Levítico 2:3 - Qullan Arunaka DC

³ Uka jak'u waxt'at jilt'ki ukasti, aski qullanätap laykuxa, Aaronampitaki, wawanakapampitakïxaniwa.

Aymar Bibliia 1986

³ Uca ofrenda jilt'asti Aaronampitaqui, uqhamaraqui wawanacapampitaquëjjaniwa, uqhamarus uca ofrendajj Tatitur loktata take naqhata ofrendanacatjja sinti kollanawa.

Qullan Arunaca

³ Uca ofrenda jilt'asti Aaronampitaqui, uqhamaraqui wawanacapampitaquëjjaniwa, uqhamarus uca ofrendajj Tatitur loktata take naqhata ofrendanacatjja sinti kollanawa.

Levítico 2:3 Jak'a apnaqawi uñst'ayäwi

Esdras 2:63

Ukhamarusa, mark apnaqirix jupanakar Tatitur luqtat manq'anakat jan manq'apxañapatakiw yatiyäna; mä sacerdoten Urim, Tumim sat qalanak tuqi kunjämänis uk yatiñapkama.

Éxodo 29:37

Paqallq uruw altaran juchanakat wilañcha luqtäta; ukhamat uka altarax Diosar katuyatäsin Qullanan Qullanapäxani, uka altarar llamkt'irix Diosatak yaqhachatäxaniwa.

Ezequiel 44:29

Kuna granonaktix israelitanakax nayar luqtapkitu ukat manq'apxani, kawkïr uywanaktix jucha luratanakat luqtapkitu uka uywanakan aychanakapat manq'apxarakini. Uka kipkaraki, taqi kuntix israelitanakax nayar luqtapkitani ukanakasti jupanakatakïniwa.

Ezequiel 46:20

sarakituwa: “Aka chiqan sacerdotenakax jucha luratanakat luqtatäki uka uywanakan aychanakap wallaqiyapxañapa, granonakat luqtat waxt'anaksa qhathiyapxañapa. Ukhamat jupanakax ukanak uta anqäxar jan apsupkaniti, janirakiw jaqinakas kunatix qullanäki uka yänak llamkt'apkaniti” sasa.

Levítico 10:15

Chara aychax mä churäwïkaspas ukhamawa, jaraphi aychasti mä suma waxt'äkaspas ukhamarakiwa, ukanaksti Tatitun nayraqatapar apatäniwa, mä suma waxt'äkaspas ukham luqtatäniwa, kawkïri lik'inakatix nakhantayañatak luqtatäki ukanakamp chika. Ukanakasti jumampina, wawanakamampinkaniwa, kunjämtix Tatitux arsuwayki ukhamarjama.

Levítico 14:13

Uka urqu ovejsti kawkhantix wilañcha luqtañataki uywanakax kharinukusirïki ukkhan kharinukxañapa. Sumankthapiñataki, ukhamarak jucha luratat wilañchanak luqtäwisti sacerdotetakïniwa, ukanakan qullana yänakätap layku.

Levítico 2:10

Uka waxt'at jilt'ki ukasti, Tatitutak aski qullanätap laykux Aaronampitaki, wawanakapampitakïniwa.

Levítico 21:22

Ukampisa janchipan jan k'umaräpxatapatxa, kuna suma waxt'anaktix israelitanakax apanipkani ukanakat manq'asipkaspawa,

Levítico 5:13

ukhamat sacerdoten uka jaqin juchanakap pampachatäñ jikxatañapataki, uka juchapasti pampachatäxaniwa. Uka waxt'at jilt'ir granonakasti, sacerdotetakïniwa.”

Levítico 6:26

26 (19) Jucha luratat uka wilañcha luqtasinxa, sacerdotex uka pachpat manq'arakini, ukampis kawkhatix qullana chiqäki ukkhan manq'añapa, Tatitump Jikisiñ Carpa anqäxana.

Levítico 6:9

9 (2) “Aaronampiru, sacerdote wawanakapampirusti, nakhantayatäñatak luqtäwinak tuqit akham sas parlam: Uka luqtat uywax kuna ninatix altar patxan sank'aski uka ninxar paqar arum apxatatäñapawa, ukhamat ninan nakhantañapataki.

Levítico 7:7

“Yatkasin pantjasïwi juch luratat wilañcha luqtäwisti, jucha luratat kunjämatix wilañchax luqtaski uka kipkarakiw luqtasiñapa, yatichäwinakasti paypachatakix uka pachparakiwa. Uka luqtatasti, kawkïr sacerdotetix jucha luratat pampachañatak luqtki ukatakïniwa.

Levítico 7:9

Granonak luqtäwinakatsti, kawkïrinakatix hornon qhathiyatäki, phukhuna, jan ukax sartenan qhathiyatäki ukanakax, uka waxt'a luqtir sacerdotetakïniwa.

Números 18:9

Nakt'at wilañchanakatxa, grano juyra waxt'anakaw jumar wakt'ätam, ukhamarak jucha luratat israelitanakax luqtapkitu uka wilañchanakampi; taqi uka qullan waxt'anakax jumampitaki, wawanakamampitakïniwa.

1 Samuel 2:28

Israel markan taqi ayllunakap taypitsti, nayan sacerdotenakäpxañamatakiw ajllisipxsma, altaraxan wilañcha luqtapxañamataki, incienso nakt'ayapxañamataki, ukhamarak sacerdote isimp isthapt'at nayraqataxankapxañamataki. Ukhamarus nayra awkinakamarux israelitanakax nakt'at luqtäwi Tatituru churki taqi uka waxt'äwinakat manq'apxañapatakix churarakta.