Levítico 19:15 - Qullan Arunaka DC

¹⁵ “Kunapachatix mä jan walt'añ taripañas wakisini ukkhasti, kunatix chiqäki ukhamarjamapun luram; janirak pisi ch'amanirukisa, jan ukax qamirirukisa arxatamti. Juchañchañ wakisipanxa, kunatix chiqapäki ukhamarupun uñjam.

Aymar Bibliia 1986

¹⁵ “Cunapachatejj mä queja t'akjäta ucapachasti jan ñankhanacjja luramti; janiraqui pisi ch'amanirusa arjjatamti ni munañanina nayrakataparusa alt'asimti. Cunapachatejj mä queja uñjcäta ucapachasti cunatejj chekapäqui ucaru jaysasa luram.

Qullan Arunaca

¹⁵ “Cunapachatejj mä queja t'akjäta ucapachasti jan ñankhanacjja luramti; janiraqui pisi ch'amanirusa arjjatamti ni munañanina nayrakataparusa alt'asimti. Cunapachatejj mä queja uñjcäta ucapachasti cunatejj chekapäqui ucaru jaysasa luram.

Levítico 19:15 Jak'a apnaqawi uñst'ayäwi

Job 13:8

Jumanakax Diosat arxatasiriw tukupxtaxa, jupan arxatiripäpkasmas ukham amuyasipxtaxa.

Job 32:21

Janiw khitirus arsutaxamp sumachkäti; taqinirus khuskhak uñjarakï.

Job 34:19

Jupax janiw marka apnaqirinakat arxataskiti, janirakiw qamirinakarus jan kunaninakat sipan juk'amp khuyapayaskiti, jupaw taqpachanir irnuqasistu.

Salmos 82:2

“¿Kunapachkamarak jan wal taripapxätasti? ¿Kunapachkamarak ñanqha lurir jaqinakar arxatapxätasti?

Éxodo 18:21

Ukham lurañamatakisti, israelitanak taypit suma amuyt'an chachanak thaqham, Diosar axsartirinaka, qhan parlirinaka, qullqi layku jan khitirus arxatirinaka. Jupanakarusti waranqa jaqinakan jilïripat ucham, yaqhipanakarux patak jaqinakxaru, yaqhipanakarusti phisqa tunka jaqinakxaru, mayninakarusti tunka jaqinakxaruraki.

Proverbios 18:5

Taripirinakan juchan jaqit arxatañapax janiw askïkiti; jan juchan jaqin arsusitanakapar janiw sañas janirakiw askïkiti.

Proverbios 24:23

Aka arunakax yatiñan jaqinakan säwi arunakaparakiwa: Taripirinakax taqinirus chiqapar uñjapxañapawa, janiw maynitak arxatasipxañapax walikäniti

Proverbios 31:9

Arxatam, jupanakar chiqapar uñjam; ¡pist'añan sarnaqir jaqinakampiru, llamp'u chuyman jaqinakampir arxatam!

Levítico 19:35

“Kuna tupt'añanakansa, janipun sallqjapxamti.

Juan 7:24

Janiy aliq uñkatasak taripapxamti. Taripapxät ukkhasti, kunatix chiqäki ukhamarjamay lurapxam —sasa.

Hechos 23:3

Pablosti juparux sänwa: —¡K'ari chuyman jaqi, Diosaw jumarux nuwantätam! Kamachirjam nayar juchañchañatakixay ukkhan qunt'atäsktaxa, ukhamasti ¿kunatarak kamachir jan yäqas nayar nuwayistasti? —sasa.

Deuteronomio 1:17

kunapachatix jumanakax juchanakap uñjapxäta ukkhaxa, janiw jumanakax ajanu uñkatasaki taripapxätati, jan ukasti pist'añan sarnaqir jaqirusa, qamir jaqirusa khuskak uñjapxäta, jan khitir axsarasa, juchañchañasti Diosankiwa. Mä kunasa jumanakatak jan askichkayänixa, nayaruw yatiyanipxitäta, nayaw ukanak uñjä’ sasa.

Deuteronomio 10:17

Jumanakan Tatit Diosamax diosanakan Diosapawa, tatitunakan Tatitupawa; jach'a ch'amani, axsarkay Diosawa, janiw jaqir yaqha yaqha uñjkiti, janirakiw churäwinakampi alayaskiti.

Deuteronomio 16:19

Chiqa kankañampiw markar taripapxani, apnaqapxarakini, janiw kuna qullqsa chilltayasipkaniti, qullqi chilltayasiñax jach'a amuyt'an jaqinakarux juykhu tukuyi, chiqa kankañampi parlir jaqinakan arunakapsa maysaruw uñtayi.

Deuteronomio 27:19

“ ‘Ñanqhachatäpan yaqha markat jutir jaqiru, mä ijmaru, mä wajcharus jan chiqa kankañampi uñjir jaqixa.’ Uka arsutarusti taqpach markaw sani: ‘Ukhamäpan’ sasa.