini, p'iqipasti q'arakiraki, ajanupas chikat imt'ataw akham sas arnaqasini: ‘¡Q'añütwa! ¡Q'añütwa!’ sasa.

Levítico 16:32

Kawkïri sacerdotetix ajllitäkani jupaw kuna luqtañanakatix juchat pampachatäñatak wakiski ukanak luqtani; jupasti linot lurat sacerdote isimpiw isthapisini,

Levítico 4:3

“Jilïr sacerdotetix juch luranixa, uka jucha luratapan taqi jaqinakxar puritap laykux, mä k'umar urqu vaca uka jucha luratapat luqtañapa.

Levítico 8:12

Ukxarusti Moisesax Aaronan p'iqipxaruw uka aceitempix warxatäna, ukhamat sacerdotet Tatitur luqtxañataki.

Números 35:25

Jan munkasin jaqi masipar jiwayir jaqirux markaw arxatañapa, phuqsusiñ munir wila masipata, ukatsti juchañchatarux imantasiñatak jaltkatayna uka markaruw kuttayxañapa. Jiwayir jaqix ukan qhiparañapa, sacerdotenakan jilïripa jakañapkama.

Números 6:7

jupan awkipasa, taykapasa, jan ukax, khiti jilapasa, kullakapas jiwaspa ukkhasa, q'añuchat jan tukuñapataki, Tatitur katuyasiñatak arsutap layku.

Mateo 26:65

Sacerdotenakan jilïripasti uk ist'asin mayjt'asiñat isinakap ch'iyanuqasïna, sarakïnwa: —Aka jaqin arunakapax Diosar ñanqhachir arunakawa. ¿Kunat juk'ampi irkatirinakas munasixa? Jumanakax uka ñanqha arunakap ist'apxtawa.