Levítico 16:15 - Qullan Arunaka DC

¹⁵ uka qhipatsti jaqinakan juchanakapat mä wilañchäkaspas ukham luqtañatakiw cabritorux jiwayxani, wilapsti velo qhipäxaruw apxani; uka manqhan arcan qhuphiñaparux kunjämtix vacan wilapampix ch'allt'käna ukham ch'allt'arakini.

Aymar Bibliia 1986

¹⁵ uca khepatwa cabritorojj jiwayjjaraquini, jakenacan juchanacapata mä sacrificiöcaspasa uqhama, ucatsti uca wiljja velo khepäjjaruw apjjaraquini; uca mankhanwa taparojj patjjata uqhamarac nayräjjata ch'allt'ani, cunjämtejj vacan wilapampejj ch'allt'cäna uqhama.

Qullan Arunaca

¹⁵ uca khepatwa cabritorojj jiwayjjaraquini, jakenacan juchanacapata mä sacrificiöcaspasa uqhama, ucatsti uca wiljja velo khepäjjaruw apjjaraquini; uca mankhanwa taparojj patjjata uqhamarac nayräjjata ch'allt'ani, cunjämtejj vacan wilapampejj ch'allt'cäna uqhama.

Levítico 16:15 Jak'a apnaqawi uñst'ayäwi

Levítico 16:2

Ukat Tatitux Moisesar säna: Aarón jilamarux akham sas yatiyam, jan kuna pachas mantkpati kawkïr qullan chiqatix velo qhipäxan utjki uka chiqaruxa, janirak arcar qhupxatatäki uka nayraqatarus mantkpati, ukhamat jan jiwañapataki; nayasti mä qinay taypin uka juchat pampachayasiñäki uka qhuphiñ patxan uñstarakï.

Levítico 4:21

Ukatsti uka urqu vacax campamentot anqäxar apsusin nakhantayatäxaniwa, kunjämatix nayraqat urqu vacax nakhantayatäkän ukhama, taqi israelit jaqin juchapat wilañcha luqtatätap layku.

Levítico 4:5

Ukatsti jupa kipkaw vaca qallun mä juk'a wilap katusin Tatitump Jikisiñ Carpar apani,

Números 17:11

11 (26) Moisesasti Tatitun arsutaparjamaw taqpach luräna,

Números 28:15

Sapüru nakt'ayat waxt'a luqtatat sipansa, Tatiturux jucha luratat mä chivo wilañcha luqtapxäta, vino waxt'amp kuna.

Hebreos 2:17

Ukatakisti taqi kunansa jilanakapjam tukuñapaw wakisïna, khuyapayasiri, chiqapa, Jilïr sacerdotjam Dios nayraqatan tukuñataki, ukatsti t'aqhisitap tuqi jaqin juchanakapan pampachatäñapataki.

Hebreos 5:3

uka t'ukhasiñap laykuw juchanakapat wilañchanak luqtañapax wakisi, kamisatix jaqinakan juchanakapat luqtki ukhama.

Hebreos 6:19

Uka suyt'äwiw ajayusarux sum katxäsi, kunjämatix anclax mä barcor katxäski ukhama. Uka suyt'äwix alaxpach qullan utan cortina qhipäxkamaw manti,

Hebreos 7:27

Janiw maynïr jilïr sacerdotenakjamäkiti, uywanak jiwayasin wilañchanak sapür luqtañapataki, nayraqatax jupanakan pachpa juchanakapata, ukxarusti jaqin juchanakapataraki. Ukampis Jesusax mä kutikiw wiñayatak jupa pachpa luqtasiwayi.

Hebreos 9:12

Cristox uka qullan chiqaruw manti, janiw cabritonakana, vaca qallunakan wilap luqtir mantkiti, jan ukasti, jupan pachpa wilap luqtiriw manti; mä kutikiw wiñayatak manti, ukatsti jiwasatakix wiñay qhispiyasiñ jikxati.

Hebreos 9:13

Urqu vacanakana, cabritonakan wilapampi, altaran nakhantat qachu vaca qallunakan qhillanakapampi, taqi ukanakamp juchaninakxar ch'axch'ukipatasti, anqäxatak qullanaptayaspa, q'umacharakispa.

Hebreos 9:3

Payïr cortina qhipäxankki uka chiqax Qullanan Qullanapa satänwa;

Hebreos 9:7

Ukampis Qullanan Qullanap chiqarux Jilïr sacerdotekiw maran mä kuti mantäna; ukawjarux uywanakan wilap apapxañapänwa, jupa pachpan juchapata, jaqinakan juchanak luratapat luqtañataki.