Levítico 18:26 - Qullan Arunaka DC

²⁶ Ukampisa jumanak israelitanaka, ukhamarak kawkïri yaqha markat jutasin jumanak taypin jakir jaqinakasa, nayan kamachinakaxar phuqhas sarnaqapxam, janirak uka q'añu luräwinak lurapxamti,

Aymar Bibliia 1986

²⁶ Ucampisa jumanaca, israelitanacajja, uqhamarac cawquïri yakha marcat jutasina jumanac taypina jaquiri jakenacasa, nayan arsutanacajjaru uqhamaraqui leyinacajjarusa phokhasa sarnakapjjam, janiraqui uca k'añu luräwinacjja lurapjjamti, cuntejj uca jakenacajj lurapcän ucanaca.

Qullan Arunaca

²⁶ Ucampisa jumanaca, israelitanacajja, uqhamarac cawquïri yakha marcat jutasina jumanac taypina jaquiri jakenacasa, nayan arsutanacajjaru uqhamaraqui leyinacajjarusa phokhasa sarnakapjjam, janiraqui uca k'añu luräwinacjja lurapjjamti, cuntejj uca jakenacajj lurapcän ucanaca.

Levítico 18:26 Jak'a apnaqawi uñst'ayäwi

1 Reyes 14:24

Ukhamarakiw uka uraqinkir chachanakax chacha masinakapampi jan wali lurañ yatipxäna, diosanakapataki aski lurapkaspa ukhama, ukanakasti jucharar markanakana jan wali luräwinakapänwa, kawkïr markanakarutix Tatitux israelitanakan nayraqatapat jaqunukkatayna uka markanaka.

Levítico 17:10

“Mä israelitatix, jan ukax yaqha markat jutasin jumanak taypin jakir jaqisa wilanpach aycha manq'kani ukkhax, nayax jupatakiw sayt'äxa, markapatsa jaqunukurakïwa.

Levítico 17:8

“Ukxarusti kawkïr israelita jaqitixa, jan ukax yaqha markat jutasin jumanak taypin jakir jaqisa mä wilañcha luqtani,

Levítico 18:25

uraqinakapas uka kipkarakiw q'añuchjat uñjasxarakïna, ukatpï nayax jupanakarux uka ñanqha luratanakapat wayt'araktxa, uka markas taqi jakirinakaparuw ananukxaraki.

Levítico 18:27

kawkïr jaqinakatix jumanakat nayräxa aka uraqin jakapkän ukanakax, taqi uka q'añu luräwinak lurapxäna, ukham lurapxatapampiw uka uraqis q'añuchat uñjasirakïna.

Levítico 18:30

Ukhamasti, nayan kamachi arunakax phuqhas sarnaqapxam, kuna q'añu luräwinak lurasatix jumanakat nayräxa jakir jaqinakax sarnaqapkäna uka luräwinakarux jan puripxamti, janirak ukanakampis q'añuchjasipxamti. Nayätwa jumanakan Tatit Diosamaxa” sasa.

Levítico 18:5

“Nayan arsutanakaxa, kamachinakaxsa phuqhapxapunim. Kawkïri jaqitix ukanak phuqkani ukasti jakaniwa. Nayätwa Tatituxa.

Lucas 11:28

Jupasti sänwa: —¡Khitinakatix Diosan arunakap ist'apki, jaysapkaraki ukanakax juk'amp kusisiñaniwa! —sasa.

Lucas 8:15

Suma laq'ar purir jathasti, khitinakatix taqi chuymamp Diosan arup ist'apki, ukarjam sarnaqapki jupanakawa, taqi ch'amamp sayt'apxatapat suma achunak churapxi.

Juan 14:15

“Jumanakatix munapxchistaxa, kamachinakax phuqhapxam.

Juan 15:14

Kuntix nayax jumanakar sapksma uktix lurapxätaxa, nayan jila masinakaxäpxätawa.

Deuteronomio 12:32

“Ukhamasti, taqi aka kamachinak phuqhapxam, ukhamarjam sarnaqapxarakim, jan kunsa k'ichxatasa, janirak kuns k'ichiqasa.

Deuteronomio 4:40

Jichhürun churapksma uka kamachi arunakap phuqhapxam, ukatsti jumanakasa, wawanakamasa, sumakiw sarnaqapxäta, walja maranakarakiw jakapxäta Tatit Diosamax wiñayatak churapkätam uka uraqina.”