Levítico 18:25 - Qullan Arunaka DC

²⁵ uraqinakapas uka kipkarakiw q'añuchjat uñjasxarakïna, ukatpï nayax jupanakarux uka ñanqha luratanakapat wayt'araktxa, uka markas taqi jakirinakaparuw ananukxaraki.

Aymar Bibliia 1986

²⁵ uca quipcaraquiwa jupanacan orakenacapasa k'añuchata uñjasjjaraquejja, ucampisa nayajj jupanacarojj uca ñankha luratanacapatjja cuenta wayt'aracta ucatwa jupanacarojj uca orakenacajj apanucjjejja take ucan jaquirinacarojja.

Qullan Arunaca

²⁵ uca quipcaraquiwa jupanacan orakenacapasa k'añuchata uñjasjjaraquejja, ucampisa nayajj jupanacarojj uca ñankha luratanacapatjja cuenta wayt'aracta ucatwa jupanacarojj uca orakenacajj apanucjjejja take ucan jaquirinacarojja.

Levítico 18:25 Jak'a apnaqawi uñst'ayäwi

1 Reyes 21:26

Idolonakar yupaychasin axtkay luräwi luräna, kunjämatix amorreonakax lurapkäna ukhama, Tatitux uka jaqinakaruw israelitanakan nayraqatapat jaqunukutayna).

Esdras 9:11

jumar luqtir profetanakam tuqi churapkista ukanakarux phuqhapkti. Jumasti nanakarux iwxapxistawa, kawkïr uraqirutix katuntañatak mantapkäyäta ukaxa, uka chiqankiri jaqinakan ñanqha lurañanakapampi phuqhantat uñjasitapa, jupanakan axtkañ luräwinakapamp phuqhantatätapa.

Salmos 106:38

Jan juchan jaqin wilap wartapxäna, wawanakapan wilap wartapxäna, Canaán uraqi diosanakaruw wila luqtapxäna. Uraqix wilampi q'añuchataw uñjasïna,

Salmos 89:32

32 (33) ñanqha luratanakapat mutuyä, jawq'añ thujrumpiw juchanakapat t'aqhisiyä;

Isaías 24:5

Uraqisti jaqinakapan takisitawa, kamachinak jan phuqhatap layku, arsutanakaparus janiw jaysapkiti, Tatitun wiñayatak arust'äwipsa p'akintapxarakiwa.

Isaías 26:21

Tatitusti jach'a utapat mistunini, aka uraqin jakir jaqinakaruw juchanakapat mutuyani. Qhurumpi jaqinakar jiwayirinakasti mutuyataw uñjasipxani.

Jeremías 14:10

Tatitux akham siw Israel markatxa: “Aka markax maysat maysar sarnaqañpun muni. Ukat nayax juparux jan taqi chuyma uñtkti. Jichhax juchanakapat amtasaw jupanakarux mutuyarakï.”

Jeremías 16:18

Nayraqatax mä ukkhampi jupanakarux mutuyä ñanqhanaka, juchanak lurapxatapata, uka axtaskañ diosanakapampisti nayan suma uraqix q'añuchapxatapata, kawkïr uraqtix jupanakar churkta uka uraqinsti nayax axtaskta ukanak lurapxarakïna.”

Jeremías 2:7

Nayaw jupanakarux aka suma uraqir irpanta, ukhamat suma achunakapat manq'apxañapataki. Ukampis jumanakax jutasinxa nayan uraqix takisipxtawa, aka uraqixatsti axtasiyapxarakistawa.

Jeremías 23:2

Israelan Tatitu Diosapasti, kawkïr awatirinakatix markap apnaqapki ukanakarux siwa: “Jumanakax ovejanakaxar ananukupxtawa, chhuktayapxtawa, janiw sum awatipktati. Jichhax walikiwa, nayax taqi jan wali luräwinakamat walpun mutuyapxäma. Naya, Tatituw uk arsta.

Jeremías 5:29

¿Janit ukanakat mutuykästi? ¿Janit ukham jaqinakar juchap uñt'aykästi? Naya, Tatituw uk arsta.

Jeremías 5:9

¿Janit uka luratanakapat mutuykästi? ¿Janit ukham sarnaqir jaqinakar juchap uñt'asiykästi?

Jeremías 9:9

9 (8) Ukatpï jupanakarux mutuyäxa, uka luratanakapatjam churarakï. Naya, Tatituw uk arsta.

Oseas 2:13

13 (15) Juparusti, yaqha diosanakar incienso luqtatapat mutuyä, nayar armanukusaxa, munirinakapar arkañatak surtijanakampi, wallqanakampi k'achachaskäna, taqi ukanakat mutuyarakï. Naya Tatituw uk arsta.

Oseas 8:13

Jupanakatakisti wilañchanak luqtañaw askixa, ukatsti, uka luqtat aychanak manq'apxaraki; ukampis naya Tatitux janiw ukanakampix kusisitäkti, kuna jan walinaktix lurapki ukanak amtaskakipunïwa, uka juchanakapatsti, Egipto markar kuttayasaw mutuyarakï.

Oseas 9:9

Guibeá markan urunakapanjam ñanqha lurañanakapampix q'al aynacht'xapxi. Ukampis Tatitux ñanqha luratanakapat amtasiniwa, juchanakapatsti mutuyarakiniwa.

Levítico 18:26

Ukampisa jumanak israelitanaka, ukhamarak kawkïri yaqha markat jutasin jumanak taypin jakir jaqinakasa, nayan kamachinakaxar phuqhas sarnaqapxam, janirak uka q'añu luräwinak lurapxamti,

Levítico 18:28

¡Uka uraqisti janirak jumanakarux apanukpati, kunjämtix jumanakat nayra jakapkän ukanakar apanukkän ukhama!

Romanos 8:22

Jichhürkamaw taqi akapachan jakirinakax ayquski, wawachasir warmir uñtataw t'aqhisiski.

Deuteronomio 18:12

Tatiturux, ukham lurir jaqinakax axtasiyiwa. Ukham axtaskañ luräwinakanïpxatap laykuw Tatit Diosamax taqi uka markanakar jumanak nayräxat jaqunuku.

Deuteronomio 21:23

uka jaqin janchipax janiw uka arumax uka quqan warkusiñapäkiti, jan ukasti ukürpachaw imt'xapxäta; quqar warkkatat jiwir jaqix Diosan ñanqhachatawa, Tatit Diosamax jumanakar churapkätam uka uraqxa, janiw jumanakax ñanqhachapxañamäkiti.

Deuteronomio 9:5

Janiw jumanakan aski luratanakam laykuti uka uraqinak katuntapkäta, Tatitux jan wali luratanakapat uka markanakarux jumanak nayräxat jaqunukuni. Ukhamat Abraham, Isaac, Jacob nayra awkinakamar arsutap phuqhañataki.