Levítico 16:13 - Qullan Arunaka DC

¹³ uka inciensompisti, Tatit nayraqatan uka ninxaruw jach'xatani, uka incienson jiwq'ipasti Tatitumpi amtäwi arcapar qhupxatatäki ukaruw chhaqtayani. Ukhamat Aaronax jan jiwkaniti.

Aymar Bibliia 1986

¹³ uca inciensti Tatitun nayrakatapancqui uca ninjjaruw jach'jjataraquini, ucat uca incienso jiwk'esti cuna tapatejj arca khopjjatatäqui juchat pampachatäñataqui ucaruw chhaktayaraquini, cawquïritejj amtäwi arcäqui ucaru. Uqhamatwa Aaronajj jan jiwcaraquiniti.

Qullan Arunaca

¹³ uca inciensti Tatitun nayrakatapancqui uca ninjjaruw jach'jjataraquini, ucat uca incienso jiwk'esti cuna tapatejj arca khopjjatatäqui juchat pampachatäñataqui ucaruw chhaktayaraquini, cawquïritejj amtäwi arcäqui ucaru. Uqhamatwa Aaronajj jan jiwcaraquiniti.

Levítico 16:13 Jak'a apnaqawi uñst'ayäwi

Éxodo 25:21

Ukatsti uka qhuphiñ arca patxar uchäta, uka arca manqhirusti churkäma uka kamachi uchäta.

Éxodo 28:43

Uka calzoncillo ucht'ataw Aaronampi, wawanakapampix Tatitump Jikisiñ Carpar mantapxani, jan ukax qullan chiqawjan sacerdote lurañanakap phuqhir altarar jak'achasipkani ukapachasa, ukhamat kuna juchsa jan lurapkaniti, janirakiw jiwapkanisa. Aka kamachix wiñayatak utt'ayatawa, Aaronampitaki, wawanakapan wawanakapampitaki.

Éxodo 30:1

“Ukxarusti, incienso nakt'ayañatakix acacia lawat mä altar lurarakim.

Levítico 22:9

“Jupanakarusti nayan kamachinakaxar phuqhas sarnaqapxpan sarakim, janitix uka kamachinakar phuqhapkani ukasti, jiwarapxaniwa. Naya Tatituw jupanakarux nayatak yaqhachasta.

Números 16:18

Qhipärmanthisti, sapa mayniw incienso q'aphichañap apxarusïna, aqaskir k'illimampi, inciensompi ucharakïna, ukatsti Moisesampi, Aaronampi chikaw Tatitump Jikisiñ Carpa nayraqatan sayt'asipxäna.

Números 16:46

46 (11) Moisesasti Aaronar sänwa: —Incienso q'aphichañam aptanim, ukarusti altarat apaqasin nina sank'a uchäta, inciensompiw ukar warxatarakïta; ukatsti jank'akiw israelitanak thiyar saräta, Tatitut jupanakatak pampachäwi mayirapïta, Tatitux wali q'apisitawa, jaqinakaruw mutuyaski —sasa.

Números 16:7

ukarusti nina sank'anak uchapxam, incienso willxatapxarakim, ukatsti arumanthix Tatitun nayraqataparuw uk uchanipxäta. Khitinakarutix Tatitux qullan carpapan luqtañapatak ajlliskani, jupanakakiw uk lurapxani. ¡Levitanaka, jichhax jan juk'amp arusipxamti!

Números 4:15

Aaronampi, wawanakapampix taqi uka qullan yänak llawthapiñ tukuyxapxani, sarantañatakis niya jank'akïpxarakini ukapachasti, Quehat chachan wawanakapaw jutapxani, taqi uka yänak apañataki. Ukampis kunatix qullanäki ukxa janiw llamkt'apxañapäkiti, jupanakan jan jiwapxañapataki. Quehat chachan wawanakapax, taqi aka qullan yänak Tatitump Jikisiñ Carpat apapxañapa.

Números 4:20

Ukhamat jupanakax kunatix qullanäki ukanak uñjir jan mantapkaniti, janirakiw jiwapkanisa.”

Deuteronomio 33:10

Jumanakaw markamarux kamachi arunakap phuqhañ yatichapxtaxa; Diosan altarapxansti, kunayman waxt'anak luqtapxtaxa.

Hebreos 7:25

Ukat jupa tuqi Diosar jak'achasirinakarux wiñayatak qhispiyaspa, jupanakatak Diosar mayiñatakix jupax wiñayatakiw jaki.

Hebreos 9:24

Cristox janiw jaqinakan lurat qullan chiqar mantkänti, ukax chiqpach qullan utar uñtatakïnwa, jan ukasti Cristox pachpa alaxpacharuw mantäna, jichhasti ukan Diosan nayraqatapan jiwasatak mayiski.