Levítico 16:30 - Qullan Arunaka DC

³⁰ ukürurakiw jumanakax Tatitun nayraqatapan juchanakamat pampachatäñ jikxatapxäta, taqi jucha luratanakamatsa q'umachataw uñjasxapxarakïta.

Aymar Bibliia 1986

³⁰ Ucüruraquiwa jumanacajj juchanacamat pampachatäñjja jicjjatapjjäta Tatitun nayrakatapanjja, uqhamarac take jucha luratanacamatsa k'omachataw uñjasjjapjjaraquïta.

Qullan Arunaca

³⁰ Ucüruraquiwa jumanacajj juchanacamat pampachatäñjja jicjjatapjjäta Tatitun nayrakatapanjja, uqhamarac take jucha luratanacamatsa k'omachataw uñjasjjapjjaraquïta.

Levítico 16:30 Jak'a apnaqawi uñst'ayäwi

Salmos 51:10

10 (12) Dios Tatay, ¡q'uma chuymay churita!, ¡machaq aski ajayuy churita!

Salmos 51:2

2 (4) ¡Ñanqha luratanakaxat jariqt'ita! ¡Jucha luratanakaxat q'umacht'ita!

Salmos 51:7

7 (9) Hisopo alimp ch'axch'ukipita: nayasti q'umachataw uñjasï; jariqt'itaya, nayasti khunut juk'ampi janq'uw tukxä.

Jeremías 33:8

Kuna juchanaktix nayar ñanqhachañatak lurapkäna, ukhamarak nayatak sayt'asipkäna taqi ukanakat q'umachxarakïwa.

Levítico 23:27

“Uka pachpa paqallqüri phaxsina tunka uru saraqatarusti, uka urux juchat pampachatäñ urüniwa. Uka urusti jumanakax mä suma qullan tantachasïwi lurapxäta, ukhamarak ayuno lurapxäta, Tatitutakisti mä waxt'a nakt'ayasina luqtapxarakïta.

Levítico 23:28

Uka urusti janipuniw kunanaksa irnaqapxätati juchat pampachatäña urütap layku, jumanakasti uka uruw Tatit Diosamat juchat pampachatäñ katuqapxäta.

Efesios 5:26

Uksti qullanar tukuyañatakiw ukham luri, uma jariqäwimpi arup tuqi q'umachasa,

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.