Levítico 16:34 - Qullan Arunaka DC

³⁴ “Aka kamachisti jumanakatakix wiñayatakïniwa: maran mä kutiw akanak lurapxäta, kuna juchanaktix israelitanakax lurapkani ukanakat pampachatäñ jikxatapxañamataki.” Taqi ukanakasti, kunjämtix Tatitux Moisesar siskäna ukhamarjamapuniw phuqhasïni.

Aymar Bibliia 1986

³⁴ “Aca leyisti jumanacataquejj wiñayataquïniwa, maran mä cutiw acanacjja lurapjjaraquïta, cuna juchanactejj israelita jakenacajj lurapcani ucanacatjja pampachatäña jicjjatapjjañamataqui.” Take ucanacasti, cunjämtejj Tatitojj Moisesarojj siscäna uqhamarjamapuniw phokhasïnjja.

Qullan Arunaca

³⁴ “Aca leyisti jumanacataquejj wiñayataquïniwa, maran mä cutiw acanacjja lurapjjaraquïta, cuna juchanactejj israelita jakenacajj lurapcani ucanacatjja pampachatäña jicjjatapjjañamataqui.” Take ucanacasti, cunjämtejj Tatitojj Moisesarojj siscäna uqhamarjamapuniw phokhasïnjja.

Levítico 16:34 Jak'a apnaqawi uñst'ayäwi

Éxodo 27:21

Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.

Éxodo 30:10

Aka altarax Tatitur katuyat altaräniwa, maran mä kutikiw Aaronax altaran waxranakapxar wilañcha luqtata uywan wilap luqtani, jucha luratanakat pampachäwi jikxatañataki. Sapa maraw uka altarxarux juchat pampachayasiñatak wilañcha luqtapxäta.”

Éxodo 39:43

Moisesasti taqi luratanakap uñakipäna, Tatitun arsutaparjam lurapxatap uñjasin, suma waxt'äwip jupanakar churäna.

Levítico 16:2

Ukat Tatitux Moisesar säna: Aarón jilamarux akham sas yatiyam, jan kuna pachas mantkpati kawkïr qullan chiqatix velo qhipäxan utjki uka chiqaruxa, janirak arcar qhupxatatäki uka nayraqatarus mantkpati, ukhamat jan jiwañapataki; nayasti mä qinay taypin uka juchat pampachayasiñäki uka qhuphiñ patxan uñstarakï.

Levítico 17:1

Tatitusti Moisesaruw akham sarakïna:

Levítico 23:28

Uka urusti janipuniw kunanaksa irnaqapxätati juchat pampachatäña urütap layku, jumanakasti uka uruw Tatit Diosamat juchat pampachatäñ katuqapxäta.

Levítico 23:31

“Janipun uka urux kuna irnaqañanaksa lurapxamti. Kawkhansay jakasipkam, aka kamachisti jumanakatakisa, wawanakamatakis wiñayatakipunïniwa.

Levítico 24:23

Ukhamasti Moisesax israelitanakampiw parläna, ukatsti kawkïr jaqitix Tatitur ñanqhachkatayna uka jaqirux campamentot anqäxar irpsusaw qalamp k'upjas jiwayapxäna. Kunjämtix Tatitux Moisesar siskatayna ukhamarjamaw israelitanakax phuqhapxäna.

Levítico 3:17

“Aka kamachisti wiñayatakiwa, wawanakapan wawanakapatakiwa, kawkhantix jumanakax jakapkäta ukkhanxa, janipun wilsa, lik'sa manq'apxamti.”

Números 29:7

“Pachpa paqallqür phaxsina, tunka uru saraqkipana, jumanakax qullan tantachasïwi lurapxarakïta. Ukürusti ayuno lurapxäta, janirakiw kuna irnaqañanaksa lurapxätati.

Hebreos 10:14

Diosax jupar katuyasirirux mä sapa luqtäwi tuqikiw wiñayatak q'umachxi.

Hebreos 10:3

Ukampis aka wilañchanakax jucha luratanakapat sapa mara amtayañatakikiwa.

Hebreos 9:25

Janirakiw sapa kuti jupa pachpa luqtasirix mantkänti, kunjämatix Jilïr sacerdotex sapa mara qullan chiqar yaqhan wilap luqtir mantirïkän ukhama.

Hebreos 9:7

Ukampis Qullanan Qullanap chiqarux Jilïr sacerdotekiw maran mä kuti mantäna; ukawjarux uywanakan wilap apapxañapänwa, jupa pachpan juchapata, jaqinakan juchanak luratapat luqtañataki.