Levítico 18:30 - Qullan Arunaka DC

³⁰ Ukhamasti, nayan kamachi arunakax phuqhas sarnaqapxam, kuna q'añu luräwinak lurasatix jumanakat nayräxa jakir jaqinakax sarnaqapkäna uka luräwinakarux jan puripxamti, janirak ukanakampis q'añuchjasipxamti. Nayätwa jumanakan Tatit Diosamaxa” sasa.

Aymar Bibliia 1986

³⁰ Uca laycu, nayan arunacajja phokhasa sarnakapjjam, janiraqui cuna k'añu luräwinaca lurasatejj jumanacat nayräjja jaquiri jakenacajj sarnakapjjäna ucanacarojj puripjjamti, janiraqui ucanacampisa k'añuchasipjjamti. Nayätwa jumanacan Tatitu Diosamajja” sasa.

Qullan Arunaca

³⁰ Uca laycu, nayan arunacajja phokhasa sarnakapjjam, janiraqui cuna k'añu luräwinaca lurasatejj jumanacat nayräjja jaquiri jakenacajj sarnakapjjäna ucanacarojj puripjjamti, janiraqui ucanacampisa k'añuchasipjjamti. Nayätwa jumanacan Tatitu Diosamajja” sasa.

Levítico 18:30 Jak'a apnaqawi uñst'ayäwi

1 Reyes 14:24

Ukhamarakiw uka uraqinkir chachanakax chacha masinakapampi jan wali lurañ yatipxäna, diosanakapataki aski lurapkaspa ukhama, ukanakasti jucharar markanakana jan wali luräwinakapänwa, kawkïr markanakarutix Tatitux israelitanakan nayraqatapat jaqunukkatayna uka markanaka.

1 Reyes 21:26

Idolonakar yupaychasin axtkay luräwi luräna, kunjämatix amorreonakax lurapkäna ukhama, Tatitux uka jaqinakaruw israelitanakan nayraqatapat jaqunukutayna).

Esdras 9:1

Ukanak tukt'ayatarusti, marka apnaqir jilïrinakax nayar jak'achasisin sapxitu: “Esdras, yatiyañ munapxsma; israelitanakasa, sacerdotenakasa, levita jaqinakasa, janiw aka markankir jaqinakat yaqhachat jakapkiti: cananeonakata, hititanakata, ferezeonakata, jebuseonakata, amonitanakata, moabitanakata, egipcionakata, amorreonakatsa, ukanakan axtkañ idolonakar luqtas sarnaqäwinakapatxa.

Levítico 18:29

Khititix uka q'añu luräwinak luraskani ukasti, markap taypit apanukutäniwa.

Levítico 19:1

Tatitux Moisesar sarakïnwa:

Levítico 20:23

Kawkïr jaqinakatix uka uraqin jakapki, jupanakar jaqunukkä ukanakan sarnaqäwinakapan janipun sarnaqapxamti; jupanakasti taqi ukanak luratanakapampiw nayarux q'apisiyitu.

Levítico 22:9

“Jupanakarusti nayan kamachinakaxar phuqhas sarnaqapxpan sarakim, janitix uka kamachinakar phuqhapkani ukasti, jiwarapxaniwa. Naya Tatituw jupanakarux nayatak yaqhachasta.

Deuteronomio 11:1

Moisesasti saskakïnwa: “Jumanakax Tatit Diosamar munasipxam, ukatsti iwxanakapa, kamachinakapa, arsutanakapsa phuqhapxarakim.

Deuteronomio 12:31

Jan jumanakax Tatit Diosamar ukham lurapxamti, kunjämtix uka markanakax diosapar waqaychapki ukax Diosar axtasiyiwa. Jupanakax ninampi phichhantasaw kipka wawanakapsa wilañcha luqtapxi.

Jueces 20:6

Nayasti jiwat janchip jisk'a jisk'a kharinuqasinxa, Israel markpacharuw apayta, ukhamat israelitanakan uka axtkañ luräwit yatipxañapataki.