Levítico 18:27 - Qullan Arunaka DC

²⁷ kawkïr jaqinakatix jumanakat nayräxa aka uraqin jakapkän ukanakax, taqi uka q'añu luräwinak lurapxäna, ukham lurapxatapampiw uka uraqis q'añuchat uñjasirakïna.

Aymar Bibliia 1986

²⁷ Cawquïri jakenacatejj jumanacat nayräjja aca oraken jacapcän ucanacajj take uca k'añu luräwinacwa lurapjjänjja, uca lurapjjatap laycuraquiwa uca orakesa k'añuchata uñjasiraquïnjja.

Qullan Arunaca

²⁷ Cawquïri jakenacatejj jumanacat nayräjja aca oraken jacapcän ucanacajj take uca k'añu luräwinacwa lurapjjänjja, uca lurapjjatap laycuraquiwa uca orakesa k'añuchata uñjasiraquïnjja.

Levítico 18:27 Jak'a apnaqawi uñst'ayäwi

1 Reyes 14:24

Ukhamarakiw uka uraqinkir chachanakax chacha masinakapampi jan wali lurañ yatipxäna, diosanakapataki aski lurapkaspa ukhama, ukanakasti jucharar markanakana jan wali luräwinakapänwa, kawkïr markanakarutix Tatitux israelitanakan nayraqatapat jaqunukkatayna uka markanaka.

2 Reyes 16:3

jupax Israelan maynïr reyinakapan thakhip arkäna, jupasti wawaparusa wilañcha luqtasin nakhantayäna, kunjämtix markanakax jan walinak lurapxirïkän ukhama, Tatitusti uka markanakarux israelitanakan nayraqatapat jaqunukutaynawa.

2 Reyes 21:2

Ukampis Manasesan luratanakapax Tatitun nayraqatapan jan walinakänwa, jupasti kawkïr markanakarutix Tatitux israelitanakan nayraqatapat jaqunukkatayna ukanakan pachpa q'añu luräwinakap luräna:

2 Crónicas 36:14

Judá uraqinkir jilïrinakasa, sacerdotenakasa, marka jaqinakasa juk'amp jan walinak lurapxäna, jucharar markanakan axtkañ luräwinakap lurasa, ukhamarak Tatitun ajllit utap jan axsart'as takichasa.

Ezequiel 16:50

Jupanakax wali jach'a jach'aw tukupxäna, ukatsti kunanaktix nayax uñiskta ukanak lurapxarakïna; ukatpï jupanakarux tukjtxa, kunjämtï jumax uñjkta ukhama.

Ezequiel 22:11

Yaqhipanakasti jaqi masipan warmipampiw wachuqa jucha lurapxi, yaqhipanakasti pachpa yuxch'apampiw jan wal sarnaqapxi, yaqhipanakasti prima kullakaparuw warmisipxi.

Oseas 9:10

Tatitux siwa: “Kunapachatix Israel markar jikxatkäyät ukapachax kusisiyätwa, kunjämatix wasaran uva jikxatirix kusiski ukhama. Nayra awkinakamax nayatakix, nayrawir achuqir higonakjamänwa. Ukampis kunapachatix Baal-peor chiqar puripki ukkhaxa, k'ari diosanakaruw yupaychapxi, ukatsti wali jisk'achkañaw tukupxi, jupanakax munapkänsa uka yaqha diosanakjama.

Levítico 18:24

“Janipun ukanakampix q'añuchjasipxamti. Kawkïr markanaktix nayax jumanak nayraqatat ananukkä ukanakasti uka luräwinakampiw q'añuchasipxäna,

Levítico 18:26

Ukampisa jumanak israelitanaka, ukhamarak kawkïri yaqha markat jutasin jumanak taypin jakir jaqinakasa, nayan kamachinakaxar phuqhas sarnaqapxam, janirak uka q'añu luräwinak lurapxamti,

Levítico 18:28

¡Uka uraqisti janirak jumanakarux apanukpati, kunjämtix jumanakat nayra jakapkän ukanakar apanukkän ukhama!

Deuteronomio 20:18

ukhamat uka axtaskañ sarnaqäwinakapa, kunjämtix diosanakapar yupaychapki ukanak jumanakar jan yatichaskañapataki, ukham lurasin Tatit Diosamatak jucha jan lurasipkañamataki.

Deuteronomio 23:18

18 (19) Janirak jumanakax Tatit Diosaman utapan uka q'añu sarnaqañan jikxatat qullqinak katuqapxamti, ukham lurañanakasti Diosarux axtasiyiwa.

Deuteronomio 25:16

Ukham jan chiqa kankañan sarnaqirinakax Diosar axtasiyiwa.

Deuteronomio 27:15

“ ‘Ñanqhachatäpan metal umatatayasin yaqha diosanak lurir jaqixa, ukatsti jan uñjkañ chiqar imantarakini ukaxa; uka lurañasti Diosatakix axtaskayawa.’ Uka arsutarusti taqpach markaw sani: ‘Ukhamäpan’ sasa.