Levítico 16:27 - Qullan Arunaka DC

²⁷ “Jucha luratat wilañcha luqtatäkän uka urqu vacampi, cabritompi, ukanakan wilapas qullan chiqar juchanakat pampachasïwi jikxatañatak apatäkän ukanakax, campamentot anqäxar apatäxañapawa, lip'ichipasa, aychapasa, thaxanakapas taqpach nakhantayatäxaniwa.

Aymar Bibliia 1986

²⁷ “Cawquïri orko vacatejj, uqhamarac cawquïri cabritotejj jucha luratata sacrificio loktatäqui ucanacan wilanacapasa kollana chekaru apatäcaraquïna juchanacat pampachasïwi jicjjatañataqui, ucanacasti campamentot ankäjjaru apatäjjañapawa, lip'ichinacapasa, aychanacapasa, cuna jilt'anacapasa takpacha naqhantayatäjjaraquiniwa.

Qullan Arunaca

²⁷ “Cawquïri orko vacatejj, uqhamarac cawquïri cabritotejj jucha luratata sacrificio loktatäqui ucanacan wilanacapasa kollana chekaru apatäcaraquïna juchanacat pampachasïwi jicjjatañataqui, ucanacasti campamentot ankäjjaru apatäjjañapawa, lip'ichinacapasa, aychanacapasa, cuna jilt'anacapasa takpacha naqhantayatäjjaraquiniwa.

Levítico 16:27 Jak'a apnaqawi uñst'ayäwi

Levítico 4:21

Ukatsti uka urqu vacax campamentot anqäxar apsusin nakhantayatäxaniwa, kunjämatix nayraqat urqu vacax nakhantayatäkän ukhama, taqi israelit jaqin juchapat wilañcha luqtatätap layku.

Levítico 6:11

11 (4) Ukxarusti yaqha isimpiw isthapisxani, ukatsti uka qhillanakxa campamento anqäxaruw mä q'uma chiqawjar apxani.

Levítico 6:23

23 (16) Sacerdotenakan taqi waxt'anakapasti q'ala nakhantayatäñapapuniwa, janirakiw khitis uk manq'añapäkiti.”

Levítico 6:30

30 (23) Ukampisa kawkïr uywatix juchat luqtatäki, wilapas juchanakat pampachañatak Tatitump Jikisiñ Carpar apatäki uka uywan aychapax janipuniw manq'askaniti. Uka luqtäwisti ninampi nakhantayatäñapawa.

Levítico 8:17

Ukampis lip'ichipa, aychapa, phusnunakapsa, campamentot anqäxan ninampiw nakhantayxäna, kunjämtix Tatitux Moisesar siskatayna ukhamarjama.