Levítico 17:14 - Qullan Arunaka DC

¹⁴ taqi jakirinakan jakañapax wilankatap layku. Ukatpï sapxsmaxa, wilan aycha jan manq'apxamti sasaxa, jakañan uka wilankatap layku, khititix wilan aycha manq'kani ukasti, markapat jaqunukutäniwa.

Aymar Bibliia 1986

¹⁴ uca wilajj take jaquirinacarusa jacaña churatap laycu, ucampisa cawquïri jaketejj wila mank'ani ucasti jiwayatäjjaniwa.

Qullan Arunaca

¹⁴ uca wilajj take jaquirinacarusa jacaña churatap laycu, ucampisa cawquïri jaketejj wila mank'ani ucasti jiwayatäjjaniwa.

Levítico 17:14 Jak'a apnaqawi uñst'ayäwi

Génesis 9:4

Ukampis wilanpach aychxa janiw manq'apxätati, jakañan wilankatap layku.

Éxodo 30:33

Khititix aka aceite kipkak yaqha aceite lurkani, jan ukasa aka qullan aceitempi khiti jaqirusa warxatarakin ukaxa, jumanak taypit jaqunukutaw uñjasini’ ” sasa.

Levítico 3:17

“Aka kamachisti wiñayatakiwa, wawanakapan wawanakapatakiwa, kawkhantix jumanakax jakapkäta ukkhanxa, janipun wilsa, lik'sa manq'apxamti.”

Hechos 15:20

Jan ukasti jupanakar mä qillqat apayañaw wakisispa: ‘Idolonakar luqtat manq'anak jan manq'apxañapataki. Janirak axskatas jiwat uywanak manq'apxañapataki, wilan aycha jan manq'apxañapataki. Ukhamarusa, Moisesan kamachipan jark'atäki uka wachuq jucha lurañanak apanukupxañapataki.’

Deuteronomio 12:23

Ukampis janiw kuna laykus wilap manq'apxätati, wilax jakañawa; ukhamasti janiw jakañxa wilampi chika manq'antapkasmati.