Levítico 19:27 - Qullan Arunaka DC

²⁷ “Jan ñik'utanakam muypach mururasipxamti, janirak sunkhanakamsa taqpach mururasipxamti.

Aymar Bibliia 1986

²⁷ “Janiraqui ñic'utanacamsa muypacha mursusipjjamti, ni sunqhanacaman puntanacapsa mururasipjjaraquimti.

Qullan Arunaca

²⁷ “Janiraqui ñic'utanacamsa muypacha mursusipjjamti, ni sunqhanacaman puntanacapsa mururasipjjaraquimti.

Levítico 19:27 Jak'a apnaqawi uñst'ayäwi

1 Crónicas 19:4

Ukatsti Hanún reyix Davidan jaqinakaparuw katurayäna, ukatsti sunkhanakap khithurayäna, isinakapsa jikhanit aynach tuqirux q'al ch'iyanuqayäna. Ukat khithanukxäna.

Isaías 15:2

Dibon markan utjir jaqinakasti, qullu patankki uka templor jachiriw makhatapxi, Moab markasti, Nebo markampina, Medebá markampin t'unjatätapat chuyma wal usuyasi. Ñik'utanakapasa, sunkhanakapas taqinin mururatkamäpxi.

Jeremías 16:6

Aka markanxa jisk'as jach'as taqiniw jiwarapxani; janiw khitis jupanakarux imt'kaniti, janiw jachapkanisa, janirakiw janchinakapsa chhuxriñchasipkaniti, ñik'utanakapsa mururasipkaniti jupanakan jiwarapxatapatxa.

Jeremías 41:5

ukapachasti Siquem, Siló, Samaria tuqinakat kimsaqallqu tunka jaqinakaw purintanipxäna, sunkhanakapas mururata, isinakapas ch'iyanuqata, janchinakapas jupanakpachan q'ala chhuxriñchjasita. Ukhamarus granonaka, inciensonaka apanipxäna Tatitun utapan Tatitur luqtañataki.

Jeremías 48:37

P'iqi ñik'utanakapas mururatkamakiwa, sunkhanakapas khithuratkamakiwa; taqiniw amparanakap chhuxriñchjasipxi, chhankha isinakampiw isthapisipxaraki.

Jeremías 9:25

25 (24) Tatitux siwa: “Kawkïr markanakatix janchin circuncisión katuqapki uka markanakar mutuyañ urux niyaw purinxi:

Ezequiel 44:20

“Sacerdotenakasti ñik'utanakap mururt'asipxaniwa, ukampis janiw q'al q'ararasipxañapäkiti.

Ezequiel 7:18

Llakisiñatsti chhankha isinakampiw isthapisipxani; janchinakapas inakiw khathatxani, p'inqasiñatsa ajanunakapax wilar tukuta, ñik'utanakapas mururataw sarapxani.

Levítico 19:28

“Mä jaqin jiwatapatxa, jan janchinakam q'allunuqasipxamti. Janipun kunayman qillqanaksa janchinakamar qillqantasipxamti. Nayätwa Tatituxa.

Levítico 21:5

“Janipuniw ñik'utanakapsa, sunkhanakapsa mururasipxañapäkiti, janirakiw janchinakapsa chhuxrinuqasipxañapäkiti,

Deuteronomio 14:1

“Jumanakax Tatit Diosaman wawanakapäpxtawa. Maynitix jiwani ukkhaxa, jan jumanakax janchinakam kharintasipxamti, janirak ñik'utanakamsa mururasipxamti.