Levítico 16:31 - Qullan Arunaka DC

³¹ Aka kamachisti wiñayatakiwa: uka urusti jumanakatakix samaraña mä jach'a urüniwa, Tatitutak yaqhachata ayuno lurañ ururakïniwa.

Aymar Bibliia 1986

³¹ Aca leyisti wiñayataquiraquiwa: uca urusti jumanacataquejj wali jach'a urüniwa, samaraña ururaqui, uqhamaraqui Tatitutaqui yakhachata ayuno lurañ ururaqui.

Qullan Arunaca

³¹ Aca leyisti wiñayataquiraquiwa: uca urusti jumanacataquejj wali jach'a urüniwa, samaraña ururaqui, uqhamaraqui Tatitutaqui yakhachata ayuno lurañ ururaqui.

Levítico 16:31 Jak'a apnaqawi uñst'ayäwi

Esdras 8:21

Uka qhipatsti, Ahavá sat jawir jak'an tantacht'asipxta, ukawjansti, mä ayuno lurañatakiw arsurakta, ukhamat Tatitun nayraqatapan alt'at chuymamp juchanakax uñt'asiñataki, ukhamarak nanakar sumaki irpañapataki, wila masinakaxarusa, nanakan yänakaxarus Jerusalenar puriñkam imañapataki.

Éxodo 31:15

Suxta uruw irnaqasini, ukampis paqallqüri urux Tatitur luqtat samarañ uruwa. Khititix uka urun kunsa lurkani ukaxa, jiwayatäniwa.’

Éxodo 35:2

Suxta uruw irnaqapxäta, paqallqür urusti jumanakatakix qullanäniwa, Tatitur jach'añchañ samarañ urüniwa. Khititix uka urun irnaqanixa, jiwayatäniwa.

Isaías 58:3

ukatsti sapxarakiwa: ‘¿Kunatakirak ayunañänisti?, Tatitux janixay uñjkchitixa. ¿Kunatakirak ch'am tukuskañänisti?, jupax janixay amuykchitixa’ sasa. Ayunañ urunsti jumanakax aljasiñanakaruw uskusipxtaxa, irnaqirinakamatsa ch'am q'al thalsupxtaxa;

Isaías 58:5

Ukham ayuno lurañaxa, nayatakix janipuniw kuna askïkisa. Mä alir uñtataw p'iqinakam alintapxtaxa, chhankha isinakampi isthapisisaw qhillxan ikipxtaxa. Uka luräwiruw ‘Ayuno’ sapxtaxa, ‘Tatitutakisti aski uruwa sapxaraktawa’,

Daniel (hebreo) 10:12

Ukat jupax sarakitu: ‘Daniel, jan axsaramti, Tatitux nayrïr urutpach mayisitanakam ist'tam, uka jan amuyt'kay samkanakxat yatiñatak ch'amachasitamata, nayraqatapansa alt'at chuymam uñacht'ayatamata. Ukat nayax jutawayta.

Levítico 23:32

Jumanakatakisti uka urux samaraña, ayuno lurañ ururakïniwa, uka phunchhäwi ursti uka phaxsina llätunka uru saraqataru jayp'u chiqat qalltapxäta, qhipüru pachpa jayp'u chiqar tukt'ayasa.”

Levítico 25:4

ukampis paqallqu mara purinxipansti uka uraqix Tatitutakiw samarani; uka marasti janipuniw yapunakam yapuchapxätati, janirakiw uva alinaksa khuchhurapxätati.