Levítico 18:24 - Qullan Arunaka DC

²⁴ “Janipun ukanakampix q'añuchjasipxamti. Kawkïr markanaktix nayax jumanak nayraqatat ananukkä ukanakasti uka luräwinakampiw q'añuchasipxäna,

Aymar Bibliia 1986

²⁴ “Janipuni ucanacampejja k'añuchasipjjamti. Cawquïri marcanactejj nayajj jumanac nayrakatata ananuccä ucanacasti uca luräwinacampiwa k'añuchasipjjejja,

Qullan Arunaca

²⁴ “Janipuni ucanacampejja k'añuchasipjjamti. Cawquïri marcanactejj nayajj jumanac nayrakatata ananuccä ucanacasti uca luräwinacampiwa k'añuchasipjjejja,

Levítico 18:24 Jak'a apnaqawi uñst'ayäwi

Génesis 15:16

Pusi patak mara qhipatsti, wawanakamax aka chiqaruw kuttanxapxani, ukkhakamasti amorreonakan jucha luratanakapax janïraw sinti jan walïkaniti.

1 Reyes 9:7

nayax Israel markarux jupanakar churat uraqitxa apanuküwa, qullanañchkta uka qullan utsa nayraqataxat apanuküwa, Israel markasti taqi markanakatakis larusiñatakïniwa.

2 Crónicas 33:2

Ukampis jupan luräwinakapax Tatit nayraqatan janiw walïkänti, jupasti kawkïr markanakarutix Tatitux israelitanakan nayraqatapat jaqunukkän uka markanakan axtkañ luräwinakap luräna:

Esdras 9:1

Ukanak tukt'ayatarusti, marka apnaqir jilïrinakax nayar jak'achasisin sapxitu: “Esdras, yatiyañ munapxsma; israelitanakasa, sacerdotenakasa, levita jaqinakasa, janiw aka markankir jaqinakat yaqhachat jakapkiti: cananeonakata, hititanakata, ferezeonakata, jebuseonakata, amonitanakata, moabitanakata, egipcionakata, amorreonakatsa, ukanakan axtkañ idolonakar luqtas sarnaqäwinakapatxa.

Salmos 106:39

luräwinakapampiw q'añuchasipxäna, ñanqha luratanakapampiw wachuqapxäna.

Jeremías 44:4

Nayasti mayamp mayampi nayar luqtir profetanak khithanipxäyäsma, jumanakar uka axtañ luräwinak jan lurapxañamatak yatiyiri, nayasti uka luräwinakampix axtastwa.

Ezequiel 36:17

“Israelitanakax pachpa uraqipan jakapkän ukapachasti, jan wali luräwinakapampiw uka uraqirux q'añuchjapxäna. Jupanakan jakäwinakapasti nayatakix axtaskañapunïnwa.

Levítico 18:3

“Egipto markan sarnaqäwinakaparjamax jan jakapxamti, kawkïr markantix jumanakax jakapkäyät ukana. “Canaán uraqin sarnaqäwinakaparjamax jan jakapxamti, kawkïr uraqirutix nayax jakapxañamatak irpapksma uka uraqina, janirak uka markan kamachinakaparjamas jakapxamti.

Levítico 18:30

Ukhamasti, nayan kamachi arunakax phuqhas sarnaqapxam, kuna q'añu luräwinak lurasatix jumanakat nayräxa jakir jaqinakax sarnaqapkäna uka luräwinakarux jan puripxamti, janirak ukanakampis q'añuchjasipxamti. Nayätwa jumanakan Tatit Diosamaxa” sasa.

Números 35:34

“Jakapkät uka uraqir janiw ñanqhachapxätati, nayax uka uraqin jakarakï, naya, Tatitux israelitanak taypin jakasta.”

1 Corintios 3:17

Maynitix Diosan utap t'unthapinixa, Diosax jupar t'unthapirakiniwa, Diosan utapax qullanawa, uka utasti jumanak pachpäpxtawa.

Deuteronomio 12:31

Jan jumanakax Tatit Diosamar ukham lurapxamti, kunjämtix uka markanakax diosapar waqaychapki ukax Diosar axtasiyiwa. Jupanakax ninampi phichhantasaw kipka wawanakapsa wilañcha luqtapxi.

Deuteronomio 18:12

Tatiturux, ukham lurir jaqinakax axtasiyiwa. Ukham axtaskañ luräwinakanïpxatap laykuw Tatit Diosamax taqi uka markanakar jumanak nayräxat jaqunuku.

Deuteronomio 9:4

Tatit Diosamax nayraqatanakamat uka markanakar jaqunukkani ukapachaxa, jumanakax chuymanakaman jan sapxamti: ‘Jiwasan aski luräwinakas laykuw Diosax aka markanak churistu’ sasa, Diosax jupanakar juchan sarnaqatanakap laykuw uka uraqinakat jaqunukuni.

Deuteronomio 9:5

Janiw jumanakan aski luratanakam laykuti uka uraqinak katuntapkäta, Tatitux jan wali luratanakapat uka markanakarux jumanak nayräxat jaqunukuni. Ukhamat Abraham, Isaac, Jacob nayra awkinakamar arsutap phuqhañataki.

Jueces 20:10

Israelan taqpach ayllunakapata, sapa tunka chachanakat mayniw ejercitotaki manq'añ thaqhapxani; mayninakasti Guibeá markankirinakar tukjiriw sarañäni, uka axtkañ luräwi Israel marka taypin lurapxatapata.

Jueces 20:5

Ukampis uka arumpachaw markankir jaqinakax, qurpachatäpkta uka utar muyuntapxitu, nayar jiwayañataki, ukatsti uñt'ataxaruw jan wali lurasin jiwayapxi.

Jueces 20:6

Nayasti jiwat janchip jisk'a jisk'a kharinuqasinxa, Israel markpacharuw apayta, ukhamat israelitanakan uka axtkañ luräwit yatipxañapataki.